1 Kodin 11:25 - Got weng abem: Alokso abino kalin

²⁵ budet wane nadiwe ulum kanoda ulutaw ki dák wain wok faku nadale bako, “bela Got ami alam wanang kinim so alokso abino kalin nalam kaim tuw kidel daudokabi ko. Wane nadiwe beta leiw taw keida, nam aket fukan dákanin.” Yakeisa.

Got Weng Abem

²⁵ budet wane nadiwe ulum kanoda ulutaw ki dák wain wok faku nadale bako, “bela Got ami alam wanang kinim so alokso abino kalin nalam kaim tuw kidel daudokabi ko. Wane nadiwe beta leiw taw keida, nam aket fukan dákanin.” Yakeisa.

1 Kodin 11:25 ပူးပေါင်းရင်းမြစ်များ

Luk 22:20

alo leiw makuw kanaba be ki, aka wok wain kaw uyo kudu nadale bako kala ko. “Bulayo ki nalam kaim kimino, kale imsádi kale bela nalam kaim tuw alokso abino kalin uyo yán tum kuti kudámi ko.

1 Kodin 10:16

Kale nuka nulum wain wok Kamok alam bán dim teinbu, buta Kamok suksukla bom ken keiyo kalum kala. Kale be nuka wain wok kuduluw kaí, nuka Kadais ami fikalese kaim makuw be ki kikiw kudabuw. Ade nuka budet sidel sidel dau gelebuw be Kadais ami dam makuw be ki kudabuw.

1 Kodin 11:24

Got ken keiyo, akei fako ku nadale bako, “bela kudu wanino, be nalam dam kimi dauyami ko. Be kana bom nadiwo beta leiw taw keida nam aket fukan dákanin.” Yaka,

2 Kodin 3:14

Isadael kayak im aket fukanin bo angwá ilim kal kin atiyamin taw auda, ika dil abino kalin uyo suwayo kímámsiw so kamane kíbiw so be ika mak kal keidoliw banim, kata ika afan dák made Kadais atamokabiw, beta kuw afan ilim kál imi kin atisu uyo fidkan kei yakinu, ken utam kal keidokabiw.

2 Kodin 3:6

Got alata nuka kanoyama ken, alamiyo alokso abino kalin alam wanang kinim so kidel kuse umi wok fakudino, yakeise. Kale alokso abino kalin be sawa abem godusiw, ata bá, be Sinik Abem ami dim kal tadeba. Sawa abem godusiw bo fikalanámin kudew tasu, kata Sinik Abem ata sinik so biyámin uyo kukáyaba.

Ibidu 13:20

Naka wis sánla bidino Got abino kalin kinim ami nulum Kamok Yesus fikala tá dau nada siwsiw kin modin kinim dukum keidawase ayo alam kaim dim weng kidel abino kalin