1 Kodin 11:20 - Got weng abem: Alokso abino kalin

²⁰ Kiba tada tada bom sák imin uta wanbiw, kata Kamok aket fukanin ban dukámin wanin uta wanumo, kale tadebiw bá.

Got Weng Abem

²⁰ Kiba tada tada bom sák imin uta wanbiw, kata Kamok aket fukanin ban dukámin wanin uta wanumo, kale tadebiw bá.

1 Kodin 11:20 ပူးပေါင်းရင်းမြစ်များ

Sinik Abem 2:42

Kale Yesus afan kalin kinim ika tada tada bom weng dew kámin kinim im sawa kidi bom, imin fakel fakel wan bom nadiwe Got so weng bakan bom ilim ufek ufek uyo kudawa kudawasiw ko.

Sinik Abem 2:46

Kale Yesus afan kalin kinim iyo sun kuw tad Yol am kasadam tem tademámsiw. Kata ilim am am uyo aket dakbu idak tein bom nikil tada tada bom budet fakel fakel wan bom nadiwe

1 Kodin 11:17

Kamane nami yak kano maek kano kalin weng mak dauyamongin keimi, be naka kimi win dafoyamongin keimi bá, watawo kaleyo bá, kim Got wanang kinim gu tada tada gei dukanbiw iwyak tem ufek ufek mak kanabiw bewák be atin kidel seng kanabiw bá ade be dakáyamomu banim ko.

1 Kodin 11:19

Awo bo aket luklakin bá, bo wengal fukan bidiwo kal kei au, beta Got kinim tatun, beta afan kalin balut balutba, kalin buye.

1 Kodin 11:21

Watawo kaleyo bá, wanin wananiw ukul makuw makuw kiba kinim madik im leiw fenongin danim, kiwsik wanin wanumo, kaleyábiw. Madik itane tad wanin iwábiw ade madik itane wanin seng wananábiw ade madik itane wok wain iwábiw ade madik itane wain wok seng wanan bom nadiwo aket dakwan keibidiw.

Ibidu 10:25

Kale Got wanang kinim gu numi tada tada bom dakodawa dakodawain kukuw uyo yak wanang kinim madik imi kanamongin banim itaw keimin bá, kata nikil nuka akanum daw kitid moda modain kukuw uyo kidela tamso tamso faku suduwo kala, kale kilim kal Yesus ami tademin am afung am uyo mew tadbu kala.

2 Bita 2:13

Kale ibakamin kinim kukumusiw, ika kinim wanang kanayamiw kál funin kudusiw. Kale Got akal yán kidá iliso kál funin kudulokabiw. Ika wanang kinim kin dim kadákal sakadin kámin aket funyam buduno, kasen kei Got man keiduw kaí, kal bom kiliwso iliso kilim gu makuw kei bom wanin wananaliw kala. Kaleyo ika be fatom so win mafak so uyo kudew tad dákayamábiw ko.

Yut 1:12

Kinim kanabiw bidi im fatom banim ita kukuw mafak mafak uyo kanamaliw ade ika iliso kim iwyak tem tada tada bom ban imin wananin uyo iliso wananaliw ade im kanamaliw bo tol nangfid fadok yak ilim namal dim ababu taw keimábiw. Ika kiwsono yakeiyábiw bá, kata ulum nuluta kiyo kaleyábiw bo mit banim. Kale ika atin am yák dukum tad bada abid ibin mitika weiw tadokabano, kale fen bi kudabuw taw keibiw ade ika as gim abudongin banim waw fidaba taw keibiw ade ika as kimkim so fadat dew matam dawtidaw atin fikale gutaba taw keiyábiw ko.