1 Kodin 11:17 - Got weng abem: Alokso abino kalin

¹⁷ Kamane nami yak kano maek kano kalin weng mak dauyamongin keimi, be naka kimi win dafoyamongin keimi bá, watawo kaleyo bá, kim Got wanang kinim gu tada tada gei dukanbiw iwyak tem ufek ufek mak kanabiw bewák be atin kidel seng kanabiw bá ade be dakáyamomu banim ko.

Got Weng Abem

¹⁷ Kamane nami yak kano maek kano kalin weng mak dauyamongin keimi, be naka kimi win dafoyamongin keimi bá, watawo kaleyo bá, kim Got wanang kinim gu tada tada gei dukanbiw iwyak tem ufek ufek mak kanabiw bewák be atin kidel seng kanabiw bá ade be dakáyamomu banim ko.

1 Kodin 11:17 ပူးပေါင်းရင်းမြစ်များ

Udom 13:3

Kinim kan ata kukuw kidel faku be, aka gawman itam fingánin bá. Kata kan ata kukuw mafak fakube, aka gawman iyo fingán bom nadano ko. Kaba gawman bidi itam fingánomi báyo, kalbáwe? Kanabaw kaí, kalam kukuw kidel ki faku badawe, gawman ikal kalam win dafokamokabiw.

1 Kodin 11:2

Naka kimi tok kuw bakanyabi, watawo kaleyo bá, kiba sun kuw nam aket fukan bom nadiwe kukumin kuyamsi uyo abobidiw kayo ko.

1 Kodin 11:20

Kiba tada tada bom sák imin uta wanbiw, kata Kamok aket fukanin ban dukámin wanin uta wanumo, kale tadebiw bá.

1 Kodin 11:22

Kale kilim am kal ken imin so wok so uyo wane nadiwo kiba Got wanang kinim gu so win banim im wanin kudew tademin banim so iyo im fatom dákanongin banim keidin kala. Kaleyo naka kiba watawo yakokabine? Mew kanabiw umi tok uta bakoyamokabine? Atin afan naka kim tok so mak bakayamábi bá ko.

1 Kodin 11:34

Ade makuw mak tew dukum keikama wabising wanono, kalaw kaí, kalam am kaw tam kal kidela wanin wane tademin kala. Kale kiba be kano tada tada bom kanamokabiw beta Got ayo taktaka imudoma banim keidokaba. Kale naka tad nadino makso beta kanamin kale kukuyamokabi ko.

1 Kodin 14:23

Kaleyo adikum Got wanang kinim tada tada gei dau nadiw adikum kiba weng kukum kukum weng bakanbiw namti, afan kalin banim so im kal banim so iyo tad itamokabiw uyo im aket bo kiba aket dakwan kei bidiwo yakokabiw kala.

1 Kodin 14:26

Nalam nikil fikal nami kanam kalbi ami mit ayo ki Got win dafádawumo, kale gei dukanbiw kawák ayo ki, kinim mak aka fuw wemokaba, mak atane kukumokaba, kinim mak aka Got ami aket fukanba uyo kidela misuna kuw kaím dákamokaba, mak atane weng kukum bakan bada ayo kinim kukum ata tabe weng be kusiki kanam kalbano, kalanokaba. Adikum buyo ki kana bom naduno Got wanang kinim gei dubidiw iyo dakoyamokabu kala.

Ibidu 10:25

Kale Got wanang kinim gu numi tada tada bom dakodawa dakodawain kukuw uyo yak wanang kinim madik imi kanamongin banim itaw keimin bá, kata nikil nuka akanum daw kitid moda modain kukuw uyo kidela tamso tamso faku suduwo kala, kale kilim kal Yesus ami tademin am afung am uyo mew tadbu kala.

1 Bita 2:14

ade alam gawman kamok kamok ilim akfak tem bidi, Badai Minista kitid dauyam alata gawman kamok kamok walu imu yak kan ata kukuw mafak fákanba, iyo sok gei imka bom nadiwe yak kan ata kukuw kidel kanabiw iyo keno, yakanin kala. Kale yakeisa.