1 Kodin 10:16 - Got weng abem: Alokso abino kalin

¹⁶ Kale nuka nulum wain wok Kamok alam bán dim teinbu, buta Kamok suksukla bom ken keiyo kalum kala. Kale be nuka wain wok kuduluw kaí, nuka Kadais ami fikalese kaim makuw be ki kikiw kudabuw. Ade nuka budet sidel sidel dau gelebuw be Kadais ami dam makuw be ki kudabuw.

Got Weng Abem

¹⁶ Kale nuka nulum wain wok Kamok alam bán dim teinbu, buta Kamok suksukla bom ken keiyo kalum kala. Kale be nuka wain wok kuduluw kaí, nuka Kadais ami fikalese kaim makuw be ki kikiw kudabuw. Ade nuka budet sidel sidel dau gelebuw be Kadais ami dam makuw be ki kudabuw.

1 Kodin 10:16 ပူးပေါင်းရင်းမြစ်များ

Luk 22:17

Kale yak wain wok kaw kudu faku nadale Got ken keiyo akei nadale bako, “bula kudu nadiwade nikil gele wanino.” Yakeisa.

Sinik Abem 2:42

Kale Yesus afan kalin kinim ika tada tada bom weng dew kámin kinim im sawa kidi bom, imin fakel fakel wan bom nadiwe Got so weng bakan bom ilim ufek ufek uyo kudawa kudawasiw ko.

Sinik Abem 2:46

Kale Yesus afan kalin kinim iyo sun kuw tad Yol am kasadam tem tademámsiw. Kata ilim am am uyo aket dakbu idak tein bom nikil tada tada bom budet fakel fakel wan bom nadiwe

Sinik Abem 20:11

beta tam el am kal budet uyo fakela ku wane nadiwo Faul kanom weng bakan sada dána matam imadá una nade

Sinik Abem 20:7

Kale wik mit kei kamakikiw am dánámin kawákal Got wanang kinim nuka num kanamin kei tada tada ban imin wanin fakel bom wanumo kanamom naduwo Faul ayo amsino imadá unokabi. Kale nadano kayo weng kimis kuw kinim wanang ulum kanom bakaya bada bi midiliw am iw fakodawsa.

1 Kodin 1:9

Kale Got aka afan kanamin kinim. Kale alata kiba gán dáyama, alam Man nulum Kamok Yesus ami biyámin uyo nuluso makuw dek amkidino, yakeise kayo ko.

1 Kodin 10:15

Kale naka wanang kinim kan ata ufek ufek mit ken kal keidoliw imi bakanyabi. Kale kibil kibiliwta nam weng uyo afetudin kala.

1 Kodin 12:13

Madik nuka Yu kayak madik ika Mifiw, madik ika sok gei imudin kinim taw kei wok fakudin, madik itane gulbal kinim, kata atin miton ayo ki Sinik Abem ata adikum nuka tada tada dek amki imu nadane kanoyama dam makuw kei buduw ade Sinik Abem be makuw dabudusuw alata ki ko.

Ibidu 3:14

Nuka Yesus aket afan kalin uyo alam kano kamakikiw kanosuduw taw ki keidokabuw, beta Got alam ufek ufek Yesus kudawsa uyo nuluso makuw adikum kikiw kudulokabuw.

1 Yon 1:3

Kale aka nulum kin atam naduwe nuluta weng kidilaw ausuduw kayo kano bakoyamuwo, kibil kiliwso am sung uyo kidi nadiwe maek num Natim Got so Yesus Kadais so gu makuw kei buduw tadiwo nikil dák mak dádum kala.

1 Yon 1:7

Kata nuka lánin dim buduw kaí, Got lánin taw kei naduwe gu makuw kei buduw Yesus ami kaim ata tabe num ban keimin uyo adikum ginga imkanba kala.