1 Bita 4:8 - Got weng abem: Alokso abino kalin

⁸ Mew kukuw kidel adikum bo kanamom nadiwo atin kidela akanum aket kudawa kudawain ki atin kidela, yakik fakudin kala. Kale be watawo kaleyo bá, akanum aket kudawa kudawain uta kanam unom nadiwo kakanum ban keimin seng seng uyo lukuwá kudálawa kudálawain kayo ko.

Got Weng Abem

⁸ Mew kukuw kidel adikum bo kanamom nadiwo atin kidela akanum aket kudawa kudawain ki atin kidela, yakik fakudin kala. Kale be watawo kaleyo bá, akanum aket kudawa kudawain uta kanam unom nadiwo kakanum ban keimin seng seng uyo lukuwá kudálawa kudálawain kayo ko.

1 Bita 4:8 ပူးပေါင်းရင်းမြစ်များ

1 Kodin 13:1

Naka weng bakanokabi uyo ken mew adikum kinim mit kukum kukum imi weng bo bakanomi ade ensel imi weng bo naka ken bakanomi, kata naka madik iyo aket mak kuyamongin banim, dakobi namti, naka mada weng mit banim ket tem kiluk dukum daudin taw keibi bo.

1 Kodin 13:4

Kale aket kudawa kudawain be dakbuyámin ade kinim tabesa kinim keiyámin. Aket kudawa kudawain be titiyámin bá ade kalam tok bakanin bá ade nata kayo kalin bá.

Kalose 3:14

Akanum aket daudawa daudawayokabiw, ata atin babid ade adikum mew kukuw madik bo akayamsa. Watawo kaleyo bá, kiba beta kanamokabiw adikum tada tada atin kidel kuw dek amkidokabiw kala.

1 Tesalonaikka 3:12

Kamok ata kim akanum aket kudawa kudawin so kinim wanang adikum imi aket kukáyamin so uyo dukuma kuyamano, makso makso fasu matam nulum aket kukáyamábuw ulutaw keidane,

2 Tesalonaikka 1:3

Nuka nikil fikal kim sung uyo sun kuw Got ken keiyo, akanaluw be, nuka ken leiw tem kanamoduw ka. Kale be watawo kaleyo bá, kim afan kalin uyo atin seng kuw fasubu ade akanum aket kudawa kudawain uyo ulum kano dukum fasu bom kei buduno kala.

1 Timoti 1:5

Kaleyo weng bakodi ami mit ayo ki kanodin kukuw uta dakokamuno, kakanum aket kudawa kudawin, atin aket kidel, fatom banim, atin afan kalin makuw uta ta bom aket kudawa kudawin uyo maek tadebu.

Ibidu 13:1

Kiba nikil ulum kano afan kalin kafadow kasal iyo Yesus win dim aket daudawa daudawa kei bom nadiwo kala.

Yemis 5:12

Nalam nikil fikal kiba, weng babid makuw bela atamin, kiba ufek ufek kakanum weng sánlawiw namti, Got win so Yesus win so ufek ufek madik im win so imson nuduwo matam kitidanako kalin bá. Kale be kiba afan weng sánlawokabiw namti, bako atin afan kanokamokabino, kalin ade kanodokabuw báyo kal bom keimin kala. Kale beta kanamom nadiwo kiba tad Got ami sok gimin akfak tem tadoliw banim keidin kala.

Yemis 5:20

bela fukan dádin kala. Kan ata ban keimin kinim ayo alam ban keiba kalo dew maek Got mit tem tada namti, aka atin kinim ayo ban keimin kail bá takeikudaw fikalanin kalo dew maek dádaw ban keimin seng seng uyo lukuwá banimlawa ko.

1 Bita 1:22

Kale kamane kiba tatun weng uyo kidiyábiw, kayo umi tudow dim kim aket tem uyo ifiw banim atin kidelasidiw. Kale kiba kilim kafadow kasel Got afan kalin iyo atin kidela aket kuyam bom atin im aket uyo fikale bom nadiwo kala.

3 Yon 1:2

Nam lon kaba, naka Got gánlaw bidino kam biyámin uyo atin kidel keidune, kalami uyo ken kasáim ki bal kala. Kale naka nalam kal kam sinik ukal kano ken kuw teinbu ko.