1 Bita 3:10 - Got weng abem: Alokso abino kalin

¹⁰ Alo Got godin weng uyo bako, “kinim kan ata alam teinámin uyo atin kidel kuw bom atan kidel dána bada utamanba taw kei bom bono kala kaí, weng mafak so bakamin bá ade ibakamin weng so bakamin bá.

Got Weng Abem

¹⁰ Alo Got godin weng uyo bako, “kinim kan ata alam teinámin uyo atin kidel kuw bom atan kidel dána bada utamanba taw kei bom bono kala kaí, weng mafak so bakamin bá ade ibakamin weng so bakamin bá.

1 Bita 3:10 ပူးပေါင်းရင်းမြစ်များ

Matiyu 19:17

Yesus asik weng yán kidaw, “watawo kale kaba dákadánam utakun uta kidelo nakbáwe? Kidel be kinim makuw ata kuw kinim kidel. Kale kaba sun sun biyámin uyo kuduno, kalaw namti, kaba sawa adikum uyo kidel kuw dew faku bom nadawano,” akane,

Mák 8:35

Yak kan ata alam sinik so biyámin ki luk dudu be kaí, aka iw kulel keidokaba, kata yak kan ata alam luk duduyamin bu kudá, nam luk so nam sung kidel umi luk so ki dudulokaba, aka sinik so biyámin uyo iw kulel kei kudáloma banim.

Yon 1:47

Nataniel ayo Yesus alam dok didaw tadanane, Yesus ayo kaek fen atam nadane bakodaw, “belayo ki afan Isadael kayak man low, aka atin dam bakanin kinim.” Akane,

Yon 12:25

Kale kan kinim ata alam tein unokaba ki luk dudu be namti, aka dukak luw bakan tem unongin danim taw kei iwkulel keidokaba, kata kinim kan ata alam tein unokaba umi luk dulongin dako be namti, aka dukak gim milat dák bakan tem unom dam fomom luw tabe gim seng seng abuba taw kei iwkulel keidoma banim, alam kano sun bokaba.

Yemis 1:26

Kinim mak am aket, naka Got kal keidin kinimo, kalokaba, kata aka alam weng bakanin uyo kidela audomamongin banim kaí, am weng bakanin uyo naka Got kal keidin kinim kalba, bo dam so keidoma banim ade aka am weng bu mada atiti bom bisok bakanába ko.

1 Bita 2:1

Kale kilim kidin tem aket mafak fukanin uyo atin adik gadow dádiw sakaba nade ibakamin kukuw uyo adik gadow dádiw sakaba nade kasen kei kudáli kaí, kalin bá ade yak mak imi wok abin uyo nalata kuw fakudono, kalin bá ade mak imi ufek ufek uyo aket kukámamin bá ade mak imi win uyo kuw mafak dákamin bá kala.

1 Bita 2:22

“Aka ban so keisa bá ade aka kasen keimin weng so mak bakosa bá.”

Daw misun 14:5

Ika atin ibakanin weng mak bakodongin banim ade ika atin im weng fine banim ita ko.