Yone 6:45 - Kotimo Kawe Someaka Masane Oyapo

⁴⁵ Arirakano porofete aporo suamo poparaka, ‘Aporo suamo enomakasimo Kotimo tarirapo,’ aíyaka popahoareapo. Asiamo Atamo someane aporo hinamomo kakimaka, anoaki risikiako pariraka, anoaki himu hakásaraka hemakapukua risikiakosapo. (Aisaia 54:13)

Yone 6:45 ပူးပေါင်းရင်းမြစ်များ

Matiu 11:27

Kurikuriraka faraka aporoaki Yasumo someraka, “Makata kepo suane nōmo Atamo anoaki tarisiapo. Arirakano nōmo hemakapusuane soko, nōmo ainane soko, nōmo Atamo ipi hákasamo aseraka hemakapurapo. Arirakano nōmo Atamo hemakapusuane soko epo ainane soko, nōmo nī hákasamo aseraka hemakapurapo. Hemakapukua nōmo nī aporo hinamo hemakapusuaki Atamo ainane soko, hemakapurane soko tarirakano, aporo hinamoamo aseraka hemakapukusapo.

Matiu 17:5

Aíyaka Pitamo someraka rea yiamo, ako kára faesamo wate foaka iane karotapisiapo. Ako karotapisia arakaru aeyaka someraka, “Eane nōmo nī hokosapo. E nōmo himu tumurumo kára hemakapukua seserakanapo. Epo someane kaikia hemakapukua risikianie.” Aíyaka somesapo.

Maka 1:2

Wate fana Kotimo somerakano porofete aporo Aesayamo kaikia popahoareapo. Popasane oyapo. Kotimo ipi hokosaki someraka, “Hao, kaisie. Né pusiraka aporo metamo fana some kakako nōmo pusiehokosapo. Aporoamo ne ikia kara pukusane maropohokosapo. Ikia kara maropoana ayiáka aporo hinamomo himu hemakapusuane maropohokosapo. Ipu neane hemakapusimo some kakakosapo. (Malakai 3:1)

Ruki 1:70

Wate fana Kotimo porofete aporomo someraka,

Ruki 18:31

Yasumo ipi aporo kenosu murikimasane karikia wakasema pukua risike someraka, “Hao, kaisie. Isu Yarusarame sitia hinakanapo. Ano Aporomanomo Tákeane porofete aporomo popasane kakaro ayiakakosapo.

Yone 10:27

Arirakano nōmo someane nōmo saro sipimo kakimaka kekemarape perakano, nōmo iane hemakapuraka kakaro yaiya risirane karápo. Karakano i hasaka koakosafapo. Iane aporo metamo wasekemaka hakimakosafapo. Saro sipiane nōmo Atamo anoaki kasapo.

Yone 6:37

Aporo hinamo nōmo Atamo anoaki karakano, i ano rea peakosapo. Perakano iaki nōmo peakopo aihokosafapo.

Yone 6:65

Efera hunia Yasumo someraka, “Anoaki himu hakásaraka hemakapukua rekeakosapo, aíyaka hemakapurane Kotimo kakanafonorakano aporoamo anoaki himu hakásaraka hemakapukua rekeakosafapo. Aíyaka nōmo someraka ayapo.”

Tarira Aporo 13:40

Arirakano Kotimo somesane porofete aporomo kaikia someraka, ‘Mainamareraka somera aporo re asekeanie. Re maiyiakakosare? Aíyaka hemakapukua nōmo rakirane repo hemakapunafonorakanone, ane re kukusapo. Re arisia maiya amo nōmo rakirakanapo. Arakiramo kepoane aporo metamo reaki somerakano yia repo kakimakosafapo.’ Aíyaka porofete aporomo popasa ayiáka repo ayiakakohoamo asekeanie.” (Habakuk 1:5)

Tarira Aporo 7:42

Kekererakano Kotimo patera tarikia, ipu ti makataki kekereaka kurikurirakano asekea Kotimo i metakarisiapo. Arirakano wate fana porofete aporomo Kotimo sawia popasane oyapo. Kotimo someraka, ‘Isiraya aporo reo. Re ima yaoa keremisi fotisu amo (40) risike, saro sipi rukua, saro ponomakau rukua paikia, anoaki hemakapukua kasare? Wae. Anoaki hemakapukua kasafapo.

Efesase 1:17

Isiapo Unihae Yasu Keresomo ipi Kotiane, isiapo Ata Kara ipi faesa yaiya reaki nōmo kurikurirakanapo. Kotimo ipi aina suane repo koteaka hemakapusimo Ho Kotesamo reaki tarikia, koteaka takekea hemakapurane kakasimoripo, aíyaka nōmo kurikurirakanapo.

Firipai 3:15

Asiamo Yasumo makata aina kotesane kekemahoko nōmo hemaka apura ayiáka, repo soko ayiáka hemakapunie. Koteaka hemakapura aporomo hemaka apura ayiáka repo koteaka hemakapunie. Arirakano repo makata meta hemakapusuane Kotimo maropohokosapo.

1 Tesaronaeka 4:9

Re namina Keresoa paosa aporo hinamoaki himu tumurumo hemakapukua risikianie, aíyaka nōmo reaki somehokosafapo. Asiamo Keresoa paosa aporo hinamoaki himu tumurumo hemakapurane Kotimo ipi yiamo reaki tarisiapo.

Hipuru 10:16

Ho Kotesamo fana some kasane oyapo. Unihae Kotimo someraka, “Nōmo aporo hinamoaki nōmo kawe someaka makosane oyapo. Nōmo somemaneane ipu hemakapusimo i himua keakosapo. Somemaneane i himua kekea ipu hemakapukua kekemaraka seseraka risikiakosapo.” Aíyaka Kotimo somerakano Kotimo sawia popahoareapo. (Jeremaia 31:33)

1 Yone 2:27

Arirakano Ho Kotesane Keresomo reaki kasapo. Ho Kotesane reyaki hakāsa yaiya reke, makata suane epo reaki tariraka rekenapo. Tariraka rekeno yia, aporo metakiramo reaki makata meta tariako, re peae, aihokosafapo. Makata su kepo suane repo hemakapusimo Ho Kotesamo tarikia some karaka rekenapo. Epo tarikia someraka reke ipi kotafe horafapo. Epo kakaro susu horapo. Epo kakaro horamo someane repo kakimakanie. Kakimaka yaiya Yasuaki kataka marekea risikianie.