Yone 6:44 - Kotimo Kawe Someaka Masane Oyapo

⁴⁴ Aporomo hemakapuraka, ‘Nōmo Yasuaki himu hakásaraka hemakapukua rekeakosapo,’ aíyaka hemakapura ane nōmo Atamo eaki karakáno, aporoamo ano patera aseakosapo. Patera aserakano fa ana sere amo aporoane nōmo maturikia taehokosapo. Arirakano aporomo anoaki himu hakásaraka hemakapurane nōmo Atamo aporoaki kakanafonorakano aporoamo ano patera aseakosafapo.

Yone 6:44 ပူးပေါင်းရင်းမြစ်များ

Matiu 12:34

Asiamo re heseke ayireapo. Re watikiaka risike repo mayiáka koteaka somehokosare? Aporo hinamomo himua makesane akai aeyaka tonoherapo.

Matiu 16:17

Airakano Yasumo someraka, “Yonemo hokosa Saemoneo, Kotimo ne makoterakanapo. Makoterakano seseaka rekeanie. Nómo hemakapukua somesane aporomanomo neaki some kasane nómo somerakanafapo. Nōmo Ata hepene yapura reamo neaki tarirakano, nómo aíyaka somerakae.

Yone 12:32

Arirakano ano ira matopesa paremarekea máfaraka mapoana maiya amo aporo hinamo suamo anoaki himu hakásaraka hemakapusimo nōmo kirimahokosapo.”

Yone 5:44

Aporomo re asekea someraka, ‘Aporoane kotesapo,’ aihoasimo repo namina yia kaumo arakire. Arirakano Kotimo re aseraka, ‘Aporoane kotesapo,’ aihoasimo repo rakirafapo. Rakianafonorakano Kotimo someane soko repo kakimakasifareapo. Koti ipi hákasapo. Koti meta rekenafapo.

Yone 6:43

Airakano Yasumo someraka, “Repo namina susu hisiraka somehokopo.

Yone 6:45

Arirakano porofete aporo suamo poparaka, ‘Aporo suamo enomakasimo Kotimo tarirapo,’ aíyaka popahoareapo. Asiamo Atamo someane aporo hinamomo kakimaka, anoaki risikiako pariraka, anoaki himu hakásaraka hemakapukua risikiakosapo. (Aisaia 54:13)

Yone 6:65

Efera hunia Yasumo someraka, “Anoaki himu hakásaraka hemakapukua rekeakosapo, aíyaka hemakapurane Kotimo kakanafonorakano aporoamo anoaki himu hakásaraka hemakapukua rekeakosafapo. Aíyaka nōmo someraka ayapo.”

Yone 8:43

Nōmo someane kaikia hemakapunafononane marirakanonare? Nōmo someane repo kakimako hisiraka risiasamo, nōmo someane repo kaikia hemakapurakarifapo.

Firipai 1:29

Kaisie, repo Yasuaki himu hakásaraka hemakapusimo, Kotimo re murikimaka maresapo. Arirakano Keresopoko re mokoatikirakano himu nakosane soko Kotimo murikimaka maresapo.

Korosi 2:12

Re hea tapukuamurira maiya amo re Keresoyaki kusua hauaka amarera ayiáka hea tapukumurisiapo. Hea tapukumurikia ima yapura ahiramo re Keresoyaki kusuane maturikia taena ayiáka maturikia taesapo. Arirakano repo hemakapuraka, “Kotimo wakapumo Keresoane maturikia taesapo.” Aíyaka hemakapuraka repo Kotimo wakapuaki himu hakásaraka hemakapurakano re soko Keresoyaki hakāsa maturikia taeraka re makawesa risikinapo.