Yone 5:36 - Kotimo Kawe Someaka Masane Oyapo

³⁶ Arirakano nōmo makata ayianamo Yonemo somesane marokerakanapo. Asiamo nōmo atamo rakiniesane nōmo wakapuaka rakirakano repo asekea hemakapuraka, ‘E Kotimo pusiehoareapo.’ Aíyaka repo hemakapusimo rakirakanapo. Arakiramo Kotimo ano pusiesane reaki tarirakanapo.

Yone 5:36 ပူးပေါင်းရင်းမြစ်များ

Matiu 11:4

Airakano iaki Yasumo someraka, “Re pukua repo makata kaisiane soko, makata asesane soko, Yoneaki somehoanie.

Ruki 2:49

Airakano epo someraka, “Marirakano mokome kope pusuare? Fana yia nōmo Atamo ape wo aseako peafokore? Nōmo Atamo ape wo aseako pesa satiki ano kakeno asekeafunupo.”

Yone 10:25

Airakano Yasumo someraka, “Fana nōmo reaki somerakasuamo repo kakimarakasufapo. Atamo yanoane máfaraka ipi wakapumo hemakapukua rakira amo anoane reaki tarirakanapo. Tarirakano yia repo koteaka hemakapurakarifapo.

Yone 11:37

Airakano Yu aporo sisima metakiramo someraka, “Aporo hi mesa mafasasamo Rásarase soko kukukohoamo mafahoafunureapo,” aisapo.

Yone 15:24

Nōmo wakapuaka rakisia ayiáka, fana aporo hakása metamo ayiáka wakapuaka rakisiafapo. Nōmo wakapuaka rakianafonosa satiki aporo hinamo metakiramo hemakapuraka, ‘Wakapuaka rakirane isiapo asesafapo,’ aihoafunupo. Asiāne nōmo wakapuaka rakisiane ipu asekea asekepayaraka, ipu makata watikiaka rakisiane metakarisiafapo. Metakarianafonosasamo ipu makata watikisa amo iane hukurukusapo. Nōmo wakapuaka rakisiane aporo hinamomo asesapo. Asekea yia anoaki soko, Ataki soko, hisiraka risikinapo.

Yone 17:4

Nómo anoaki ayiáka rakiniesane nōmo rakikia masapo. Rakikia masasamo né kararaka reane aporo hinamomo hemakapusimo nōmo tarisiapo.

Yone 2:23

Arirakano Ape Farimaresa Hemakapuko Hokono Akera maiya amo Yasu Yarusarame sitia reke, Kotimo wakapumo hemakapukua rakirane epo rakisiapo. Rakirakano aporo hinamo yakaimo aseraka eaki himu hakásaraka hemakapusuapo.

Yone 3:17

Kotimo ipi hokosamo aporomano fanasihokosakipoko pusiesafapo. Aporomano mafasiakosakipoko pusiesapo.

Yone 3:2

Ereamo Yasu rea e pekea someraka, “Tisao, Koti néyaki hakása reasasamo nómo Kotimo wakapumo hemakapukua rakirane rakirakanapo. Asiamo tisaraka rakisimo Kotimo pusiesane népo. Aíyaka nōmo hemakapurakaripo.”

Yone 4:34

Airakano Yasumo someraka, “Epo ano pusiesamo epo hemakapusuane nōmo kekemaraka, ipi makata rakirane nōmo rakikia marakano nōmo makata nena asiane ayapo.

Yone 5:32

Arirakano Koti ipi wikinisi meta reke, nōmo ainane somehokosapo. Nōmo ainane Kotimo somerakano epo kakaro somerapo, aíyaka nōmo hemakapurakanapo.

Tarira Aporo 2:22

Arirakano Isiraya aporo repo suamo kaisie. Nasare aporo Yasuane nōmo somerakanapo. Repo hemakapusimo e hauaka wo Kotimo pusiesapo. Kotimo wakapumo hemakapukua rakirane aporomo aseraka, ‘Kotimo rakira ayareapo,’ aihoasimo Yasu pekea rakisiapo. Re risiakipoko epo pekea rakirakano, repo asesasamo repo hemakapurakanapo.

1 Yone 5:9

Kepoane Yasu pesane ipi Kotimo hokosapo. Eane Kotimo murikimaka pusierakano e pesapo. Pesane makata isía amo isuaki tarirakanapo. Tarirakano asekea kakimaka hemakapunie. Asesa aporo wikinisimo somerakano isiapo kakimarapo. Asesa aporo wikinisimo Kotimo hokosa Yasuane tarira ayiáka, isiapo kakimakasimo Kotimo makata isía amo isuaki tarisiapo. Arirakano hauaka wo asesa aporomo makata tarisiane Kotimo makata isía tarisia amo marokesapo. Ipi hokosane Keresopo. Aíyaka Kotimo makata isia amo isuaki tarisiapo.