Yone 21:7 - Kotimo Kawe Someaka Masane Oyapo

⁷ Kihoasifasekeno aporo hakāsa pura hakása meta Yasumo himu tumurumo hemakapusua aporoamo Pitaki someraka, “Isiapo Unihaereapo.” Airakano Saemone Pitamo pasu horomasane maka, osoraka hea makasuraka he tapukua pusuapo.

Yone 21:7 ပူးပေါင်းရင်းမြစ်များ

Maka 11:3

Arirakano aporo metamo tetoaki someraka, ‘Tetápo marirakanonare?’ Airakano tetápo someraka, ‘Unihaemo saro tokiane karikia peaniesasamo, etapo karikia purakanapo. Epo saro tokiyaki makata rakikia faraka, karikia paripusierakano, saro tokiane karikia paripeakosapo,’ aíyaka somehoanie.” Aíyaka Yasumo somesapo.

Ruki 12:35

Arirakano Yasumo someraka, “Aporo raipamo rakikia maresa wafayamo hinamo fitu karáka hokono keakosakipoko pusuapo. Pusuane ereamo pariperapaka foaka ikia koro ropakamako ipi aporo raipamo pasu korake yatipinu atura faisa pusifasekeno, pasu kakuna fairaka kenare weraka, saro kau terakae hikia, arirakano nafa pakimaka asekea risirapo. Asekea risira ayiáka, re soko ayiáka asekea risikianie.

Ruki 2:11

Pipu, Tefetemo taone, Petereheme taonea, aporo hokosa takapesa amo aporo hinamo re suane mafasiakosapo. Unihae Keresoane epo.

Ruki 7:47

Asiamo hinamoane ipi kára watikiaka kakeno asekea, makata watikisa kárane nōmo mafasapo. Mafasasamo anoaki kára hemaka apure. Arirakano aporo metamo makata watikisa wakasemasane mafarakano, anoaki wakasema hemakapurapo.”

Yone 13:23

Aíyaka himeteaka tokeno, aporo hakāsa pura hakása metaki Yasumo himu tumurumo hemakapusuane Yasu makeraka kayapo.

Yone 19:26

Asekea risikino Yasumo ipi kaīyia soko, ipi aporo hakāsa pura hakása metane Yasumo himu tumurumo hemakapukua rea aporoane soko aseraka ipi amaki Yasumo someraka, “Hinamo neo, nómo ní hokosa hemaka apura ayiáka, aporoane nómo hemakapunie.”

Yone 20:2

Aseane Yasu fasekeno aseraka foaka parihikia, Saemone Pitape Yasumo ipi aporo hakāsa pura hakása metane Yasumo himu tumurumo hemakapusua aporoane soko, Mariamo tetāki someraka, “Unihae kusua kunikia motosane, aporo metakiramo maka pusesapo. Ma maka pusuarakapo.”

Yone 20:20

Aíyaka ipi hokono tetá ikokosa umuruane tarikia, arirakano ipi ketayia karesa umuruane tarirakano ipi aporo hakāsa puramo aseraka Unihaereapo, aíyaka hemakapukua sesesapo.

Yone 20:28

Airakano Tomasemo someraka, “Nōmo Unihaeo. Nōmo Kotio.”

Yone 21:20

Pitamo patera pariaseane aporo hakāsa pura Yasumo himu tumurumo hemakapusua aporoane kekemarape perakano asesapo. Yasu kukusiraka ipu makata nenaka toa maiya amo, aporo hakāsa pura meta uaka hikia Yasuaki someraka, “Unihaeo, epamo né parakehokosare?” Aíyaka somesa aporoane Pitamo asesapo.

Yone 21:24

Yasumo somesane ano Yonemo kaisiapo. Arirakano Yasumo rakisiane soko nōmo aseraka sawi one popasapo. Popasane isiapo menoraka hemakapuraka, “Makata su popasane kakarohoareapo,” aíyaka isiapo hemakapurakanapo.

Yone 21:8

Purakano aporo hakāsa pura metakiramo kasipu kiraka mokoa risike, kasu rokoa he fe makesakipoko wane harote mita (100) rokoa pusuapo.

Tarira Aporo 10:36

Kotimo ipi someane Yu aporoaki some kasapo. Yu aporo auaraka risikiasimo, Yasu Keresomo some kotesane some kakako pesapo. Yu aporoaki some kakako pesaposane kakaroripo. Asiane Yu aporo soko, Yu aporohoanafonosa soko, aporo suamo unihaeane Yasu ipipo.

Tarira Aporo 2:36

Arirakano Isiraya aporo repo suamo himumo hemakapunie. Yasuane repo ira matopesa paremaresane, e Kotimo unihaeaka rekeasimo murikimasa aporoane ayapo. E Keresopo.”

1 Korini 15:47

Aporo fana Atameane Kotimo ororo maka rakisiapo. Rakisiasamo e hauaka aporopo. Arirakano aporo keseke pesane hepene yapunaka pesapo.

2 Korini 5:14

Yasu Keresomo isuaki namo kakaro himu tumurumo hemakapurapo. Keresomo himu tumurumo hemakapurane isiapo himua komarukua risiasamo, isiapo ayiáka rakirakanapo. Arirakano aporo hinamo supoko Yasu Kereso ipi hákasa farimaka kusuapo. Aporo hinamo supoko e kusuasamo, aporo hinamo su e kusua ayiáka, kusuapo.

Yamese 2:1

Keresoa paosa aporo maeo, Unihae Yasu Keresoane ipi wakapu kára faesayaki hepene yapura rekenapo. Asiamo repo eaki himu hakásaraka hemakapukua risike, aporo meta makata kemo kára toane makama fanaraka, aporo meta makata forosane patera tarikia, ayiakakopo.