Yone 14:1 - Kotimo Kawe Someaka Masane Oyapo

¹ Yasumo ipi aporo hakāsa puraki someraka, “Repo kara hemakapukua himu fahokopo. Kotiaki himu hakásaraka hemakapukua risikianie. Anoaki soko himu hakásaraka hemakapukua risikianie.

Yone 14:1 ပူးပေါင်းရင်းမြစ်များ

Yone 11:33

Airakano Yasumo aseane Mariamo hiripurakano Yasumo aseane Yu aporo hinamo kekemaraka pesamo soko hiripurakano asekea, Yasumo himu kára nekea someraka,

Yone 12:27

Yasumo someraka, “Ano kukusane hemakapukua himu nenakaripo. Ataki maíyaka somehoanarakapo. Atao, maiya yumo ano kurapaka ararehoanie, aíyaka somehokosafapo. Kukusakipoko ano hauaka wo pesapo.

Yone 12:44

Aporo hinamo suamo kaiyisimo Yasumo sakepamo someraka, “Aporo hinamomo anoaki himu hakásaraka hemakapukua risikinone, Kotimo ano pusiesa aporoaki soko himu hakásaraka hemakapukua risikinapo.

Yone 13:19

Keseke ayiakakosane pipu nōmo reaki somerakanapo. Áyiana maiya amo repo asekea hemakapuraka, ‘E kakaro Keresopo. E yaiya rerapo.’ Aíyaka hemakapusimo keseke ayiakakosane pipu nōmo reaki somerakanapo.

Yone 16:3

Aporoamo Kotiane soko anoane soko hemakapunafonosasamo reane mokoatikihokosapo.

Yone 16:6

Nōmo somerakano repo kairaka kára hemakapukua himu nekea atoae.

Yone 5:23

Aisasamo aporomo Koti makárana ayiáka Kotimo ipi hokosa makárahoasimo, ‘Nómo hukurunie,’ aíyaka Kotimo ipi hokosane murikimaka maresapo. Aporomo Kotimo hokosane makárahoanafonorakano, hokosa pusiesa amo ipi Ata Kotiane soko makáranafapo.

Yone 6:40

Asiamo nōmo Atamo hemakapusuane oyapo. Aporo hinamo metakiramo Kotimo hokosa anoane aseraka someraka, ‘E Kotimo hokosapo,’ aíyaka someraka, ipu Kotimo hokosa anoaki himu hakásaraka hemakapukua risikino, yaiya rerane mokoakosapo. Asiamo fa ana sere amo iane nōmo maturikia taehokosapo.” Aíyaka Yasumo somesapo.

2 Korini 2:7

Asiamo pipu yumo fanasisane metakarikia eaki someraka, “Makata watikiaka rakisiane fanasisasamo pipu yumo mahisisane fasapo,” aihoanie. Epo kára himu nekea hemakapurane káranapaka e ararehoanie.

Efesase 1:15

Repo Unihae Yasuaki himu hakásaraka hemakapukua risike Kotimo aporo hinamo suaki himu tumurumo hemakapukua risikinapakae.

2 Tesaronaeka 2:2

Aporomo some koaka marekea kotafe someraka, “Unihae Yasu paripeakosa maiyane faserepesapo.” Aíyaka somerakano someane kakimakopo. “Yasu faserepesapo,” aíyaka kotafe porofete aporomo reaki somerakano kakimakopo. Arirakano aporo metakiramo someraka, “Yasu faserepesapo, aíyaka Poremo sawia popasapo.” Aíyaka somerakanone, someane kotafe somesasamo repo kakimakopo. Asiamo “Yasu faserepesapo,” aíyaka somerakanone wate foakayia himu fahokopo.

1 Pita 1:21

Pesasamo eaki repo kataka marekea risikino Kotiaki himu hakásaraka hemakapurakanapo. Kotimo Yasu kusuane maturikia taeraka eane makáraraka mafaeraka maresapo. Maresane hemakapukua repo someraka, “Isu eyaki yaiya risikiasimo isu soko maturikia taehokosapo.” Aíyaka repo Kotiaki himu hakásaraka hemakapurakanapo.