Yone 11:39 - Kotimo Kawe Someaka Masane Oyapo

³⁹ someraka, “Ekemo mapirisiane kotomaka kepere mafearasie.” Airakano aporo kusuamo ipi ifia Matamo someraka, “Unihaeo, kunikia motosane pipu kitafapo. Pipu toreraka ikiki yamohokosapo.”

Yone 11:39 ပူးပေါင်းရင်းမြစ်များ

Maka 16:3

Puraka risike, hinamo isia amo namina susu someraka, “Eke kunikia mapirisiane epamo isupoko kepere mafearaka ropakataehoanare?”

Yone 11:17

Yasu ipi aporo hakāsa purayaki Petene apea perakano aporo metakiramo someraka, “Rásarase kusua kunikia motosane pipu kitafapo,” aisapo. Airakano kaikia aseane Petene apea Matape Maria tetapō ipi ifia Rásarasepoko himu nekea torapaka mapirahoasimo, Yu aporo hinamo yakaimo ararehoko pekea risikino asesapo. Petene apeane Yarusarame siti aeyaka makesakipoko aporo soko, hinamo soko, yakai pesapo.

Tarira Aporo 13:36

Popasane Tefetemo e ipiane popasafapo. Kotimo hemakapusuane Tefetemo himu hakásaraka hemakapukua rakiraka, e rea maiya amo aporo hinamo hakāsa risiaki some kasapo. Some kaka e hitafe rea maiya ane faraka e kusuapo. Kurakano e kusuane maka pukua, ipi makasa kaua kekema hauaka murisia a maresane ipi kau toresapo.

Tarira Aporo 2:27

Ano akura maiya amo ano hoane hétisi hauaka yaiya rerapaka, Koti nómo ano ararehokosapo. Asiamo nómo murikimasa aporo kotesane kurakano, kauane torehokohoamo, nómo asekea rekeakosapo. Aíyaka nōmo hemakapurakaripo.

2 Korini 2:16

Koaretaena aporomo isiapo some kasane, ipu kaikia someraka, “Some ane makata kusua ikiki yamona ayiáka ikiki yamoripo.” Aíyaka hemakapusua aporoane kakaro kukusapo. Arirakano kakimara aporomo isiapo some kasane ipu kaikia someraka, “Someane isiapo kairaka, makata wape yamona ayiáka wape yamoripo.” Aíyaka hemakapusua aporoane kakaro yaiya risikiakosapo. Arirakano someane some kakakosane epamo siaraka some karáre?

Firipai 3:21

Yasu ipi fanaraka reke, ipi wakapumo makata su unihaeaka asekea rekeakosapo. Epo wakapu hakása yiamo isu amano kauane sanasiraka, ipi kau faesa ayiáka, faesa kauane isuaki kakakosapo.