Yone 11:28 - Kotimo Kawe Someaka Masane Oyapo

²⁸ Matamo someaka faraka ipi apea paripuraka aporo hinamo suamo kaiyakohoamo Matamo Mariaki tau someraka, “Tisa pesa rekesapo. Né aseako wárakasapo.”

Yone 11:28 ပူးပေါင်းရင်းမြစ်များ

Matiu 26:18

Airakano Yasumo someraka, “Yarusarame sitia puraka aporo metaki úyaka somehoanie. Tisamo someraka, ‘Ano kukusa maiyane makerakanapo. Makesasamo Ape Farimaresa Hemakapuko Hokono Keakosakipoko nómo apea nōmo aporo hakāsa purayaki makata nakosapo.’ Aíyaka Yasumo somerakasapo, aihoanie.” Aíyaka Yasumo someaka marerakano,

Maka 10:49

Airakano Yasumo kairaka e pesane wasuaka rukua asekea reapo. Asekea reke Yasumo someraka, “Aporoane wo peae.” Airakano ipu aporo hi mesaki someraka, “Ne wo peaerakae. Asiamo né karekeakopo. Ne takahisie.”

Maka 14:14

Pukua e apea yorokoa purakano, apeane wafayaki someraka, ‘Tisamo someaka maresane oyapo. Ape Farimaresa Hemakapuko Hokono Keakosakipoko, nōmo aporo hakāsa purayaki sarimaraka, ape kakaru sape ma sarimaraka makata nakosare? Aporo kimisi pesa akipoko ape sape mayare?’

Ruki 22:11

ape wafayaki someraka, ‘Tisamo someaka maresane oyapo. Ape Farimaresa Hemakapuko Hokono Keakosakipoko nōmo aporo hakāsa purayaki sarimaraka, ape kakaru sape ma sarimaraka makata nakosare? Aporo kimisi pesa akipoko ape rumu mayare?’

Yone 1:41

Fana Enitu ipi mamanea Saemone ane kope pusuapo. Pukua e kokoa asekea someraka, “Aporo Kotimo pusiehokosaposane Kereso perakasapo. Isiapo asesapo. Keresoane Kotimo Unihae murikimaka maresa ayasesapo.”

Yone 1:45

Firipi pukua Natanio asekea eaki someraka, “Mosesemo somemane sawia poparaka maresa aporoane isiapo asesapo. Porofete aporomo soko eane popasane isiapo asesapo. E Yosefemo hokosa Yasupo. Epo apeane Nasare apepo.”

Yone 10:3

Saro sipi asekea rera aporoane ruru kakarua peasimo, ikia koro asekea rea aporomo ikia koroane ropakamarapo. Ropakamarakano saro sipi asekea rera aporomo saro sipi yano taesane yano hokoa wáhoane, saro sipi su perakano namina asekea rera aporomo karikia yaoa purapo.

Yone 11:20

Arirakano Yasu apererakano Matamo e sapenako puraka, Maria ape yia kakeno, Mata pukua Yasuaki someraka,

Yone 11:29

Airakano Mariamo kaikia foaka takahikia puane

Yone 11:30

Yasu apea perafaraka, fana Matamo Yasu sapenekea asesa yia Yasu rekeno aseako pusuapo.

Yone 13:13

Repo anoaki, ‘Tisao, Unihaeo,’ airakasuane anopo. Repo kakaro airapo.

Yone 20:16

Airakano Yasumo someraka, “Maria.” Airakano Yasumo meane hinamoamo kairaka rekeako pariraka aseane Yasu rekeno asesapo. Aseraka, “Tisao,” aisapo. Aíyaka somerakane Yu aporomo Hipuru meaka Raponai airapo.

Yone 21:7

Kihoasifasekeno aporo hakāsa pura hakása meta Yasumo himu tumurumo hemakapusua aporoamo Pitaki someraka, “Isiapo Unihaereapo.” Airakano Saemone Pitamo pasu horomasane maka, osoraka hea makasuraka he tapukua pusuapo.

1 Tesaronaeka 5:11

Asiamo yumo repo namina yia metakiramo metakirane arareraka mawakapuraka arisia ayiáka namina maiya suamo yaiya arareraka mawakapuraka risikianie. Asiamo aporo hinamo suane mapiraraka risikiasimo some one some kakanie.

Hipuru 12:12

Asiamo Kotiaki himu paroaka hemakapunie. Re foforaka pukua máka naohokosakipoko wakapuane faraka roraraka risikinapo. Asiamo re hokono yofesane soko, kakuna hamisisisane soko, mawakapuhoanie.