Yamese 2:23 - Kotimo Kawe Someaka Masane Oyapo

²³ Arirakano Kotimo sawia popasane oyapo. “Kotimo someane Eparahamemo kakimaka, Kotiaki himu hakásaraka hemakapusuasamo Kotimo someraka, ‘Aporo ereketaesane nepo,’ aihoareapo.” Aisane Kotimo sawia popahoareapo. Arirakano Kotimo Eparahameaki someraka, “Nōmo tákeane nepo.” Aíyaka somesane Kotimo sawia popahoareapo. (Stat 15:6)

Yamese 2:23 ပူးပေါင်းရင်းမြစ်များ

Maka 12:10

Arirakano Yasumo aporo hinamo suaki someraka, “Kotimo sawia some one popasane repo menosafare? Kotimo sawia popasane oyapo. ‘Ape kira aporomo ira warupi mamakatesane efera hunia maka pekea tipia mapohoareapo.

Maka 15:27

Arirakano hakimora aporo tetá Yasuyaki hakāsa ira tetá meta paremurisiapo. Paremuriraka meta Yasu hokono tumuru takua paremarekea maporaka, meta Yasu hokono kasakai takua paremarekea maporaka asiapo.

Ruki 4:21

Aseraka risikino Yasumo i asekea someraka, “Sawiane nōmo menorakano repo kaikia arisiamo makata ayiakakosapo, aíyaka popasane, pipu yumo faserepeareapo.”

Tarira Aporo 1:16

“Maeo, Yutasemo Yasu parakehokosane, wate fana Ho Kotesamo Tefeteaki some karakano, Tefetemo popahoareapo. Kakaro ayiakakosapo aíyaka popasane faserepesa ayareapo. Yutasemo aporo metakira pasimokoa e fanaraka pukua, Yasu parakeraka, ipu Yasu waseremasapo.

Rome 11:2

Wate fana Koti ipiaki paosa aporo risikiasimo Kotimo Isiraya aporoane murikimayereapo. Murikimaka iane Kotimo metakarisiafapo. Arirakano Kotimo sawia popasane repo hemakapurakanapo. Popasane oyapo. Wate fana Isiraya aporomo watikiaka rakisiasamo porofete aporo Iraíyamo Kotiaki meuraka somehoareapo.

Rome 9:17

Aporoane Kotimo ipi hemakapukua reasamo murikimasa makata one soko hemakapunie. Fana Kotimo Iyipi aporo unihae Feroaki somehoko Mosese pusiesapo. Pusierakano ipi pukua Iyipi aporo unihae Feroaki Mosesemo someraka, “Kotimo néaki somehoasimo some kasane oyapo. Né unihaeaka rekeasimo nōmo né marekea maresapo. Nōmo someane nómo koaretaerakano, nōmo fanasinane kakakosakipoko nōmo wakapuane néaki kakama tariakosapo. Tarirakano hauaka sua aporo hinamo suamo, Koti hákasa anopo, aíyaka ipu hemakapukusapo. Asiasamo nōmo né unihaeaka rekeasimo murikimaka maresapo.” Aíyaka Kotimo sawia popahoareapo. (Kisim Bek 9:16)

Karesia 3:22

Arirakano Kotimo sawia popasane some one kakenapo. Hauaka wo aporo suane makata watikisamo asekea rekenapo. Aíyaka Kotimo sawia popasane kakaro popasapo. Aporo suamo watikisa ainane metakariane siahoasifasekeno, Kotimo makotenane kakakosaposane makasifareapo. Asiane Yasu Keresoaki himu hakásaraka hemakapura aporoaki Kotimo makotenane kakakosaposane karápo. Kakimara aporoaki kakakosaposane karápo.

Karesia 3:6

Kepoane hemakapukusakipoko Eparahameane hemakapunie. Arirakano Kotimo sawia popasane hemakapunie. Eparahamemo Kotiaki himu hakásaraka hemakapukua reasasamo Kotimo Eparahameaki someraka, “Nómo anoaki himu hakásaraka hemakapusuasamo, né aporo ereketaesapo. Né siareapo,” aisane Kotimo sawia popahoareapo. (Stat 15:6)

2 Timoti 3:16

Kotimo sawi sua popasane Kotimo ipi somerakano kaisia aporomo popasapo. Kotimo sawia popasane aporo hinamo suamo kakaro someane enomakasimo popasapo. Arirakano, “Makatane watikisapo. Ayiakakopo.” Aíyaka tariraka makata watikisane metakarisimo, Kotimo someane sawia popasapo. Arirakano hasakasane maropohoasimo popasapo. Arirakano koteaka ereketae susu rerane Kotimo someamo hokotakeasimo popasapo.

Yamese 2:24

Kotipoko rakianafonoraka himu hakásaraka hemakapura hákasane Kotimo asekea someraka, “Ne aporo ereketaerareapo,” airafapo. Arirakano Kotiaki himu hakásaraka hemakapurane soko, hokonomo rakirane soko sarimaraka rakirakano, ane Kotimo asekea someraka, “Ne aporo ereketaerareapo,” airapo.

1 Pita 2:6

Arirakano Kotimo sawia popasane oyapo. “Ūri Saeonea ira warupi Kotimo maporakanapo. Ira warupi murikimaka irane kotesapo. Ira warupi kotesaki himu hakásaraka hemakapura aporo hinamoane kaiyahokosafapo.” Aíyaka Aesayamo popahoareapo. (Aisaia 28:16) Ira warupiane takumeaka popasane Yasu ipipo.