Ruki 8:54 - Kotimo Kawe Someaka Masane Oyapo

⁵⁴ hokosa kusuane hokonoa maka someraka, “Masira, ne turikia pusie,” aisapo.

Ruki 8:54 ပူးပေါင်းရင်းမြစ်များ

Matiu 9:25

Kearaka i yaoa purakano asekea, hokosa kusua warea apea Yasu yorokoa pukua, hokosa hokonoa maka máfaraka maturikia taesapo.

Maka 1:31

Airakano hinamo makata takamasa warea á Yasu pukua hinamoane hokonoa maka e máfahoane kau sisipusane fasapo. Farakano hinamoamo ipoko makata nakosa paikia kasapo.

Maka 8:23

Airakano asekea Yasumo aporo hi fausane hokono maka taone metakarikia pukua ruru tapikia yao takua karikia pukua, Yasumo aporo hi fausa hia torofaeraka eane sakairaka someraka, “Nómo himo yakapa aserakarire?”

Maka 9:27

Airakano Yasumo hokosa hokonoa maka máfarakano, hokosa turikia pusuapo.

Ruki 8:51

Asiamo Yasu pukua apea pauraka aseane, hokosa kusuakipoko ipu kara hihiripuraka risikino asekea, iaki Yasumo someraka, “Hihiripuhokopo. Hokosa ane kusuafapo. Ipi wasápo.” Airakano ipu hokosa kakaro kusikeno asekea, ipu Yasuaki hokomarekea keasapo. Kearakano asekea, Yasumo iaki apea yorokoa peakopo, aisapo. Yasumo ipi aporo hakāsa pura Pita soko, Yone soko, Yamese soko, hokosa wafaya soko, kaīyia soko, hakāsa karikia apea forosoraka ape tua pukua,

Ruki 8:55

Airakano ipi hoane ipi kaua paripekea paoraka ipi turikia pusuapo. Turikia purakano asekea, Yasumo someraka, “Hokosaki makata nakosa kasie,” aisapo.

Yone 11:43

Aíyaka kurikuriraka faraka sakepamo someraka, “Rásarase né wo peae.”

Yone 5:21

Arirakano Atamo aporo kusua maturikia taeraka yaiya rerane akara ayiáka, nōmo soko ayiáka yaiya rera kakakosapo. Nōmo nī hemakapusua aporo murikimasaki yaiya rerane kakakosapo.

Tarira Aporo 9:40

Arirakano Pitamo i pusiesapo. I purakano Pita kakuna porokoa kake kurikurisapo. Kurikuriraka faraka, hinamo kusuane aseraka eaki someraka, “Tapita, né turikia pukua takahisie.” Airakano ipi hi fakarikia Pita asekea kayapo.

Rome 4:17

Aisa hakása yine Kotimo sawia popasane oyapo. Kotimo Eparahameaki someraka, “Nómo aporo irane kára me kekepoaka wainepe pukusapo. Wainepe apura amo ipu suamo makasa kaua kekemane népo. Néane nōmo murikimasapo.” aíyaka Kotimo somerakano popahoareapo (Stat 17:5) Asiamo Eparahamemo Kotiaki himu hakásaraka hemakapusua ayiáka, aporomo soko ayiáka hemakapurakano, Kotimo hikumisia aporoane Eparahamemo aporo ira wainepe pesa aporo ayapo. Eparahamemo himu hakásaraka hemakapusua, Koti amo ainane oyapo. Aporo kusuane epo maturikia taenapo. Arirakano makata namo faserepeanafonosane epo sia mafasereperapo.