Ruki 22:32 - Kotimo Kawe Someaka Masane Oyapo

³² Asiane rakiakorakano nepoko nōmo kurikurisapo. Anoaki soko, Kotiaki soko, nómo yaiya himu hakásaraka hemakapusimo nōmo kurikurisapo. Nómo ano metakarikia, efera hunia rekeako parihokosapo. Rekeako pariraka ní maemo ano koteaka hemakapusimo ararehoanie.”

Ruki 22:32 ပူးပေါင်းရင်းမြစ်များ

Matiu 18:3

“Nōmo some one kakaro somerakaripo. Hokosa manomo e ipiane makáraraka hemakapurafapo. Repo namina ane makáraraka hemakapurane rukupateraka metakarikia, hokosa mano ayiáka risikianie. Hokosa mano ayiáka risikianafonorakanone, Kotimo unihaeaka asekea rea hauaka á hiakosafapo.

Matiu 26:75

Merakano kaikia Yasumo fana somesane Pitamo hemakapusuapo. Hemakapuraka ape metakarikia yaoa pukua kára hiripusapo. Asiamo fana Yasumo someraka, “Mena kokorokomo mehoasiraka nómo yape isiamo ‘Yasuane nōmo aserafapo,’ aihokosapo.” Aíyaka Yasumo somesane Pitamo hemakapukua kára hiripusapo.

Maka 14:72

Aihoanine yape tetámo mena kokorokomo mesapo. Merakano kaikia Yasumo some kasane Pitamo ipi hemakapusuapo. Arirakano fana Yasumo someraka, “Mena kokoroko yape tetá mehoasiraka, nómo yape isiamo ‘Yasuane nōmo aserafapo,’ aihokosapo,” aisane Pitamo kára hemakapukua himu nekea hiripusapo.

Maka 16:7

Asiamo ipi aporo hakāsa puraki soko, Pitaki soko repo somehoko pusie. Yasu fana Kariri hauaka á pukua reakipoko re kesekea peraka, Kariri hauaka á repo e aseakosapo. E kukusiraka epo fana some kasa hakása nine ayiakakosapo.”

Ruki 8:13

Arirakano eke kima á hurupepesa asiane, aporomo Kotimo someane seseraka kaikia, asiane pikinu koteaka punafonona ayiáka, ipu maiya wakasemamo kakimaka risina, keseke i kau aseako mokopipirakano asekea, ipu Kotimo someane metakarirapo.

Yone 14:19

Arirakano maiya wakasema nina kakimakanafonona aporo hinamoamo ano efera hunia aseakosafapo. Arirakano repo anoane aseakosapo. Ano yaiya rekeakosasamo, re soko yaiya risikiakosapo.

Tarira Aporo 3:19

Asiamo repo himu watikisane Kotimo mafahoasimo, repo watikisane rukupateraka metakarikia, Kotiaki risikiako parihoanie.

Rome 8:32

Kotimo ipi hokosa isuaki kakakosane karekesafapo. Karekerafaraka isu suane ararehoasimo ipi hokosa pusiesapo. Asiamo makata metakira soko isuaki kakakosane metakariakosare? Wae, metakariakosafapo.

Rome 8:34

Arirakano epamo Kotimo pasimosa aporoaki fanasihoko someaka motoakosare? Yasu Keresomo ayiakakosare? Wae, Yasu Kereso isupoko farimaka apiana ayiáka ipi kusuapo. Ipi kusuane Kotimo maturikia taesapo. Maturikia taeraka pipu yumo Yasu Kotimo hokono tumuru takua hepene yapura areane Kotimo maresapo. Kotimo isuane ararehoasimo Yasumo isupoko farimaka kurikuriraka rekenapo.

2 Timoti 2:18

Tetapō kakaro ereketae somerane metakarikia, kotafe someraka, “Isu maturikia taesa maiya ane fasapo.” Aíyaka somerakano, someane Keresoa paosa aporo hinamo metakiramo kakimaraka, mahimeteraka risike, Kotiaki himu hakásaraka hemakapurakanafapo.

Taetase 1:1

Ano Poremo sawi one poparaka makerakanapo. Nōmo Kotimo makata rakirane rakisimo ano murikimasapo. Yasumo ainane tarisimo ano tarira aporo murikimasapo. Kotimo murikimasa aporo hinamomo Kotiaki ereketae hemakapusimo ano murikimarakano nōmo reane arareraka tarirakanapo. Kotimo kakaro someane ipu suamo hemakapusimo nōmo some karakanapo. Kakaro someane kaikia Kotimo ainane kekemahoasimo nōmo reane arareraka tarirakanapo.

Hipuru 12:15

Repo namina yia aporo hinamo metamo Kotimo yaku ararenane metakariakohoamo e ararehoanie. Arirakano kasoko hakasamo aporo yakai hi fauraka mokoatikinapo. Aina ayiáka aporo hakása meta watikiaka reamo aporo su kirimaraka watikiraka risirapaka asekeanie.

Hipuru 7:25

Asiasamo yumo soko keseke soko Yasu aeyaka isu Koti rea hiakosasamo epo aporo hinamoane mafasirapo. Maiya suamo ipi yaiya rerasamo, ipoko farimaka Kotiaki someraka rekenapo.

1 Pita 1:1

Ano Pitane Yasu Keresomo tarira aporopo. Re Keresoa paosa aporo hinamo re Kotimo murikimasaki nōmo sawi one poparaka makerakanapo. Re Keresoa paosakipoko reane aporo metakiramo rukua koaka taerakano, repo namina ape sumuane metakarikia teketarikia pukua, hauaka metakira risikinaporakano nōmo kaikia, nōmo reaki sawi one poparaka makerakanapo. Re metakira Pónetase hauaka á pukua risiaki soko, metakira Karésia hauaka á pukua risiaki soko, metakira Kapatósia hauaka á pukua risiaki soko, metakira Ésea hauaka á pukua risiaki soko, metakira Pitínia hauaka á pukua risiaki soko, re suaki nōmo sawi one poparaka makerakanapo.

1 Pita 1:13

Kotimo reane araresasamo ereketae susu hemakapukua risikianie. Makata watikisamo repo himu hemakapurane kirimarapaka asekeanie. Maiya suamo koteaka hemakapukua risikianie. Watikiaka hemakapurapaka asekea risikianie. Yasu Kereso pariapera maiya amo, Kotimo reane ararehokosasamo, repo himu hakásaraka hemakapukua risikianie.

1 Pita 1:5

Repo Yasu keresoaki himu hakásaraka hemakapurakano, Kotimo wakapumo re mafairaka asekea rekenapo. Asekea reke isu hepene yapura hiasimo mafasirane yumo Kotimo maresapo. Mafasirane maresasamo, keseke fa ana maiya amo Kotimo isu pasimokoa mafasiakosane isiapo aseakosapo.

2 Pita 3:14

Hameo, Yasu paripeakosa maiyane hemakapukua koteaka asekea risikianie. Kotimo aseane repo makata watikisane metakarikia, koteaka susu risikino Kotimo asekeasimo, eaki yunusane metakarikia, tákeraka risikino epo asekeasimo koteaka susu risikianie.

1 Yone 2:19

Keresoaki yununa aporoane isuyaki hakāsa sarimaraka risiapo. Risia nine isiapo Keresoaki himu hakásaraka hemakapusua ayiáka, ipu himu hakásaraka hemakapunafonoraka isu metakarisiapo. Ipu himu hakásaraka hemakapusua satiki, isuyaki yaiya risikiafunureapo. Aporoamo isu metakarirakano isiapo hemakapuraka, “Aporoane kakaro Keresoa paosafapo,” aíyaka hemakapurakanapo.