Rome 9:26 - Kotimo Kawe Someaka Masane Oyapo

²⁶ Arirakano Yu aporohoanafonosane Hoseamo some meta soko popasane oyapo. “Fana Yu aporohoanafonosa risira hauaka á Kotimo someraka, ‘Re nōmo aporo irafapo,’ aisa nine hauaka á Kotimo someraka, ‘Ano Kotipo. Ano yaiya rerapo. Re nōmo aporo irapo.’ Aíyaka yaiya rera Koti amo somesapo.” Aiyaka somerakano Hoseamo kaikia popahoareapo. (Hosea 1:10)

Rome 9:26 ပူးပေါင်းရင်းမြစ်များ

Matiu 16:16

Airakano Saemone Pitamo someraka, “Koti yaiya reramo hokosane nepo. Kotimo Unihaeaka rekeasimo murikimasa aporo Keresoane nereapo.”

Yone 11:52

Yu aporo hinamo hákasapoko kukusane somesafapo. Aporo hinamo metakira soko Kotiaki himu hakásaraka risiane kekepo rosaka tarisia ane sarimahoasimo e kukusapo, aisapo.

Rome 8:14

Ho Kotesamo aporo hinamoaki ayiakaniesane kekemaraka rakirakano, ane Kotimo aporo hinamoane ayapo.

Rome 8:16

Airasamo isiapo himumo hemakapuraka, “Ano kakaro Kotimo hokosapo,” airakano Ho Kotesamo soko hakása yineraka someraka, “Né Kotimo hokosapo,” airapo. Aíyaka tetā tati hakása siasapo.

Rome 8:19

Kotimo ipi hokosa makotehokosa maiya ane fasere perakarihoamo Kotimo ipi rakisia makata amo suamo Kotimo ayiakasimoripo, aíyaka kau risikinapo.

2 Korini 6:18

Karikia nenaka nōmo reaki someraka, “Repo atane anopo nōmo aporo hokosane soko nōmo hinamo hokosane soko repo,” aihokosapo. Aíyaka Unihae Koti káramo somerakano popahoareapo. (2 Samuel 7:14; 7:8)

Karesia 3:26

Arirakano isiapo aporo suamo Yasu Keresoaki himu hakásaraka hemakapukua risike Keresoa paosapo. Asiamo isuane Kotimo ipi hokosapo.