Rome 4:4 - Kotimo Kawe Someaka Masane Oyapo

⁴ Arirakano aporomo makata rakisia akipoko makata ropo maraka, “yaku marakanapo,” aíyaka hemakapurafapo. “Makata rakisia akipoko makata ropo marakanapo,” aíyaka hemakapurapo.

Rome 4:4 ပူးပေါင်းရင်းမြစ်များ

Rome 11:35

Kotimo isuaki makata kakasimo aporomanomo Kotiaki makata ropo fana kaka maresafapo. Aíyaka Kotimo sawia popahoareapo. (Aisaia 40:13; Jeremaia 23:18; Jop 41:11)

Rome 11:6

Aporo pasimosane Kotimo ipi aporo hinamoane hemakapuraka kamenakaraka pasimosapo. Kamenakaraka pasimosasamo aporo hinamomo namina makata rakisia akipoko Kotimo pasimosafapo. Aporo hinamomo makata koteaka rakirakano asekea pasimosa satiki ane, Kotimo ipi hemakapukua yaku ararerakanapo, aihoafunufapo.

Rome 3:24

Fesonoraka watikiaka risikino asekea, Kotimo iane kamenakaraka yaku araresapo. Aporo hinamomo watikiaka rakisiapoko apí akara ayiáka, Yasu kukusimo Kotimo Yasu Keresoane hauaka wó pusiesapo. Asiamo Yasumo aporo hinamopoko farimaka kusuasamo, Kotimo hukurukua fanasihokosane mafásapo. Aporo hinamomo watikisapoko Kotimo sapesane mafahoko, makata ropo ane Yasu kusua ayapo. Asiamo Yasu kuraka, aporo hinamomo watikiaka rakisia akipoko apíhoko ipi yapiane hauaka wo pusuapo. Akipoko aporo hinamomo Yasuaki himu hakásaraka hemakapurakano, iaki Kotimo ipi ereketae ainane karápo.

Rome 9:32

Marirakano ásiare? Ipu Kotiaki himu hakásaraka hemakapurafaraka, somemaneane kekemaraka, ipu hokonomo makata rakisiaki himu hakásaraka hemakapukua rakiraka risiapo. Arirakano yapake somesane oyapo. Aporo hinamo ikia kara hasaka purapaka iramo matasonapo. Ira matasosa á aporo hinamoane terafaka ruraka etenapo. Eteana ayiáka Yu aporo hinamoane ayiáka etesapo. Ipu watikisapoko Kotimo sapenane fahoasimo, Yasumo ipi apiana ayiáka e kusuane, Yu aporomo asekepayaraka iane eteana ayiáka etesapo. Asiamo Koti hikumisia i ereketae siaraka risiafapo.