Rome 3:7 - Kotimo Kawe Someaka Masane Oyapo

⁷ Arirakano aporomo namina hemakapusua aeyaka me rukua some meta somerane oyapo. Aporomo someraka, “Nōmo kotafe somerakano, Kotimo kakaro someane repo kakama kaiyakosapo. Asiamo Kotimo yano motosane repo makáranapo. Nōmo kotafe somesa aeyaka Kotimo yano motosa makárasasamo, Kotimo ano fanasihoane siahoasifareapo.” Aíyaka somehoane siahoasifareapo. Nena aporomo aíyaka somerapo.

Rome 3:7 ပူးပေါင်းရင်းမြစ်များ

Matiu 26:34

Airakano Yasumo Pitaki someraka, “Nōmo kakaro somerakaripo. Pipu ereamo kokorokomo mehoasiraka nómo ‘Yasu aserafapo,’ aíyaka yape isiamo nómo kotafe somehokosapo.”

Tarira Aporo 2:23

Arirakano wate fana Yasuane ayiakakosane Kotimo ipi hemakapukua reapo. Hemakapukua reasamo Yasuane reaki karakano repo e rusua kusuapo. Aporo watikisamo e ira matopesa paremarerakano repo soko aosapo. Repo aosasamo repo namina yiamo eane rusua kusuapo.

Rome 3:4

Wae. Metakariakosafapo. Kotimo makata ayiakakosaposane kakaro yanapo. Aporomanomo kotafe somerapo. Kotimo ayiáka somerafapo. Arirakano Kotimo sawia popasane oyapo. “Kotio, hukuarura maiya ámo aporo hinamoaki nómo kakaro ereketae susu somerapo. Kakaro ereketae susu somerasamo aporomo néaki hukururaka néane hurutapiakosafapo. Hurutapianafonorakano nómo kakaro ereketae susu someramo ipu someane marokenapo,” aíyaka popahoareapo. (Buk Song 51:4)