Rome 16:20 - Kotimo Kawe Someaka Masane Oyapo

²⁰ Kotafe hora aporomo someane makikisiraka fasikia risiasamo, Satanemo re kirimana wakapuane Kotimo mahurutapiakosapo. Sataneane repo korakemo finiraka matekeameana ayiáka, Kotimo Satane ane mahurutapiakosapo. Re Kereso aporo hinamo sarimaraka hakāsa risikiasimo Kotimo re ararehokosapo. Asiamo himu auaraka reramo kepoane Koti ipipo. Unihae Yasumo yaku ararenamo reane ararehoasimo nōmo kurikurirakanapo.

Rome 16:20 ပူးပေါင်းရင်းမြစ်များ

Matiu 4:10

Airakano Yasumo someraka, “Satane ne pusie. Kotimo sawia popasane oyapo. ‘Nómo Unihaeane Kotipo. Koti ipiaki hákasa kekerehoanie. Epoko hákasa rakinie.’ Aíyaka Kotimo sawia popahoareapo.” (Lo 6:13)

Ruki 10:19

Hao, kaisie. Nōmo reaki wakapu kára kasapo. Asiamo hesekea repo finihoane rukunesa kukusafapo. Hanutanomo re rukunesa kupeakosafapo. Satanemo wareane repo hurutapiakosapo. Makata hakása metamo soko re mokoatikihokosafapo.

Rome 15:33

Himu auanamo kepoane Koti ipipo. Kotimo re ararerakano re himu auaraka risikiasimo hemakapurakaripo. Kotimo anakanapo. Aíyaka hemakapukua nōmo kurikurirakanapo. Kakaroripo.

Rome 16:23

Kaíasemo soko re hemakapurakanapo airakae. Kaíasemo ano arareraka pasimarakano, epo apea ano rekenapo. Epo apea Yasu Keresoa paosa aporo hinamo kurikurihoko sarimarakanapo. Arirakano Erásatasemo taone wo takese mone taesane asekea rekenapo. Epo soko reane hemakapurakanapo, airakae. Arirakano Keresoa paosa aporo isiapo mae Kótasemo soko re hemakapurakanapo airakae.

Rome 16:24

Isiapo Unihae Yasu Keresomo re su himua ararehoasimo hemakapurakaripo. Kakaroripo.

Rome 8:37

Arirakano Kotimo isuaki himu tumurumo hemakapusuane makata watikisa fasereaperamo matasohokosafapo. Yasu Keresomo isuaki himu tumurumo hemakapuraka, isupoko farimaka kusuapo. Kusuasamo epo ipi isu kára araresapo. Araresasamo yumo soko isu ararerakano makata watikisa fasereperakano isiapo marokehokosapo.

1 Korini 16:23

Unihae Yasumo re yaku ararehoasimo nōmo hemakapurakaripo.

2 Korini 13:14

Unihae Yasu Keresomo re su yaku ararenane soko, arirakano Kotimo re suaki seseraka hemakapurane soko, arirakano Ho Kotesane soko re su himua risikiasimo nōmo hemakapurakaripo.

Karesia 6:18

Maeo, isiapo Unihae Yasu Keresomo reane hemakapukua repo ainane makotehoasimo nōmo kurikurirakanapo. Kakaroripo.

Firipai 4:23

Unihae Yasu Keresomo reane yaku arareraka makotehoasimo nōmo hemakapurakaripo.

1 Tesaronaeka 5:28

Arirakano isiapo Unihae Yasu Keresomo re arareraka makotehoasimo hemakapurakaripo.

2 Tesaronaeka 3:18

Re suane Unihae Yasu Keresomo makotehoasimo hemakapurakaripo.

2 Timoti 4:22

Timoti, ne hoane Unihae Kotimo asekea rekeasimo hemakapurakaripo. Re su Kotimo yaku arareraka makotehoasimo nōmo hemakapurakaripo. Timoti, né, ayapa. Ano Porepo.

Fairimone 1:25

Asiamo Unihae Yasu Keresomo yaku ararenane repo hoyaki rekeasimo nōmo kurikurirakanapo.

1 Yone 3:8

Asiāne aporo hinamomo yaiya watikiaka rakiraka risikino, iane Satanemo ipi menapo. Asiamo kepomaresa maiya amo, Satane watikiaka rea ayiáka, yumo soko e yaiya watikiaka rekenapo. Satanemo makata watikiaka rakirane marutaeraka fahokosakipoko Kotimo hokosa Yasu hauaka wo pesapo.

Some Faremaresa Tarisia 12:10

Arirakano nōmo kaiyíane hepene yapura memo sakepamo someraka, “Sere soko, ereamo soko, maiya suamo isiapo Keresoa paosa aporo maeane Satanemo Kotiaki kotafe topakamaraka hukururaka reapo. Kotafe hukurura aporoane hauaka atura makasusapo. Makasusasamo yumo isiapo Kotiaki kekererakanapo. Kotiane soko, ipi hokosa Yasu Keresoane soko, tetapō aporo hinamoane mafasikia wakapuaka unihaeaka asekea risikinapo.

Some Faremaresa Tarisia 22:21

Keresoa paosa aporo hinamo re suane Unihae Yasumo hemakapuraka ararehoasimoripo. Kakaroripo.