Rome 15:7 - Kotimo Kawe Someaka Masane Oyapo

⁷ Yasu Keresomo re makotesa ayiáka repo soko Keresoa paosa aporo su ayiáka makotehoanie. Makoteraka risikino Kotimo yano motosane makárahokosapo.

Rome 15:7 ပူးပေါင်းရင်းမြစ်များ

Matiu 10:40

Aporo kenosu kimisi pukorakano Yasumo someraka, “Re apea peane aporomo re tereraka pasimorakano ane, ano pasimarakanapo. Ano pasimarakano ane, ano pusiesa Kotiane soko pasimarakanapo.

Maka 9:37

“Aporo metamo ano himu tumurumo hemakapusuasamo hokosa wakasema asíane ararena ayiáka, ano soko ararerakanapo. Ano arareraka ano hákasa ararerakanafapo. Atamo ano pusiesane soko ararerakanapo,” aisapo.

Ruki 15:2

Perakano asekea Ferese aporomo soko, Kotimo somemane tisa aporomo soko, saperaka someraka, “Aporo watikisane Yasumo ipi tereraka pasimaka iyaki hakāsa toke makata anene,” aisapo.

Ruki 9:48

“Aporomo ano hemakapukusakipoko hokosa asíane ararerakanone, anoane soko ararerakanapo. Ano arareraka maseserakanone, ano pusiesa Kotiane soko maseserakanapo. Asiamo aporo meta ipi kesekea rekenone aporoane ipi fananapo,” aisapo.

Yone 13:34

Asiamo somemane kawe haku nōmo reaki some karakanapo. Re namina susu himu tumurumo hemakapukua risikianie. Nōmo re himu tumurumo hemakapukua area ayiáka repo namina yia ayiáka himu tumurumo hemakapukua risikianie.

Yone 6:37

Aporo hinamo nōmo Atamo anoaki karakano, i ano rea peakosapo. Perakano iaki nōmo peakopo aihokosafapo.

Rome 15:9

Arirakano Keresomo Yu aporoane araresa yiamo Yu aporohoanafonosane soko araresapo. Arirakano Yu aporohoanafonosane soko Kotimo kamenakahoareapo. Ipi kamenakarakano, Kereso pekea Yu aporohoanafonosane araresapo. Araresasamo yumo Yu aporohoanafonosamo soko Kotiane kekererakanapo. Kekerena ane Kotimo ipi sawia wate fana porofete aporomo Keresomo somehokosane aíyaka popahoareapo. “Kotio, nómo Yu aporohoanafonosane kamenakasasamo ano Yu aporoyaki rea maiya amo, néaki kekererakanapo. Aporo hinamomo nómo yano motosane kekerehoasimo nōmo néaki kesarakanapo.” Aíyaka Keresomo Kotiaki somehokosane porofete aporomo popahoareapo. (2 Samuel 22:50; Buk Song 18:49)

Rome 5:2

Yasu Keresoane isupoko farimaka kusuapo. Kusuasamo Kotimo yaku ararenane isuaki kakasimo ikia koroane Yasumo ropakamasapo. Asiamo isiapo Yasuaki himu hakásaraka hemakapukua, Kotimo yaku ararena ikia kara á isu puraka risikinapo. Puraka risikino, keseke Koti ipi wakapuraka rea á, isu soko eyaki hakāsa wakapuraka risikiakosapo. Ayiáka risikiakosasamo, isu seseraka hemakapukua risikinapo.

Efesase 1:12

Ipi hemakapusua aeyaka makata su maroporakanapo. Isiapo Yu aporo hinamomo Keresoaki fana himu hakásaraka hemakapukua risiapo. Asiamo Kotimo wakapuane soko faesane soko isiapo hemakapukua Kotiaki kekerehoasimo Kotimo isu murikimasapo.

Efesase 1:18

Repo himumo koteaka hemakapusimo nōmo kurikurirakanapo. Himumo koteaka hemakapukua risike, Kotimo ipi aporo hinamo suane makoteraka ayiakakosapo, aíyaka someaka masane repo hemakapukusapo. Ayiakakosapo aíyaka someaka masane faserepeasimo isu kau risikinapo. Ayiakakosapo aíyaka someaka masane namo kakaro kotesapo. Repo himumo koteaka hemakapukua risike, Kotimo makata kotesa ayiakakosapo aisane repo hemakapukua risikiasimo nōmo kurikurirakanapo.

Korosi 3:13

Metakiraki foaka sapehokopo. Repo namina aporo metamo neaki saperaka ne mokoatikirakano ne himu umisane mameraruhoanie. Aporomo ne mokoatikirakano ne sapesane soko hisisane soko mameraruhoanie. Asiamo nómo watikisane Unihae Kotimo mamerarusapo. Asia ayiáka nómo soko aporo metamo neaki mokoatikirakano mameraruhoanie.