Rome 14:11 - Kotimo Kawe Someaka Masane Oyapo

¹¹ Hukurukusane Kotimo sawia popasane oyapo. “Anoane kakaro Unihae Kotipo. Nōmo someane kakaro somerakanapo. Ano reakipoko aporo hinamo su sarimaraka, kakuna porokoa toke, anoane makáraraka hufitaeraka someraka, ‘Kotimo makata su asekea reasasamo isu hukurukusane soko Kotimo ipi ayiakakosapo.’ Aíyaka aporomo somehokosapo.” Aíyaka Kotimo somesane porofete aporomo popahoareapo. (Aisaia 45:23)

Rome 14:11 ပူးပေါင်းရင်းမြစ်များ

Matiu 10:32

Yasumo someraka, “Aporo hinamo suamo kaiyisimo aporo metamo someraka, ‘Ano Yasu patera aserakanapo.’ Aíyaka somerakano, nōmo Ata hepene yapura reamo kaiyisimo nōmo someraka, ‘Ano patera asesa aporo ane ayapo,’ aihokosapo.

Rome 10:9

Asiamo aporo hinamo suamo kaiyisimo nómo someraka, “Unihaeane Yasu ipipo,” aíyaka somerakano, nómo himu hakásaraka hemakapuraka, “Kotimo maturikia taesane Yasu ipipo.” Aíyaka himu hakásaraka hemakapurakano, néane Kotimo mafasiakosapo. Watikiaka rakira takua Kotimo né mafasiakosapo.

Rome 15:9

Arirakano Keresomo Yu aporoane araresa yiamo Yu aporohoanafonosane soko araresapo. Arirakano Yu aporohoanafonosane soko Kotimo kamenakahoareapo. Ipi kamenakarakano, Kereso pekea Yu aporohoanafonosane araresapo. Araresasamo yumo Yu aporohoanafonosamo soko Kotiane kekererakanapo. Kekerena ane Kotimo ipi sawia wate fana porofete aporomo Keresomo somehokosane aíyaka popahoareapo. “Kotio, nómo Yu aporohoanafonosane kamenakasasamo ano Yu aporoyaki rea maiya amo, néaki kekererakanapo. Aporo hinamomo nómo yano motosane kekerehoasimo nōmo néaki kesarakanapo.” Aíyaka Keresomo Kotiaki somehokosane porofete aporomo popahoareapo. (2 Samuel 22:50; Buk Song 18:49)

1 Yone 4:15

Some karakano aporo metamo someraka, “Yasuane Kotimo hokosapo.” Aira aporoane himua Koti rekenapo. Arirakano Koti himua soko aporoane rekenapo.

2 Yone 1:7

Kotafe some kará aporo hauaka sua koraka risike kotafe someane some karápo. Ipu someraka, “Yasu Kereso hauaka wo aporomano kau maka pesafapo.” Aíyaka ipu kotafe some karapo. Namina kotafe some karaka risike ipu Keresoaki yunuraka risira aporoane ayapo.

Some Faremaresa Tarisia 5:14

Aíyaka kesarakano, makata kakayia kitafasuamo someraka, “Kakaroripo.” Airakano aporo kára amo Unihaeaki kekerehoko uakapeperaka kekererakasapo.