Rome 10:20 - Kotimo Kawe Someaka Masane Oyapo

²⁰ Asiamo Yu aporohoanafonosane Kotimo somerakano Aesayamo popasane oyapo. Kotimo Yu aporohoanafonosaki someraka, “Repo ano aseakosakipoko koanafonosa nine, repo ano hemakapukusapo. ‘Kotimo ainane yakapare?’ aíyaka repo anoaki kaiyanafonorakano yia, nōmo reaki tarisiapo,” aíyaka popahoareapo. (Aisaia 65:1)

Rome 10:20 ပူးပေါင်းရင်းမြစ်များ

Matiu 20:16

Somesamo kepoane oyapo. “Aporo kesekeraka risiane fanahokosapo. Aporo fanaraka risiane kesehokosapo.” Aíyaka Yasumo someapo.

Ruki 14:23

Airakano aporo raipaki ipi wafayamo someraka, ‘Ape one metakarikia, yaoa ikia kara metakira kára soko, metakira wakasema soko, á pukua aporomano peaehoanie. Ape tapehoasimo aporo hinamo yakai peaehoanie.

Rome 10:3

Asiamo aporo ereketaeraka risikiasimo ereketae risirane Kotimo karápo. Kakakosa ikia kara á ipu kekemasafapo. I namina ereketae risikiakosakipoko ipu namina hemakapusuane kekemasapo. Kekemaraka risike ipu namina hemakapusuane makáraraka Kotimo ereketae aina ikia karane patera tarisiapo.

Rome 9:30

Yu aporohoanafonosamo Kotimo ereketae ainane mokoakosakipoko wafororaka rakianafonosa nine, Kotimo ereketae ainane mosapo. Asiamo Yu aporohoanafonosa amo Yasuaki himu hakásaraka risiasamo Kotimo iane ereketaeraka risikiasimo maroporaka marerapo.

Rome 9:31

Asiane Yu aporomo Kotimo ereketae aina ayiáka risikiako Kotimo somemane kekemaraka rakiraka tiki rakisia nine, kakaro su siaraka rakisiafapo.

1 Yone 4:19

Asiamo Kotimo isuane fana himu tumurumo hemakapusuasamo isiapo soko ayiáka himu tumurumo hemakapurakanapo.