Rome 1:1 - Kotimo Kawe Someaka Masane Oyapo

¹ Rome aporo hinamo reaki ano Poremo sawi one poparaka makerakanapo. Yasu Keresomo makata rakira aporo ane anopo. Yasumo ano tarira aporohoasimo murikimarakasupo. Kotimo some kotesane nōmo aporo hinamoaki some kakasimo Yasumo ano pusierakasupo.

Rome 1:1 ပူးပေါင်းရင်းမြစ်များ

Maka 1:14

Herotemo Yone tipura makesakipoko Yasu Kariri hauaka á pukua Kotimo some kotesane some kasapo.

Yone 12:26

Aporo hinamo hakása metamo nōmo arakira ayiáka rakiako hemakapurakanone ane, anoaki patera asekea kekemahoanie. Asiamo ano rea nōmo makata rakira aporo hinamo ane anoyaki hakāsa risikiakosapo. Nōmo makata rakira aporo hinamo ane Kotimo makárahokosapo.” Aíyaka Yasumo somesapo.

Yone 15:15

Yumo reaki nōmo aporo raipapo, airakanafapo. Asiamo aporo raipaki wafayamo ipi hemakapusuane somerafapo. Arirakano Atamo anoaki somesane makata su reaki nōmo somerakanapo. Aporo tákeaki somera ayiáka nōmo reaki somerakanapo.

Yone 15:20

Fana nōmo reaki somesane meraruhokopo. Somesane oyapo. ‘Aporo raipamo ipi wafayane marokenafapo.’ Aíyaka fana nōmo somesapo. Asiamo nena aporomo ano mokoatikira ayiáka, re soko mokoatikihokosapo. Arirakano nōmo someane ipu kakimarakano, repo someane soko kakimakosapo.

Tarira Aporo 13:9

Arirakano Sore ipi yano motosa meta Porepo. Pore ipi himua Ho Kotesa komarukua rekerakano, aporo makata kamunaki hi pokoheheraka aseraka

Tarira Aporo 20:24

Airakano yia, ano nī hitaferaka rekeakosane hákasa makama fanaraka hemakapurakarifapo. Ano kukusireapo, aíyaka nōmo hemakapurakarifapo. Unihae Yasumo anoaki uyáka rakinie, aisane rakikia rosakataehoko hemakapurakaripo. Epo anoaki, ‘Kotimo yaku ararena some kotesane some kakanie.’ Airakano some kotesane hákasa somehoko hemakapurakaripo.

Tarira Aporo 21:40

Aíyaka ame aporo satinimo aorakano, Pore inima reke, aporo suamo mé fahoasimo Poremo ipi hokono rukurakoraka, suamo mé farakano asekea Poremo Hipuru meaka somesapo.

Tarira Aporo 22:21

Airakano Unihae Yasumo anoaki someraka, ‘Né pusie. Yamenoa, Yu aporohoanafonosaki soko, nōmo someane some kakako pusie.’ Aíyaka Yasumo anoaki somesapo.”

Tarira Aporo 22:7

ano hauaka huruperaka yia, nōmo kaiyiáne mémo anoaki someraka, ‘Soreo, Soreo, marirakano nómo ano mokoatikirakanare?’

Tarira Aporo 26:1

Akarípamo Poreaki someraka, “Ipu né hokoresasamo nómo ní hemakapukua somesie.” Airakano Poremo ipiane somehokosakipoko aporo suamo kaiyisimo hokono máfaraka someraka,

Tarira Aporo 26:14

isu hurupepesapo. Hurupeperaka hauaka warisike, nōmo kaiyiáne Hipuru meaka someraka, ‘Soreo, Soreo, marirakano nómo ano mokoatikirakanare? Saro ponomakau korakemo taposoraka ira fenesamo karerakano ipi yia terapo. Aina ayiáka nómo ano mokoatikinane, nómo ní yia mokoatikirakanapo.’

Tarira Aporo 27:23

Kotiaki nōmo kekereraka, Kotimo rakirane nōmo rakirapo. Arirakano pipu ereamo Kotimo hepene aporo ano rea pusiesapo.

Tarira Aporo 9:15

Airakano Unihaemo someraka, “Né pusie. Soremo anopoko rakiasimo e nōmo murikimasapo. Epo nōmo someane Yu aporohoanafonosaki soko, kamani aporo unihaeaki soko, Yu aporoaki soko, i suaki somehoasimo e nōmo murikimasapo.

Rome 1:16

Yasu hemakapusimo some kotesane nōmo some kakako ano karekerafaraka mapirarakanapo. Kotimo wakapuane some kotesa ayapo. Some kotesane Yasu hemakapusimo some kotesa ayapo. Some kotesane aporo hinamomo kakimarakano, iane Kotimo mafasirapo. Watikiaka rakirakano asekea Kotimo mafasikia ipi ereketae ainane iaki karapo. Aíyaka some kotesane fana Yu aporo aki some kasesupo. Amo patera á Yu aporo hoanafonosaki some karakanapo.

Rome 1:5

Yasu Keresomo anoaki somesa maiya ámo Kotimo ano murikimarakasupo. Yasu Keresomo tarira aporomo rakirane rakisimo Kotimo ano arareraka murikimarakasupo. Murikimasasamo nōmo Yasupoko some karakanapo. Yu aporohoanafonosamo Yasuaki himu hakásaraka hemakapukua Yasumo ainane kekemahoasimo nōmo some karakanapo.

Rome 1:9

Arirakano Kotimo aseane, nōmo himumo Kotiaki kekerena aeyaka ipi Hokosane aporo hinamomo hemakapusimo nōmo some kape purakano aserakanapo. Nōmo kurikuriana maiya suamo, nōmo repoko hemakapukua kurikurirakano Kotimo ipi kairakanapo.

Rome 11:13

Re Yu aporohoanafonosa Rome sitia risiaki nōmo somerakanapo. Yasumo tarisia ayiáka nōmo tarisimo Kotimo ano tarira aporo murikimasapo. Murikimarakano Yu aporohoanafonosamo Yasuane hemakapusimo someane nōmo some karakanapo. Re Yu aporohoanafonosapoko rakiraka ano kára seseraka rakirakanapo.

Rome 15:16

Ano Yasu Keresomo aporo raipa ayiáka rekeasimo Kotimo ano murikimasapo. Yu aporohoanafonosane ararehoko Yasu Keresomo aporo raipa rakisimo Kotimo ano murikimaka rakinie, aisasamo nōmo rakirakanapo. Aporo hinamomo Kotiaki koteaka kekerehoasimo pirisiti aporomo iane ararena ayiáka, nōmo soko re Yu aporohoanafonosamo Keresomo ainane hemakapusimo ararerakanapo. Arirakano aporomo Kotiaki saro sipi karakano pirisiti aporomo maka, Kotimo asekeasimo eke kima taeraka arakira ayiáka, Yu aporohoanafonosamo Kotiaki himu hakásaraka hemakapusimo, nōmo rakirakanapo. Himu hakásaraka hemakapura aporo hinamoane Kotimo asekeasimo, nōmo akara ayiáka, Kotiaki makata yaku karakano Kotimo sesenapo. Seseraka makata yakuane amara ayiáka, himu hakásaraka hemakapura aporo hinamoane epo pasimorapo. Pasimokoa ipu himua Ho Kotesa rekeasimo murirapo.

Rome 15:29

Ano apera maiya amo Yasumo makotenane anoyaki káraraka reasasamo, nōmo reane makotehokosapo.

Rome 16:18

Kotafe hora aporoamo Unihae Keresomo rakirane namo kakaro rakirakanafapo. Ipu namina kauane maseseraka rakirapo. Makata aina kotesane takekea hemakapunafonona aporomo hasaka hemakapukua ipu someane kekemahoasimo ipu kirimaraka hokokekea, kukunameaka kotafe somerapo. Keresomo menane kekemaraka rakiakohoamo ipu kotafe somerapo.

Rome 16:25

Fana maiya suamo Kotimo ayiakakosaposane mahamesapo. Yumo repo asekea hemakapusimo kakama tarisiapo. Kakama tarisiane Yasu Keresopo. Yasu Keresoane nōmo some karakano repo kakimaka kakaro wakapuaka hemakapusimo Kotimo ararehokosapo. Ararehokosasamo Kotiaki kekererakanapo.

1 Korini 1:1

Kotimo ipi hemakapukua Yasu Keresomo tarira aporo rekeasimo ano Poreane murikimasapo. Ano soko murikimaka Keresoa paosa aporo isiapo mae Sosotenese soko, anoyaki hakāsa reke, nōmo sawi one poparaka makerakanapo.

1 Korini 9:1

Aporo metakiramo ano mawakasemarakanapakae. Asiane nōmo nī hemakapusuane soko, rakiane siahoasireapo. Makata metamo ano matasosafapo. Yasumo ipi tarira aporoane anofare? Isiapo Unihae Yasuane nōmo asesafare? Nōmo Unihae Yasuane some karakano repo kaikia eaki risikiako parisafare? Ao, ásiapo.

2 Korini 1:1

Kotimo hemakapusua aeyaka ano Pore Yasu Keresomo tarira aporo rekeasimo murikimasane anopo. Nōmo soko, isiapo Keresoa paosa aporo mae Timotimo soko, etapo reane hemakapurakanapo. Re Yasu Keresoa paosa aporo hinamo Korini taonea risiane soko, Kotimo aporo hinamo Akaia hauaka á risiane soko, re suaki nōmo sawi one poparaka makerakanapo.

2 Korini 11:5

Arirakano some meta some kará aporoaki repo someraka, “Reane tarira apororeapo.” Aíyaka iane makama fanaraka, ano makama kesekeraka somehoane siahoasifareapo. Ano mayireare? I fanaraka ano kesekefapo.

2 Korini 11:7

Arirakano Kotimo someane nōmo reaki some kasa akipoko, nōmo makata ropo masafapo. Makata ropo makosane metakarikia, re makotehoko aporo raipamo arakira ayiáka, ano ni makama kesekeraka yaku rakisiapo. Nōmo yaku rakisia amo reane makotesapo. Asiamo repo anoaki someraka, “Ne watikirareapo,” aihokopo.

2 Korini 12:11

Fana repo ano kekerehoafunusa nine repo ano kekeresafapo. Repo ano kekerehoanafonorakano nōmo aporo himu rekeanafonosamo somehora ayiáka nōmo somerakanapo. Repo ano aporo wakasemaporakano yia, kotafe tarira aporoane repo makama fanasa amo ano marokesafapo.

2 Korini 2:12

Toróase taonea ano pusua maiya amo, aporomo Keresoane hemakapusimo some kotesane nōmo some kakako pusuapo. Pukua ano Toróase taonea pauraka aseane, ikia koro mapirisia ropaka amara ayiáka some kotesane some kakasimo ikia koro Kotimo ropakamarakano asesapo.

2 Korini 4:5

Arirakano isiapo isina yano motosane makáraraka some karáfapo. “Yasu Kereso ipi unihaeaka rekenapo,” aíyaka isiapo some karapo. Some karáka aporo raipamo arakira ayiáka isiapo repoko rakirakanapo. Isiapo Yasu Keresoaki hemakapukua reaki some karakanapo.

Karesia 1:1

Yasu Keresoa paosa aporo hinamo re su Karesia hauaka á ape sumu sua risiaki ano Poremo sawi one poparaka makerakanapo. Arirakano Yasu Keresoane some kakasimo Kotimo ano tarira apororaka rakiraka rekeasimo murikimasapo. Kotimo ano murikimasane repo hemakapusimo nōmo somerakanapo. Epo makata rakirane rakisimo aporo metamo soko metao, aporo yakaimo soko metao ano murikimasafapo. Yasu Keresope ipi Ata Koti tetapō ano murikimaka tarira apororaka rakirane nōmo rakisimo ano murikimasapo. Arirakano ano murikimasa Koti amo Yasu kusuane maturikia taesapo. Arirakano nōmo soko, Keresoa paosa aporo mae anoyaki hakāsa risiamo soko, isiapo suamo reane hemakapurakanapo.

Efesase 1:1

Kotimo ipi hemakapusua aeyaka Yasu Keresomo tarira aporohoasimo ano murikimasapo. Ano Porepo. Re Kotimo aporo hinamo Efesase apea risiaki nōmo sawi one poparaka makerakanapo. Repo Yasu Keresoaki himu hakásaraka hemakapukua risikino asekea, nōmo reaki sawi one poparaka makerakanapo.

Efesase 1:13

Arirakano kakaro someane repo soko kaisiapo. Kairaka Keresomo mafasiakosapo aisa some kotesane repo kakimaka Keresoaki himu hakásaraka hemakapukua risikiako parisapo. Keresoaki re Yu aporohoanafonosamo soko, himu hakásaraka hemakapurakarakano kaiyakosakipoko Kotimo reaki Ho Kotesa kasapo. Fana kakakosaposane yumo kakaro kasapo.

Efesase 4:11

Arirakano epo makata rakirane, epo some kakimara aporo hinamomo rakisimo iaki wakapu ararenane yaku kasapo. Kasasamo aporo metakira tarira aporohoasimo murikimasapo. Aporo metakira porofete aporohoasimo murikimasapo. Aporo metakira Yasuaki risikiako pariraka some kape pura aporohoasimo murikimasapo. Aporo metakira paseto aporohoasimo murikimasapo. Aporo metakira tisa aporohoasimo murikimasapo.

Firipai 1:1

Firipai taonea Keresoa paosa aporo hinamo re su risiaki ano Poremo sawi one poparaka makerakanapo. Re asekea risira aporoaki soko, re tikone aporoaki soko, re suaki ano Poremo sawi one poparaka makerakanapo. Timoti anoyaki hakāsa reke ano ararerakano sawi one reaki poparaka makerakanapo. Timoti eto Yasu Keresopoko makata rakira aporopo.

Firipai 2:11

Ipu kekereraka someraka “Unihae kárane Yasu Kereso ipipo,” aihokosapo. Aíyaka Yasuaki kekereraka, Ata Kotimo yano motosane soko makárahokosapo.

Korosi 1:1

Yasu Keresomo tarira aporo rekeasimo Kotimo ipi hemakapukua murikimasane anopo. Ano Poremo reaki sawi poparaka makerakanapo. Isiapo Keresoa paosa aporo mae Timoti anoyaki reke, reane hemakapuraka,

Korosi 1:25

Keresoa paosa aporo hinamo akipoko rakisimo Kotimo ano murikimasapo. Epo someaka maresane, i suaki nōmo some kakasimo epo ano pusiesapo.

1 Tesaronaeka 2:2

Isu Firipai taonea risia maiya amo, Firipai aporomo isu hokomaka mokoatikisapo. Mokoatikisane repo hemakapurakanapo. Mokoatikirakano yia, isiapo reane aseako Tesaronaeka taonea pesapo. Peane, aporo metakiramo isuaki hisiraka saperakasupo. Saperakano yia, Kotimo isuaki wakapu kasapo. Kotimo ipi wakapu karakano repo Yasuane hemakapusimo isiapo Kotimo someane wakapuaka some kasapo.

1 Tesaronaeka 2:8

Asiamo isiapo reane hemakapuraka Kotimo some kotesane isiapo reaki some kakako sesesapo. Isiapo re arareraka isu rusua kuane soko siahoasireapo. Aíyaka isiapo hemakapusuapo. Masiasamore? Isiapo reane namo kakaro kara himu tumurumo hemakapusuasamoripo.

1 Tesaronaeka 2:9

Maeo, isiapo wafororaka rakisiane repo hemakapurakanapo. Isu perakasuamo Kotimo some kotesane some kaka, arirakano isiapo hokonomo wafororaka rakisiane soko, repo asesapo. Repo makata umisane marapaka, sere soko ereamo soko, isiapo wafororaka rakisiapo.

1 Timoti 1:1

Yasu Keresomo tarira aporo rekeasimo Kotimo mafasikia murikimasa aporoane ano Porepo. Arirakano Yasu Keresomo soko ano murikimasapo. E pariperakarihoamo isu kau risikinapo.

1 Timoti 2:7

Ipi kusuasamo eane soko nōmo some kakasimo epo ano tarira aporo rekeasimo murikimasapo. Murikimarakano Yu aporohoanafonosaki Kotimo kakaro someane ipu kakimaka, Kotiaki himu hakásaraka hemakapusimo nōmo tisamo atarira ayiáka tarikia some karakanapo. Nōmo kakaro somerakaripo. Kotafe somerakarifapo.

2 Timoti 1:11

Arirakano Yasuane hemakapusimo some kotesane nōmo some kaka, arirakano tisaraka soko tarikia, tarira apororaka soko rakikia, ayiakasimo Kotimo ano murikimarakasupo. Murikimarakano epoko nōmo rakirakanapo.

Taetase 1:1

Ano Poremo sawi one poparaka makerakanapo. Nōmo Kotimo makata rakirane rakisimo ano murikimasapo. Yasumo ainane tarisimo ano tarira aporo murikimasapo. Kotimo murikimasa aporo hinamomo Kotiaki ereketae hemakapusimo ano murikimarakano nōmo reane arareraka tarirakanapo. Kotimo kakaro someane ipu suamo hemakapusimo nōmo some karakanapo. Kakaro someane kaikia Kotimo ainane kekemahoasimo nōmo reane arareraka tarirakanapo.

Hipuru 5:4

Pirisiti aporo fanaraka reane yano motosa kárapo. Pirisiti aporo fanaraka reamo rakirane rakiako epo ipiane murikimasafapo. Kotimo Eroneane pirisiti aporo fanaraka reamo rakirane rakisimo Erone murikimasa ayiáka, yumo soko pirisiti aporo fanaraka reamo rakirane rakisimo Kotimo murikimarapo.

Hipuru 7:26

Yasu ipi pirisiti aporo fanaraka rerasamo, epo isu ararehoane siapo. E namo kakaro koteaka susu rekenapo. Epo watikiaka rakirafapo. Epo makata watikisane hemakapurafapo. Makata watikiaka rakira aporo akiyaki Yasuane hakāsa rea maiya amo epo watikiaka rakisiafapo. Asiamo e hepene yapura reke kakaro fanaraka rekeakosane Kotimo maresapo.

Yamese 1:1

Kotipe Unihae Yasu Kereso tetapō aporo raipane anopo. Ano Yamesemo sawi one poparaka makerakanapo. Re Yu aporo ira kenosua Keresoa paosa aporo hinamo risiaki nōmo sawi one poparaka makerakanapo. Ape sumu kekepo aeyaka re rukua koaka taerakano teketarikia, hauaka kekepoa pukua risikino asekea, reaki nōmo sawi one poparaka makerakanapo.

1 Pita 4:17

Arirakano reane mokoatikirakano Kotimo takekea parakuhokosa maiya ane faserepeakosaposane yumo fasereperaka sikirakano aserakanapo. Kotimo ipi aporo hinamoane fana takekea hukurukua parakurakanapo. Isu kakimara aporo hinamoane yumo kepomarekea hukururakanapo. Keseke namo kakaro kára hukurukusane Yasu pariapera maiya amo, koaretaena aporo hinamoane hukurukua kára fanasihokosapo.

2 Pita 1:1

Yasu Keresomo tarira aporo soko ipi aporo raipane soko anopo. Ano Saemone Pitamo reaki sawi one poparaka makerakanapo. Arirakano kakaro ereketaesa susuane Yasu ipipo. Yasu Keresoane isiapo Kotipo. Arirakano isu Mafasira Aporoane Yasu ipipo. Yasumo makata aina ereketae rakisia aeyaka isu mafasisiapo. Eane ereketae reasasamo, isiapo tarira aporomo Kotiaki himu hakásaraka hemaka apura ayiáka, repo soko Kotiaki himu hakásaraka ayiáka hemakapurakanapo. Himu hakásaraka hemakapurane makata kotesapo. Re himu hakásaraka hemakapura aporo hinamoaki nōmo sawi one poparaka makerakanapo.

Yuti 1:1

Ano Yutimo sawi poparaka makerakanapo. Yasu Keresomo aporo raipane anopo. Yamesemo maéane anopo. Kotimo murikimasa aporo reaki nōmo sawi one poparaka makerakanapo. Reane Ata Kotimo kára hemakapurakanapo. Yasu Keresomo soko reane asekea rekenapo.

Some Faremaresa Tarisia 1:1

Kotimo keseke makata ayiakakosane faremaresapo. Some faremaresane Yasuaki tarisiapo. Makeana maiya amo makata ayiakakosane, Yasumo ipi aporo raipaki tarisimo, Kotimo Yasuaki tarisiapo. Tarirakano Yasumo ipi aporo raipa Yoneaki tariako hepene aporo pusiesapo.

Some Faremaresa Tarisia 22:6

Hepene aporomo anoaki someraka, “Nōmo someane kakaro somepo. Kakaro somesasamo kakimakanie. Unihae Kotimo makata ayiakakosane ipi porofete aporoaki mahemakapurakarakano, ipu some kasesupo. Yumo makata ayiakako makesane, Kotimo aporo hinamo raipamo hemakapusimo Kotimo ipi hepene aporomo tariako pusiesapo. Pusierakano nōmo somehoko pesapo,” airakasapo.

Some Faremaresa Tarisia 22:9

Kakopekea kakeno epo someraka, “Nómo ayiakakopo. Né Kotimo aporo raipa ayiáka, ano soko Kotimo aporo raipapo. Né soko, nómo Keresoa paosa aporo mae porofete aporoane soko, sawi wo popasane kakimara aporoane soko, isiapo suamo makata rakirane hakása yiyapo. Asiasamo nómo anoaki kekerehokopo. Koti ipiaki hákasa kekerehoanie,” aíyaka hepene aporomo somerakasapo.