Matiu 8:15 - Kotimo Kawe Someaka Masane Oyapo

¹⁵ Aseraka hinamoamo hokonoa Yasumo sakaihoane, makata takamaraka kau sisipusane fasapo. Farakano asekea, hinamoane takahikia makata nakosa paikia Yasuaki kasapo.

Matiu 8:15 ပူးပေါင်းရင်းမြစ်များ

Matiu 14:36

Karikia pesa aporoamo Yasuaki someraka, “Aporo hinamo makata tasamo nómo pasu ke huhua sakaihoane siahoasisekeno aosie.” Airakano Yasumo aosapo. Aoraka epo pasu huhuane aporo hinamo makata tasamo sakaihoane ipu makata tasane fasapo.

Matiu 20:34

Airakano Yasumo tetāne kamenakaraka tetā hia sakaihoane wate foaka faraka tetapō himo koteaka asekea Yasuyaki hakāsa pusuapo.

Matiu 8:14

Yasu pukua Pitamo apea yorokoa aseane, Pitamo ipi aseamo kaīyia makata takamasa kau sisipuraka warekeno asesapo.

Matiu 8:16

Arirakano wakasema nina samapu yao nene horamo, aporo hinamo yakai yatafumo ho mosane Yasu rea aporo metakiramo karikia pesapo. Karikia perakano yatafuaki Yasumo ipi akaimo hákasa some hora yiamo yatafuane metakarikia pusuapo. Arirakano aporo hinamo makata tasane soko suane Yasumo mafasapo.

Matiu 8:3

Airakano Yasumo ipi hokono máfaraka aporoane sakairaka someraka, “Ao, ano seseripo. Ne makata takamasane farasie.” Aihoanine aporo toropakesane wate foaka fasapo.

Matiu 9:20

Purakano asekea hinamo meta patera aeyaka pekea, ipi himumo hemakapuraka, “Ano keremisi keno sumo wake apea makama yiaraka kayapo. Kayasasamo, Yasumo pasua nōmo sakaihoane ano wake apea makama yiaraka kayane fahokosapo.” Aíyaka hemakapukua Yasu purakano asekea, e patera aeyaka pekea Yasumo pasu ke huhua sakaisapo.

Matiu 9:29

Airakano tetā hia epo sakairaka someraka, “Tetápo hemakapuraka eto mafahoasimosapo, aíyaka hemakapusuasamo teto mafarakanapo.”

Maka 1:29

Yu aporomo sarimana apeane Yasumo metakarikia pukua Enitupe Saemone tetapō apea pukua yororakano, Yamesepe Yone tetā soko apea yorokoa pusuapo.

Maka 1:41

Airakano aporoane Yasumo kamenakaraka ipi hokono máfaraka e sakairaka someraka, “Ao, ano seseripo. Né makata takamasane farasie,” aisapo.

Ruki 8:54

hokosa kusuane hokonoa maka someraka, “Masira, ne turikia pusie,” aisapo.