Matiu 5:45 - Kotimo Kawe Someaka Masane Oyapo

⁴⁵ Eane hemakapukua kurikuriraka reke, repo Ata hepene yapura reamo makata rakira ayiáka, reane ipi hokosa pariraka ayiáka rakirakanapo. Asiamo aporo watikisamo hauaka á soko, aporo kotesamo hauaka á soko, ipu suamo hauaka á sere maiyamo faehoasimo, Kotimo sere maiyane makarapo. Arirakano kotafe somera aporo soko, kakaro somera aporo soko, ipu suamo hauaka á yao peasimo Kotimo makarapo.

Matiu 5:45 ပူးပေါင်းရင်းမြစ်များ

Matiu 5:9

Arirakano metamo metaki saperaka rekeno, sapesane mafahoasimo aporo hinamo metamo maroporakano, eaki Kotimo someraka, ‘Ne nōmo hokosapo.’ Aírapo. Asiamo aporo hinamoane Kotimo ayiáka makoterakano i seseraka risirapo.

Ruki 6:35

Asiamo aporo metakiramo reane mokoatikirakano, aporoane repo himu tumurumo hemakapunie. Aporo metakirane makotehoanie. Aporo metakiraki makata yaku kakanie. Makata yaku kasane nómo ní keseke makosakipoko hemakapukupo. Ayiáka koteaka risikino, Unihae Koti Káramo reane ipi hokosapo, aihokosapo. Aíyaka reane epo karikia nakosapo. Arirakano reaki makata ropo kára kakakosapo. Arirakano suse aihoanafonona aporoane soko Kotimo ararenapo. Arirakano makaripi aira aporoane soko, Kotimo makotenapo.

Yone 13:35

Ayiáka hemakapukua risikino aporo metakiramo asekea someraka, ‘I Yasu patera asesa aporo ayareapo,’ aíyaka somehokosapo.” Aíyaka Yasumo somesapo.

Tarira Aporo 14:17

Ayiáka epo ipi makata ainane aporo suamo asekea hemakapusimo tariraka, epo re makoteraka, yao peasimo rakikia marekea, makata nakosa koteaka taneheasimo rakikia marekea, reaki makata nakosa soko kaka, seséna soko kasapo.”

Efesase 5:1

Reane Kotimo hokosapo. Asiasamo reane Kotimo himu tumurumo hemakapurakanapo. Reane epo ipi hokosasamo e area ayiáka risikianie.

Firipai 2:15

Repo ayiáka rakiraka risikino, repo ereketaeraka rakiraka risikiakosapo. Re Kotimo hokosa risike watikiaka rakiakosafapo. Arirakano hauaka wo aporo hinamoane ereraka katoraka watikiraka risikinapo. Ipu kotafe horaka risikinapo. Iaki repo Kotiyaki yaiya rekeakosa someane repo iaki some karakanapo. Arirakano ti makata faeana ayiáka, repo faesane aporo ereraka katoraka risiamo aseakosapo. Re faeraka yaiya risikino asekea, Yasu pariapera maiya amo ano Poremo someraka, “Re faeraka yaiya risikino, nōmo reyaki fana makata rakisiane, nenakamaka rakiafareapo. Nōmo wakapuamo nenakamaka rakiafareapo,” aihokosapo.

1 Yone 3:9

Asiamo isuane Kotimo hokosa pariraka risikiasimo isu murikimasapo. Asiasamo isiapo watikiaka yaiya rakiraka risirafapo. Kotimo ipi ainane soko epo hemakapurane soko, ipi hokosa isuaki kasapo. Kasane isu himua rekerakano kaikia, makata watikisane metakarirapo. Isu Kotimo hokosasamo isiapo makata watikisane rakiako hemakapuane siahoasifareapo.