Matiu 25:10 - Kotimo Kawe Someaka Masane Oyapo

¹⁰ Airakano ipu keresene ropohoko pusuapo. Pusuakipoko aporo hinamo kawe arumakosane pesapo. Perakano keresene siaraka takamokoa pesa hinamoane eyaki namina hakāsa makata nakosa apea yorokoa hisiapo. Hinakano ikia koro mapirisiapo.

Matiu 25:10 ပူးပေါင်းရင်းမြစ်များ

Matiu 24:42

Ayiakakosasamo repo asekea risikianie. Repo unihae paripeakosa sereane repo hemakapurafaraka asekea risikianie.

Matiu 24:43

Arirakano aporo makata hakimoramo aporo metamo apea makata kemo hakimokoako perapo. Makata kemo hakimokoako peakosane, maiya hi awane ape wafayamo hemakapurafapo. Ere wakopemo soko metao, ere tipiamo soko metao, fia makeanamo soko metao, hakimora aporo apea tau peakosane, ape wafayamo hemakapurafapo. Hemakapunafononasamo sere soko, ereamo soko, warafaraka ape asekea rerapo.

Matiu 24:44

Aina ayiáka repo soko ayiáka asekea risikianie. Aporomanomo Táke anoane paripeakosa maiyane soko, maiya teane soko, maiya hi awane soko, repo hemakapunafonosasamo re asekea risikianie.” Aiyaka Yasumo somesapo.

Matiu 25:6

Waka kesakipoko ere tipiamo aporo metamo wáraka, ‘Aporo hinamo kawe arumakosane apere. Repo soko aseako peae.’ Aíyaka wásapo.

Matiu 7:21

Yasumo someraka, “Aporo metakiramo anoaki someraka, ‘Unihae, Hokopusuo,’ aíyaka kaumo wára aporoane Kotimo ipi unihaeaka asekea rea aporomano akiyaki paohokosafapo. Asiāne nōmo Ata hepene yapura reamo hemakapusua kekemaraka rakira aporo hinamoane, i hákasa paohokosapo.

Ruki 12:35

Arirakano Yasumo someraka, “Aporo raipamo rakikia maresa wafayamo hinamo fitu karáka hokono keakosakipoko pusuapo. Pusuane ereamo pariperapaka foaka ikia koro ropakamako ipi aporo raipamo pasu korake yatipinu atura faisa pusifasekeno, pasu kakuna fairaka kenare weraka, saro kau terakae hikia, arirakano nafa pakimaka asekea risirapo. Asekea risira ayiáka, re soko ayiáka asekea risikianie.

Ruki 13:25

Ape wafaya takahikia ikia koro mapirirakano repo ikia koroa paroparoraka someraka, ‘Unihaeo, ikia koro ropakamasie.’ Airakano ape wafayamo someraka, ‘Re epare? Re nōmo aserafapo,’ aihokosapo.

Korosi 1:12

Kotimo ipi aporo hinamoaki makata kotesa kakakosaposane repo mokoasimo epo re yaku araresapo. Kotimo faesa hauaka á ipi aporo hinamo akiyaki re soko hakāsa hiane siahoasireapo, aisapo. Asiamo Ataki susehoanie.

2 Timoti 4:8

Ano ereketae susuraka reasasamo anopoko makata ropo murikimaka motosapo. Motosane Unihae Yasu ipi pariapera maiya amo anoaki makakosapo. Kepo hemakapukua maropona aporoane Yasu ipipo. Epo kakaro ereketaeraka susu maroponapo. Anoaki soko aporo hinamo e perakarihoamo seseraka kau risiaki soko isu suaki makata ropo kakakosapo.

1 Pita 1:13

Kotimo reane araresasamo ereketae susu hemakapukua risikianie. Makata watikisamo repo himu hemakapurane kirimarapaka asekeanie. Maiya suamo koteaka hemakapukua risikianie. Watikiaka hemakapurapaka asekea risikianie. Yasu Kereso pariapera maiya amo, Kotimo reane ararehokosasamo, repo himu hakásaraka hemakapukua risikianie.

Some Faremaresa Tarisia 1:7

Hao, kaisie. Yasu akoyaki perakano aporo suamo eane aseakosapo. E ketayia karesa aporoamo soko eane aseakosapo. Yasu perakano, aporo hinamo hauaka sua risiamo aseraka kara hemakapuraka hihiripuhokosapo. Keseke ayiakakosapo. Kakaroripo.

Some Faremaresa Tarisia 19:7

Asiamo isiapo seseraka e yano motosane makárarakanapo. Arirakano Saro Sipi Manomo hinamo arumakosa maiyane maiya yuyapo. Hinamoane aporo puko makeraka kakenapo.

Some Faremaresa Tarisia 22:20

Arirakano Yasumo someraka, “Sawi wo popasane kakaro someane popasapo. Ano paripeakosa maiyane makepo. Nōmo kakaro somerakaripo,” airakano nōmo someraka, “Kakarorakae. Unihae Yasu né peae,” aisapo.