Matiu 12:2 - Kotimo Kawe Someaka Masane Oyapo

² Nenakano Ferese aporomo aseraka, Yasuaki someraka, “Nómo aporo hakāsa puramo makata arakirane asesie. Ipu makata rakiraka, fenena maiya yaposane mamosoane.”

Matiu 12:2 ပူးပေါင်းရင်းမြစ်များ

Matiu 12:10

aporo hokono narisa rekeno asesapo. Yasumo hasaka somerakarihoamo hukurukusakipoko, Ferese aporomo someraka, “Fenena maiya amo aporo hinamo makata tasane, aporo metamo mafarakanone, aporoamo Kotimo somemane mamosorakanare?”

Matiu 12:3

Airakano Yasumo someraka, “Wate fana Tefete soko epo ipi aporo hakāsa pura soko kára meamorakano, Tefeteane Kotimo apea yorokoa Kotipoko farawa taesane maka nesapo. Arirakano Kotipoko farawa taesane Tefetemo soko, ipi aporo hakāsa puramo soko nakohoamo yaposapo. Asiamo pirisiti aporomo namina hákasamo nenane yaposafapo. Asiane Tefete ipi pirisiti aporohoanafonosa yiamo farawa yaposane nesapo. Aíyaka Kotimo sawia popahoareapo. Popasane repo menoraka kepo hemakapurakarire? Wae, repo hemakapurakarifapo.

Maka 2:24

Nenakano Ferese aporomo aseraka Yasuaki someraka, “Nómo ní aporo hakāsa puramo makata aturane asesie. Ipu makata arakirane fenena maiyamo yaposapo. Yaposane mamosoanane mairakanonare?”

Ruki 14:3

Ayiáka warekeno Kotimo somemane tisa aporoaki soko, Ferese aporoaki soko, Yasumo someraka, “Fenena maiya amo aporo makata takamasane mafarakanone, ane Kotimo somemaneane metakarirakanare?”

Ruki 23:56

namina apea poparipukua wera wape yamona soko, pauta asia soko, Yasu kaua paiyiakosakipoko sarimasapo. Sarimaraka pukusakipoko asiane ereraka maiya fasapo. Asiamo fenena maiya paurakano makata rakiako asiane metakarikia fenesapo. Kotimo somemane motoraka fenena maiya amo fenanie, aisasamo i fenesapo.

Ruki 6:2

Nenakano, Ferese aporomo asekea someraka, “Fenena maíya yaposane marirakano repo mamosorakanare?”