Matiu 11:26 - Kotimo Kawe Someaka Masane Oyapo

²⁶ Atao, nómo ní hemakapusua aporoaki tarirakanapo.” Aíyaka Yasumo kurikurisapo.

Matiu 11:26 ပူးပေါင်းရင်းမြစ်များ

Ruki 10:21

Maiya amo Ho Kotesamo Yasuane masesesapo. Maseserakano epo someraka, “Atao, hepene yapura soko, hauaka wo soko, nómo unihaeaka asekea rekenapo. Asiamo aporomo makata su enomasaki nómo makata faremaresane mafekemaraka tarirafapo. Asiane nómo ní hokosa asia aki hákasa nōmo ní makata namo faremaresane mafekemaraka tarirapo. Asiamo neaki suserakanapo. Atao, nómo ní hemakapusua aporo aki tarirapo.” Aíyaka Yasumo kurikurisapo.

Ruki 22:42

“Atao, nómo anoaki makata umisa maresapo. Makata umisa metakariakosane siasekenone, nómo metakarisie. Asiamo nōmo hemakapusuane ayiakakopo. Nómo hemakapusuane ayiakanie.”

Ruki 23:34

Maporakano Yasumo someraka, “Atao, pipu ipu makata arakira one ipu koteaka hemakapurakarifapo. Ipu himeteraka arakire. I himu watikiaka arakirane nómo mafahoanie.” Aíyaka Yasumo somesapo. Arirakano Yasumo pasuane mokoakosakipoko ipu kase asia enasapo.

Yone 11:41

Airakano ekemo mapirisiane kotomafearakano asekea Yasumo yapura asekea someraka, “Atao, nōmo néaki wásane nómo kakimarakano néaki suserakanapo.

Yone 12:27

Yasumo someraka, “Ano kukusane hemakapukua himu nenakaripo. Ataki maíyaka somehoanarakapo. Atao, maiya yumo ano kurapaka ararehoanie, aíyaka somehokosafapo. Kukusakipoko ano hauaka wo pesapo.

Yone 12:28

Atao, aporomo né kekerehoasimo ní yano motosa máfahoanie.” Airakano hepene aeyaka Kotimo someraka, “Aporomo ano kekerehoasimo nōmo yano motosa fana máfasapo. Efera hunia soko nōmo yano motosa máfahokosapo.”

Rome 9:18

Asiamo Kotimo ipi rakiako hemakapusua aeyaka rakirapo. Kotimo ipi hemakapusua aeyaka aporo metane kamenakaraka makotenapo. Arirakano Kotimo ipi hemakapusua aeyaka aporo metane himu makunututu mareako hemakapuraka, himuane makunututuraka marerapo.

Efesase 1:11

Isiapo Keresoaki kataka marekea risikino Kotimo isuane aseraka someraka, “Reane nōmo nī menapo,” airapo. Aíyaka wate fana Kotimo hemakapukua maresane, yumo ayiana oyareapo.

Efesase 1:9

Kotimo ipi hemakapusua mahamesane yumo hufitaeraka makakamaraka somerakanapo. Wate fana isupoko Keresomo ayiakakosapo aíyaka Kotimo hemakapukua maresane, yumo aporo hinamomo kaiyisimo hufitaeraka makakamaraka somerakanapo.

Efesase 3:11

Wate fana makata su kepomareasiraka, Yu aporo soko Yu aporohoanafonosane soko Kotiaki paoraka aporo ira hakásahoasimo, isiapo Unihae Yasu Kereso kusua aeyaka makata ane Kotimo ipi asíapo.

2 Timoti 1:9

Kotimo makata rakirane rakisimo epo isu mafasisiapo. Mafasisiasamo makata watikisane kikisiraka epo ipi aporo ira risikiasimo isu murikimasapo. Asiamo isiapo isina makata rakisia akipoko epo isu murikimaka pasimosafapo. Epo ipi hemakapukua isu yaku arareraka murikimaka pasimosapo. Asiamo aporo hinamoaki yaku ararenane kakakosakipoko, Kotimo Yasu Keresoane kasapo. Wate fana hauaka wo makata su kepomarekea rakiasiraka rea maiya amo, Kotimo Yasu Keresoane murikimaka kasapo.