Maka 6:52 - Kotimo Kawe Someaka Masane Oyapo

⁵² Fana farawa kakoreasu Yasumo mosoraka karakano, aporo hinamo hokosa yakaimo katu siaraka nesane mahimetesapo. Ipu himo asesa nine himumo kepoane hemakapusuafapo. Kakaro mahimetesapo.

Maka 6:52 ပူးပေါင်းရင်းမြစ်များ

Maka 16:14

Keseke aporo hakāsa pura kinusu teporoa tokeno, asekea ipu e asekeasimo Yasu i toa pesapo. Asiamo aporo hinamo metakiramo Yasu maturikia taesane asesapo aisane, ipu kakimakanafonosasamo Yasumo iaki someraka, “Re masiare? Repo kakimako hisinane manakanonare?” aisapo.

Maka 3:5

Me kaurakano asekea, Yasumo saperaka iane asekehaesapo. Aseane ipu himumo kakimako hisirakano asekea Yasumo iaki himu mahisisapo. Asiāne epo aporo hokono narisaki someraka, “Né hokono máfaraka raerasie.” Airakano hokono raehoane narisane fasapo.

Maka 7:18

Airakano Yasumo someraka, “Repo soko kepoane yaiya hemakapurakarifare? Makata yao aeyaka pekea aporo hinamo tua apuramo ipi himu yia mawatikinafapo.

Ruki 24:25

Aíyaka aporo tetámo somerakano, Yasumo tetāki someraka, “Tetápo koteaka hemakapurafaraka mokome somerakae. Porofete aporomo somesane tetápo koteaka hemakapukua kakimaka somerakarifapo.

Yone 12:40

“Asekepayasa aporo hinamoamo himo aseakohoamo hiane Kotimo makatosapo. Himumo hemakapukohoamo himu mahimetenapo. Fana Kotimo some kakipayaraka ipu keseke someraka, ‘Kotimo isiapo makata watikisane mafahoasimosapo.’ Aíyaka hemakapukua risikiako parinapaka i himuane Kotimo mahimetesapo. I hiane makatosapo.” (Aisaia 6:10)

Rome 11:7

Asiamo Isiraya aporo ane nōmo úyaka somerakanapo. Kotimo someraka, “Isiraya aporo ereketaeraka risikinapo,” aihoasimo ipu rakiraka risia nine Kotimo aisafapo. Asiane Eparahamemo Kotiaki himu hakásaraka hemaka apura ayiáka, aporo hukusimo ayiáka hemakapurakano, aporo hukusi ereketaeraka risikiasimo Kotimo maroposapo. Asiane Isiraya aporo hukusi metakira maropohoanafonosa aporoane ereketaeraka risikiako, Kotimo makotesapo, aíyaka hemakapunafonorakano, Kotimo ipu himu hemakapusuane makunututu marereapo.