Maka 5:15 - Kotimo Kawe Someaka Masane Oyapo

¹⁵ Pekea Yasu rea aseane, aporo ho yatafu mukisamo fana masane, koteaka reke pasu osoraka koteaka hemakapukua rekeno asesapo. Aseraka namosapo.

Maka 5:15 ပူးပေါင်းရင်းမြစ်များ

Matiu 12:29

Arirakano aporo metamo aporo waremo makata kemoane hakimokoariraka, fana aporo wareane sakomo taporaka motokoa marekea, epo apea yorokoa makata hakimorapo. Aporo wareane tapohoasiraka, e yaiya wareraka rekeno asekea, epo apea hakimokoako yororafapo.

Matiu 26:53

Aporomo ano mokoatikina maiya amo nōmo Ataki wárakano Atamo hepene aporo hokono u yakai menohoasifa asia amo ano ararehoko pusiehokosapo, aíyaka Atamo hepene aporo ane pusiehokosane repo himeterire?

Matiu 4:24

Yasumo aporo makata tasane mafasapakano Siria aporomo kairaka Yasu rea aporomano makata tasa su karikia pesapo. Aporomano makata tasa kekepo tape pusuane karikia pesapo. Karikia pesane metakira kau teraka, metakira yatafumo ho mokoa, metakira masuaraka, metakira kau soko, hokono soko, nariraka korosakataesa aporo su ayiáka makata tape pusuane Yasumo mafasapo.

Matiu 9:33

Karikia perakano Yasumo yatafuaki someraka, “Ne metakarikia pusie.” Airakano yatafuane pusuapo. Purakano aporo me fasamo koteaka somesapo. Somerakano aporo sarimasamo kaikia fofaraka someraka, “Epo rakirane hakureapo. Isiraya hauaka wo isiapo aporo metamo ayiáka rakirakano fana isiapo asesafapo.”

Maka 5:14

Kukua kerakano asekea, saro asekea risia aporoane teketarikia apea hikia, apea risia aporoaki soko, ima risia aporoaki soko someraka, makata su asesane somesapo. Somerakano aporo suamo makata ásiane aseako pesapo.

Maka 5:16

Asesa aporoamo aporo yatafumo ho masa mafasane soko, saro kukua kesane soko, makata su asesane somesapo.

Maka 5:18

Airakano Yasu kasu ripaka pukusakipoko rekeno, aporo ho masa mafasamo someraka, “Ano neyaki hakāsa perakapo.”

Maka 5:4

Fana maiya káramo aporo ho masane wayamo epo hokono soko korake soko taposapo. Taposane ipi warēraka wakapuraka wayane marutusapo. Maruturakano aporomo e mako ayiane soko, ipi wakapu siasafapo.

Maka 5:9

Airakano Yasumo someraka, “Né yano motosa epare?” Airakano yatafumo someraka, “Isu mukisakipoko ano yano motosa Mukisapo.

Ruki 10:39

Pukua apea yorokoa, Matamo ipi apu Maria pekea, Yasumo someane kaiyakosakipoko Yasu kayakipoko e korake kekeno maresayia kayapo.

Ruki 8:27

Á pauraka, kasu yia kita hukumarekea, metakarikia hisiapo. Arirakano ape make tameyia aporo meta yatafumo ipi ho masane reapo. Arirakano Yasu hinaka reke aseane, apea yatafumo aporo ho masamo Yasu sapenako perakano asesapo. Aseane, aporoane maiya káramo pasu osohoanafonoraka reke, apea wakanafonoraka aporo kusua taena kunikia á waká reapo. Maiya káramo aporoane yatafumo ho maka, efera hunia soko ho maka, asiane aporoane aporo metakiramo asekea risike, senemo hokonoa taporaka, korakea soko taporaka, asiane ipi kara wakapuraka seneane mokorutusapo. Mokoruturaka nena yaoa yatafumo e karikia pusuapo. Pusua yao aeyaka e perakano asekea, Yasumo yatafuaki someraka, “Aporo one nómo metakarikia, né pusie.” Airakano aporoamo Yasu asesa maiya yiamo aporoane himura yatafu rekerakano epo sakepamo wáraka, “Yasuo, né namo kakaro Unihae Kotimo hokosapo. Nómo ano mayiakakosare? Nómo anoaki kau terane kakakopo.”

Korosi 1:13

Fana katosa amo unihae Satanemo isu asekea reapo. Asiāne yumo Kotimo isu arareraka mafasikia, ipi hokosamo isu asekea rekeasimo pasimosapo. Arirakano Kotimo ipi hokosane himu tumurumo hemakapurapo.

2 Timoti 1:7

Asiamo Ho Kotesa Kotimo isuaki kasane, himu karekekea namona hoane kasafapo. Ho Kotesane karáka isuaki wakapuane soko kaka, metaki himu tumurumo hemakapurane soko kaka, kaumo hemakapusuane rakirapaka koteaka hemakapurane soko kaka, ayiáka kasapo.