Maka 3:9 - Kotimo Kawe Someaka Masane Oyapo

^9-10 Aporo hinamo pesane ī yakai makata tasane Yasumo mafasapo. Mafarakano asekea aporo hinamo makata tasa suamo Yasuane kaua sakaihoko pesapo. Pekea ipi kaua ipu suamo sakairakano asekea Yasumo ipi aporo hakāsa puraki someraka, “Aporo hinamo kára peraka taperipo. Asiamo ano kasua kakakosapo. Kasu he fea sakomo kita humareanie,” aisapo.

Maka 3:9 ပူးပေါင်းရင်းမြစ်များ

Matiu 15:39

Nekea faraka aporomano yakai sarimasane Yasumo pusiesapo. I purakano Yasu kasua ripaka kasu rokoa Mákatane hauaka á pusuapo.

Maka 4:1

Yasu he fea pukua efera hunia iaki some kasapo. Some karaka reke aseane aporo hinamo yakai sarimarakano asekea, ipi takahikia pukua kasu hea tapuku reakipoko e kasua reke, aporo hinamo he fua risiaki some kasapo.

Maka 4:36

Airakano aporo su sarimasane metakarikia, Yasu kasua kakeno i soko, kasu yia ripaka pusuapo. Kasu meta soko aporo metakiramo rokoa hakāsa purakano asekea

Maka 5:2

hikia aseane, yatafumo aporo ho masa sapenako pesapo.

Maka 5:30

Arirakano Yasu ipi meraruamo puraka reke kaiyiáne, ipi wakapu purakarakano kaisiapo. Kaikia ipi pariaseraka, aporo hinamo suaki someraka, “Epamo nōmo pasua sakairakayiare?”

Maka 6:32

Airakano i hákasa pukua nena yao taku ra pukusakipoko kasua ripaka rokoa pusuapo.

Ruki 5:1

He kekea kaya, he Kenesarete fua Yasu rea maiya amo, aporo hinamo suamo Kotimo someane kaiyako pesapo. Kaiyako peraka aporo hinamo su sarimaraka, hauaka á taperakano, metakira kekefokekeforaka, metakiramo hokonomo koaka taeraka pekea, kaikia risikino asesapo.

Ruki 5:3

Arirakano Yasuane Saemonemo kasua ripaka reapo. Ripaka reke Saemoneaki Yasumo someraka, “He fe wakasema makeraka rokoa pusie,” aisapo. Aíyaka puraka Yasu kasu tua kake, aporo hinamo he fua risiaki some kasapo.

Yone 6:15

Airakano Yasumo hemakapuraka, “Aporo suamo anoane maka Rome kamani aporoane marokeraka unihaeaka asekea rekeasimo mareakosakipoko hemaka apure.” Aíyaka Yasumo hemakapukua ipu ayiakakohoamo ipi haku ūria hisiapo.