Maka 2:25 - Kotimo Kawe Someaka Masane Oyapo

^25-26 Airakano asekea, Yasumo ipu hasaka hemakapusuane tariakosakipoko, Tefeteane Kotimo sawia popasane iaki someraka, “Wate fana pirisiti aporo kára ipi yano motosa Apiata, e rea maiya amo, Tefete soko ipi aporo hakāsa pura soko meamosapo. Meamosa maiya amo, Tefete ipi Kotimo apea yorokoa aseane, Kotipoko farawa taesane Apiatamo karakano Tefetemo nenaka, ipi aporo hakāsa puraki soko, farawa taesane kasapo. Kasáne Kotipoko farawa taesane aporo hinamo ipu nakohoamo yapo motosapo. Pirisiti aporomo namina hákasa makata nenáne yaposafapo. Asiāne Tefete ipi pirisiti aporohoanafonosa yiamo farawa yaposane nesapo. Aíyaka Kotimo sawia popahoareapo. Popasane repo menoraka kepoane hemakapurakarire? Wae, repo hemakapurakarifapo.

Maka 2:25 ပူးပေါင်းရင်းမြစ်များ

Matiu 19:4

Airakano Yasumo someraka, “Wate fana kepomaresa maiya amo Kotimo aporo soko hinamo soko tetákara rakisiapo. Rakiraka Kotimo someraka, ‘Aporomo ipi kaīyia ipi wafaya metakarikia hinamo arumaraka, ipi hinamoyaki hakāsa paoraka tati kau hakásaraka risikinapo.’ Aíyaka Kotimo somerakano Kotimo sawia popasane repo asesare? Ao, repo asesapo. (Stat 1:27; 2:24)

Matiu 21:16

Saperaka Yasuaki ipu kairaka, “Hokosa fetemo wárakane nómo kairakarire?” Airakano Yasumo someraka, “Ao, nōmo kairakaripo. Hokosa fetemo wárakane Kotimo sawia popasane repo menosafare? Kotimo sawia popasane oyapo. ‘Hokosa fete suamo anoaki seseraka kekerehoasimo, sesenane iaki Kotimo kakakosapo.’ Aíyaka popasapo.” (Buk Song 8:2)

Matiu 21:42

Airakano iaki Yasumo someraka, “Some one Kotimo sawia popasane repo menosafare? Kotimo sawia popasane oyapo. ‘Ape kira aporomo ira warupi mamakatesane aporo metamo maka pekea tipia mapohoareapo. Mapohoareane Kotimo ipi ayiáka rakireapo. Ayiáka rakisikeno isiapo aseraka, “Ane kotehoareapo,” airapo.’ Aíyaka Kotimo sawia popahoareapo. (Buk Song 118:22-23)

Matiu 22:31

Arirakano aporo kusua maturikia taena amo kepoane nōmo reaki somerakanapo.

Matiu 4:2

Pukua sere foti (40) su reámo, sere soko ereamo soko Yasumo makata nesafapo. Nena himu raru reke sere foti ane (40) fahoane e namo kakaro kára meamosapo.

Maka 12:20

Aporo yatipinusu risiane namina mamanea hakāsapo. Mamanea fanamo hinamo arumasane hokosa hokono mareanafonoraka kurakano,

Maka 12:26

Arirakano aporo kusua maturikia taena amo kepoane Mosesemo popasane oyapo. Ira fete kokosususakipoko arakaru aeyaka ira rufiraka rea maiya amo, Kotimo Moseseaki someraka, ‘Eparahamemo Kotiane anopo. Aisakemo Kotiane soko anopo. Yakopemo Kotiane soko anopo.’ Aíyaka somerakano Mosesemo popasane repo menoraka kepoane repo himeteane. (Kisim Bek 3:6)

Maka 2:24

Nenakano Ferese aporomo aseraka Yasuaki someraka, “Nómo ní aporo hakāsa puramo makata aturane asesie. Ipu makata arakirane fenena maiyamo yaposapo. Yaposane mamosoanane mairakanonare?”

Ruki 10:26

Airakano Yasumo someraka, “Kotimo somemane popasane yakapa popasare? Nómo yakapa menosare?”