Maka 12:11 - Kotimo Kawe Someaka Masane Oyapo

¹¹ Mapohoareane Kotimo ipi ayiáka rakireapo. Ayiáka rakisikino isiapo aseraka someraka, “Ane kotehoareapo,” airapo.’ Aíyaka popahoareapo.” (Buk Song 118:22-23)

Maka 12:11 ပူးပေါင်းရင်းမြစ်များ

Matiu 21:42

Airakano iaki Yasumo someraka, “Some one Kotimo sawia popasane repo menosafare? Kotimo sawia popasane oyapo. ‘Ape kira aporomo ira warupi mamakatesane aporo metamo maka pekea tipia mapohoareapo. Mapohoareane Kotimo ipi ayiáka rakireapo. Ayiáka rakisikeno isiapo aseraka, “Ane kotehoareapo,” airapo.’ Aíyaka Kotimo sawia popahoareapo. (Buk Song 118:22-23)

Tarira Aporo 2:12

Airakano aporo suamo himu faraka mahimeteraka ipu namina yiamo someraka, “Makata hakuane mairakarirakapo.”

Korosi 1:27

Makata kakaro kotesane mahamesapo. Aporo su Yu aporo soko, Yu aporohoanafonosa soko, i supoko ipi mahamesane hufitaeraka somerane oyapo. Kereso reyaki rekenapo. Reasasamo ipi faesa kotesane repo mokoakosapo.

1 Timoti 3:16

Kotimo kakaro some kepoane namo kakaro kárapo. Some kepoane aporomo marakoraka hurutapiakosafapo. Kotimo someane isiapo kakimasa kepoane oyapo. Yasu Keresomo aporomano kau maka perakano isiapo aporo hinamomo asesapo. Arirakano ipiane ereketae susu reane Ho Kotesamo isuaki tarisiapo. Arirakano hepene aporomo soko eane asesapo. Arirakano hauaka su aeyaka aporo suamo eane hemakapusimo aporo metakiramo some kasapo. Some karakano kaisia aporo hinamomo eaki himu hakásaraka hemakapusuapo. E hepene yapunaka pasimarakano faeraka reke e yano motosa káraraka rekenapo.