Fairimone 1:4 - Kotimo Kawe Someaka Masane Oyapo

^4-5 Fairimoneo, nómo Unihae Yasuaki himu hakásaraka hemakapukua rekenapakae. Kotimo aporoane nómo himu tumurumo hemakapurakanapakae. Akipoko népoko farimaka kurikuriana maiya amo nōmo Kotiaki suseaka kurikurirakanapo.

Fairimone 1:4 ပူးပေါင်းရင်းမြစ်များ

Rome 1:8

Nōmo some fanane oyapo. Hauaka sua aporo hinamo suamo someraka, “Rome aporo hinamomo Yasuaki kakaro himu hakásaraka hemakapukua risikinapo.” Airakano kaikia, nōmo Kotiaki suserakanapo. Isupoko farimaka titipia rea aporo Yasu Keresoaki soko, nōmo suserakanapo.

Efesase 1:16

Risikinapakano kaikia, nōmo repoko farimaka maiya suamo Kotiaki suseaka kurikurirakanapo. Asiamo nōmo úyaka kurikurirakanapo.

Firipai 1:3

Re Firipai aporo hinamoane nōmo hemaka apura maiya amo nōmo Kotiaki suserapo.

Korosi 1:3

Kurikuriana maiya suamo re farimaka Kotiaki wáraka repoko Kotiaki suserakanapo. Kotiane Unihae Yasu Keresomo Atapo.

1 Tesaronaeka 1:2

Kurikurina maiya amo isiapo reane hemakapukua farimaka kurikurinapo. Maiya suamo isiapo reane hemakapuraka Kotiaki susenapo.

2 Tesaronaeka 1:3

Maeo, maiya suamo reane isiapo hemakapuraka Kotiaki kara suserakanapo. Suseraka, repo Kotiaki himu hakásaraka hemaka apurane soko, repo namina yia himu tumurumo hemakapurane kárasasamo isiapo Kotiaki suseraka risikinapo.

2 Timoti 1:3

Nōmo makasa kaua kekemamo Kotipoko rakisia ayiáka, nōmo soko epoko rakirakanapo. Nōmo himura makata watikisa mahamekea rerafaraka epoko nōmo rakirakanapo. Rakiraka reke eaki nōmo suserakanapo. Ereamo soko, maíyamo soko, kurikuriraka reke, néane hemakapukua, Kotiaki suseaka kurikurirakanapo.