3 Yone 1:2 - Kotimo Kawe Someaka Masane Oyapo

² Hameo, né seseraka reke, nómo Kotiaki himu hakásaraka hemakapukua reke, ayiáka rekeno, ne kau soko makata takamakanafonoraka koteaka siaraka rekeasimo nōmo repoko kurikurirakanapo.

3 Yone 1:2 ပူးပေါင်းရင်းမြစ်များ

Matiu 9:12

Aíyaka ipu somerakano Yasumo kairaka iaki someraka, “Aporo koteaka reane mitikoromo mafahoko purafapo. Aporo makata takamasane mitikoromo mafahoko purapo.

Firipai 2:27

Arirakano e makata takamasane namo kakaro kusuahopo. Kotimo ano makata umisa meta kakako hisiraka, e makata takamasane mafasapo. Mafaraka Epafarotaétaseaki soko, anoaki soko Kotimo namo kakaro kára kamenakaraka araresapo.

Firipai 2:4

Repo namina menane hákasa hemakapukua rakiakopo. Aporo metakirapoko soko hemakapukua rakinie.

2 Tesaronaeka 1:3

Maeo, maiya suamo reane isiapo hemakapuraka Kotiaki kara suserakanapo. Suseraka, repo Kotiaki himu hakásaraka hemaka apurane soko, repo namina yia himu tumurumo hemakapurane kárasasamo isiapo Kotiaki suseraka risikinapo.

2 Tesaronaeka 2:13

Maeo, Unihae Kotimo reane himu tumurumo hemakapurakanapo. Isiapo reane hemakapuraka maiya suamo Kotiaki suserakanapo. Arirakano wate fana isiapo kepo marekea rakisia maiya amo, re Keresoa paohoasimo Kotimo murikimasapo. Murikimayane repo Kotimo kakaro someane kakimaka, arirakano Ho Kotesamo re Kotipoko hakasa rakiraka risikiasimo makoterakano, ayiáka Kotimo re mafasikia pasimosapo.

Yamese 5:12

Maeo, repo kakaro someraka soko, kotafe someraka soko, aumaraka somerane somehokopo. Hepene yano hokoa soko, hauaka one yano hokoa soko, makata meta yano hokoa ayiáka aumarane aumahokopo. Kotimo re fanasina motoakohoamo repo aohoko hemakapuraka aohoanie. Waehoko hemakapuraka waehoanie. Repo somera amo kakaro ereketaeraka somehoanie.

1 Pita 4:8

Asiamo makata aina fanane oyapo. Repo aporo hinamo suane himu tumurumo hemakapunie. Asiamo aporo metamo watikiaka rakirakano, repo eaki himu tumurumo hemakapukua risiasamo, aporoamo makata watikisane repo hemakapurafaraka mameraruhokosapo.

2 Pita 3:18

Repo someraka, “Isu Mafasira Aporoane isiapo Unihae Yasu Kereso ipipo. Repo eane kára hemakapusimo ano seseripo. Epo yaku ararenane repo kára hemakapusimo ano seseripo.” Aíyaka repo Yasu Keresoaki hemakapusuane káraraka risikianie. Yasuane ipi wakapu kárayaki rekenapo. Asiasamo yumo soko, keseke soko, maiya suamo eane kekerehoasimoripo. Kakaroripo.

3 Yone 1:1

Kaíase, pipu ano sisimaraka reke, nōmo Keresoa paosa aporo asekea reamo sawi one néaki poparaka makerakanapo. Né nōmo mae asiapo. Nōmo néane kakaro himu tumurumo hemakapurakanapo.

Some Faremaresa Tarisia 2:9

Reane makata umisa fasereperakano nōmo aserakanapo. Re yumo makata forokoa risikinapo. Asiāne hepene yapura repo makata ropo kára tokenapo. Aporo metakiramo kotafe someraka, ‘Isu Yu aporo pariraka risikinapo. Isu Kotimo aporo ira pariraka risikinapo,’ aíyaka somerakano yia, ipu reane mainamarerakanapo. Mainamarera aporoane Sataneaki paoraka reyaki yunuraka risikino nōmo aserakanapo.