2 Korini 8:10 - Kotimo Kawe Someaka Masane Oyapo

¹⁰ Arirakano nōmo hemakapusuane oyapo. Fana Keremisi hakása fasamo repo kepomarekea mone sarimaraka risiane, yumo kaka fahoanie. Aporomo fana mone kakakosane someraka, “Isiapo aporo hinamo metakira ararehokosakipoko mone kakakosapo.” Aíyaka repo fana hemakapukua kasapo.

2 Korini 8:10 ပူးပေါင်းရင်းမြစ်များ

Matiu 10:42

Arirakano anoa paosa aporo wakasemaki aporo metamo someraka, ‘Ne Yasu patera asesasamo nōmo ne he nasimo karakanapo.’ Aisa aporoaki Kotimo makata ropo kakakosapo. Nōmo some one kakaro somerakaripo.” Aíyaka Yasumo somesapo.

Yone 11:50

Aporo hinamo su kukua keane siahoasifareapo. Aporo hinamo supoko aporo hakása kuane siahoasireapo.”

Yone 16:7

Asiamo nōmo kakaro somerakaripo. Re makotehokosakipoko ano hinakanapo. Ano hianafonorakanone, Ho Kotesamo re ararehoko peakosafapo. Ano hinaka Ho Kotesaki pusierakano Ho Kotesamo re ararehoko peakosapo.

Yone 18:14

Arirakano fana Kaiafasemo Yu aporoaki someraka, “Aporo hinamo supoko aporo hakása kuane siahoasireapo.” Aíyaka Kaiafasemo somesapo.

1 Korini 10:23

Arirakano repo metakiramo someraka, “Isiapo isina hemakapusuane kekemahoane siahoasireapo. Makata metamo isu matasosa kakenafapo.” Airakano nōmo soko hemakapuraka, “Someane kakaroripo. Asiane makata suamo isu ararehokosane kakerifapo,” aihokosapo.

1 Korini 16:2

Yatipinumo maiya suamo repo namina suamo hakasa hakasaraka mone taehoanie. Soko suamo makata rakisiakipoko mone wakasema maraka, mone wakasema taehoanie. Mone kára moraka, mone kára taehoanie. Taerakano mone su taesane sarimaraka keanie. Ano apera maiya amo, mone sarimaraka keane siahoasifareapo. Ano peasiraka yumo keanie.

1 Korini 6:12

Aporo metakiramo someraka, “Nōmo nī hemakapusuane kekemaraka rakiane siahoasireapo,” airakanapo. Airakano yia nōmo someraka, “Makata sumo ano makotenafapo. Makata su nōmo rakirakano makata amo ano makotehoasifareapo. Arirakano makata ane hakása metamo soko, ano asekea rekeane siahoasifareapo,” aíyaka nōmo hemakapurakaripo.

1 Korini 7:25

Hinamo aporo punafonosane repo anoaki kaisiane someaka poparakanapo. Makatane Unihae Yasumo someaka maresafapo. Someaka mareanafonosa nine, anoaki tarisiane nōmo reaki some karakanapo. Kotimo ano araresane nōmo kakaro ereketae somerakano, repo kaiyiane siahoasireapo.

1 Korini 7:40

Arirakano nōmo hemakapuraka ipi hinamo yaro yia kake ipi kakaro seseraka kakakosapo. Aíyaka nōmo hemakapurakanapo. Ho Kotesa ano himua reasamo anoaki tarirakano nōmo reaki some karakanapo.

2 Korini 12:1

Kotimo ano murikimasane repo hemakapusimo ano nīane kekereraka somehokosapo. Kekereraka someanamo ano nī makárahokosafapo. Nōmo kekereraka someanane nenakamaka somerakanapo. Asiamo nōmo kituamo Unihae Kotimo anoaki makata tarirakano, nōmo asesane reaki somerakanapo.

2 Korini 8:6

Asiamo repo taonea nōmo Taetaseane efera hunia pusierakanapo. Asiamo fana Taetase reyaki rea maiya amo, Yutía hauaka Keresoa paosa aporo hinamoane ararehokosakipoko, fana moneane epo kepomarekea sarimasapo. Sarimasakipoko repo mone yaku kakakosane kaka fahoasimo repo taonea epo sarimahoasimo nōmo pusierakanapo.

2 Korini 8:8

Repo kakanie, aíyaka nōmo somerakanafapo. Asiāne aporo metakiramo seseraka mone kasapo, airakanapo. Aíyaka repo aporo metakiraki himu tumurumo hemakapurane nōmo asekeasimo, repo soko seseraka mone kakasimoripo.

2 Korini 9:2

Repo kakaro seseraka kakasireapo, aíyaka nōmo hemakapurakaripo. Asiamo ano Masetónia hauaka á apuramo, Masetónia aporoaki nōmo someraka, “Korini aporomo mone kakakosapo. Akaia hauaka Keresoa paosa aporo risiamo keremisi hakása fasamo ipu kakakosapo, aisapo.” Aíyaka nōmo repo yano motosane kekereraka somehokosapo. Somehoane repo kakakosakipoko sesésane ipu kairaka, aporo yakai metakiramo soko someraka, “Isiapo mone kakakosapo,” airakasupo.

Firipai 4:17

Repo mone nōmo makosakipoko somerakanafapo. Aíyaka nōmo hemakapurakanafapo. Nōmo reaki, ano mone kasie, aisafapo. Repo ano mone kasasamo, Kotimo reane asekea reke re makotehokosapo, aíyaka nōmo hemakapurakanapo.

Hipuru 13:16

Arirakano koteaka rakiraka, nómenane parakuraka, aporo meta arareraka karáne meraruhokopo. Yaku karáne Kotimo aseraka ipi sesenapo.