2 Korini 12:7 - Kotimo Kawe Someaka Masane Oyapo

⁷ Arirakano Kotimo anoaki makata kára tarirakano nōmo asesapo. Nōmo asesasamo ano nī yia makáraraka rekeafunureapo. Asiāne ano nī makáraraka rekeakoahoamo ano kaua keta ásia Kotimo kasá amo karesapo. Keta ásiane Satanemo aporo raipamo ano akarera ayiáka ketamo ano karerakano tesapo.

2 Korini 12:7 ပူးပေါင်းရင်းမြစ်များ

Matiu 26:67

Aíyaka Yasu hikumisia torofaeraka, aporo metakiramo hokono mamuraka ruraka, aporo metakiramo hokono namamo ruraka someraka,

Matiu 4:10

Airakano Yasumo someraka, “Satane ne pusie. Kotimo sawia popasane oyapo. ‘Nómo Unihaeane Kotipo. Koti ipiaki hákasa kekerehoanie. Epoko hákasa rakinie.’ Aíyaka Kotimo sawia popahoareapo.” (Lo 6:13)

Ruki 13:16

Hinamoane Eparahamemo aporo irapo. Satanemo hinamo ane keremisi terayia sumo (18) asekea reareapo. Pipu fenena maiyamo mafahoane siahoasireapo.”

1 Korini 4:11

Fana soko, yumo soko, isu meamoraka risike, he nariraka risike, pasu paté osoraka risike, isu rurakano risike, isu ape fasekeno hauaka meta koraka risike,

1 Korini 5:5

Sataneaki kakanie. Karakano aporoamo watikiaka rakira kau watikisane Satanemo mokoatikihokosapo. Mokoatikisane Unihae Yasu pariapera maiya amo, aporoamo hoane Kotimo pasimakosapo.

2 Korini 10:10

Asiamo aporo metakiramo someraka, “Poremo sawi popanamo paroaka someaka popanapo. Asiane e peraka epo aporo hikumisi aseramo epo paroaka somerafapo.” Aíyaka kotafe somesapakae.

2 Korini 10:5

Aporomo Kotiane kakaro hemakapukuhoamo aporo metakiramo namina yia makáraraka kotafe tafaraka somerapo. Asiamo ipu kotafe someane isiapo marutaenapo. Kotiaki yununa aporoane ikia hasaka purapo. Asiamo iane pasimokoakosakipoko Kotimo wakapuamo isiapo werakanapo. Asiamo isiapo Kotimo kakaro someane some karakanapo. Some karakano ipu kaikia risikiako pariraka Yasu Keresomo hemakapusuane kekemahokosapo.

2 Korini 11:20

Karikia hakāsa risikino, ipu reane aporo raipa mapariraka isupoko rakinie, airapo. Aíyaka repo makata nakosa soko, moneane soko, ipu morakanapakae. Ipu mahoperaka risike, matewaraka risike, re mawakasemaraka hikumisia fawaka rurakano yia repo i seseraka pasimokoa karikia hakāsa risikinapakae.

2 Korini 12:1

Kotimo ano murikimasane repo hemakapusimo ano nīane kekereraka somehokosapo. Kekereraka someanamo ano nī makárahokosafapo. Nōmo kekereraka someanane nenakamaka somerakanapo. Asiamo nōmo kituamo Unihae Kotimo anoaki makata tarirakano, nōmo asesane reaki somerakanapo.

Karesia 4:13

Yasumo someane kepomarekea nōmo some kasa maiya amo, ano makata takamaka reapo.

1 Timoti 3:6

Arirakano né Yasuaki kawe rekeako pariraka he tapukumarerakano, nómo Keresoa paosa aporo hinamoane asekea rekeane siahoasifareapo. Né hea kawe tapukumaresasamo, Keresoa paosa aporo hinamoane asekea reke, né níane makáraraka hemakapurapaka, Keresoa paosa aporo hinamoane nómo asekea rekeakopo. Arirakano né níane makárarakano, Kotimo fana Sataneaki someraka, “Né metakarikia pusie.” Aisa ayiáka, né soko Kotimo metakarikia pusie aihokosapo.