2 Korini 10:6 - Kotimo Kawe Someaka Masane Oyapo

⁶ Asiamo isiapo some kasane repo metakiramo kaikia kekemarakano yia, metakiramo kaikia koaretaerakano aporoane isiapo maroporaka fanasihokosapo.

2 Korini 10:6 ပူးပေါင်းရင်းမြစ်များ

Rome 2:23

Repo someraka, “Kotimo somemaneane isu Yu aporoaki kasapo.” Aíyaka repo namina yia makáraraka rupiaka somesa nine, Kotimo somemaneane repo tapikia rakirapo. Repo ayiáka rakiraka Kotiane mawakasemanapakae.

1 Korini 4:21

Ano apera maiya amo re maropohoko ira firisi maka apera ayiáka, maka peakonahoaere? Reaki himu tumurumo hemakapukua himu auaraka apera ayiáka peakonahoaere? Repo hemakapusuane maiyakasireare? Ano auaraka peasimo hemakapuraka namina yia fana maropohoanie.

2 Korini 13:10

Arirakano Unihae Kotimo ipi makata rakirane rakisimo, ano murikimasapo. Murikimaka epo wakapuane anoaki kasapo. Asiamo Kotimo wakapuamo nōmo reane ararehoko hemakapurakaripo. Kotimo wakapuamo nōmo reane maroporaka fanasihoko hemakapurakarifapo. Asiamo pipu yumo ano yameno aeyaka reke, nōmo reaki sawi poparakanapo. Ano apera maiya amo, re nōmo kára fanasinapaka, fana reaki sawi poparaka makerakanapo. Asiāne repo makata watikisane maropohoanafonosekeno, nōmo wakapuyaki re maroporaka fanasihokosapo.

2 Korini 13:2

Fana ano yape tetá pesa maiya amo aporo watikiaka risiaki nōmo someraka, “Re watikiaka risikiakopo,” aíyaka nōmo somesapo. Yape tetá pesa maiya amo ayiakakopo, aisa ayiáka, yumo soko ano yamenoa reke, nōmo efera hunia somerakanapo. Nōmo someraka, “Ano apera maiya amo pekea aseane, aporo fana watikiaka risiane yaiya watikiaka risikino aseraka soko metao, aporo metakiramo kawe makata watikiaka rakiraka risikino aseraka soko metao, repo ayiáka rakiraka risikino re nōmo kamenakahokosafapo. Kamenakahoanafonoraka fanasihokosane soko metakariakosafapo. Kakaro fanasihokosapo.

2 Korini 2:9

Fana nōmo reaki sawi poparaka makesane, nōmo some suane repo kakimarakarihoamo aseako poparaka makesapo.

2 Korini 7:15

Arirakano yumo epo reaki kára seseraka hemakapurakanaporakae. Fana re fofaraka risike, e pasimaka epo some kasane kekemarakano, epo reaki kára seseraka hemakapurakanaporakae.

1 Timoti 1:20

Metakarisia ayiáka, aporo tetámo soko Kotiane metakarisiapo. Metakarisiane meta, yano motosa Himeneusepo. Metane yano motosa Arekesátapo. Tetapō himura tau watikisane yia kakerakano kaikia kakipayaraka, tetapō Kotiane mawakasemaraka mainamaresapo. Mainamaresane metakarisimo aporo tetāne nōmo Sataneaki kasapo.

3 Yone 1:10

Ano repo sese apea apera maiya amo, Tiótefesemo ipi makata rakisiane aporo suaki nōmo somehokosapo. Isuane epo watikiaka hokomaka somesapakae. Hokomaka someaka arirakano Keresoa paosa aporo kimisi pesane ipi apea makata nasimo karikia peaesafapakae. Arirakano Keresoa paosa aporo metakiramo aporo kimisi pesane pasimorapaka epo matasoraka rekenapakae. I kurikuri apea perakano epo pusierakanapakae. Ape hakása yia risia aporoane pusierakanapakae.