2 Korini 1:13 - Kotimo Kawe Someaka Masane Oyapo

^13-14 Sawi one repo menoraka hemakapusimo nōmo reaki hufitaeraka poparakanapo. Mahamekea poparakanafapo. Yumo nōmo hemakapusuane repo wakasema hemakapukua, keseke repo koteaka suane hemakapusimo nōmo hemakapurakaripo. Nōmo hemakapuraka Unihae Yasu pariapera maiya amo nōmo reaki sesehokosa ayiáka repo anoaki ayiáka sesehoasimo hemakapurakaripo.

2 Korini 1:13 ပူးပေါင်းရင်းမြစ်များ

Tarira Aporo 27:39

Yao fiana maiya amo, he fu takunane kasu maropona aporoamo aseraka e himetesapo. He kekehisiakipoko hauaka sakipu kotesa aseraka, á kasu hiakosakipoko, hemakapusuapo.

1 Korini 1:8

Unihae Yasu Kereso pariapera maiya amo, Kotimo re asekea someraka, “Re siaraka koteaka risikinapo,” aihokosapo. Arirakano hauaka one fa ana maiya amo, repo himu hakásaraka yaiya paroaka hemakapuraka risikiasimo, Kotimo re yaiya arareraka rekeakosapo.

2 Korini 13:6

Asiamo repo anoane someraka, “Poremo Yasuaki himu hakásaraka hemakapukua rekenapo. Asiamo e siaraka rekenapo.” Aíyaka repo somehoasimo nōmo hemakapurakaripo.

2 Korini 4:2

Kotimo isuaki makata rakiniesane, makata kaíyasa rakirane soko, makata mahamekea rakirane soko, isiapo metakarisiapo. Asiamo metakarisiane tau mahoperaka arakira ayiáka isiapo rakirakanafapo. Kotimo someane isiapo some karaka, sanasiraka kotafe hokoa some karakanafapo. Asiamo Koti hikumisia ipi someane isiapo kakaro hufitaeraka some karakanapo. Some karakano aporo suamo kaikia, someane kakaroripo, aíyaka hemakapusimo, isiapo kakaro some karakanapo.

2 Korini 5:11

Unihae Kotiane karasasamo isiapo eane namoraka hemakapukua rakirapo. Asiamo aporo metakirane Kotiaki risikiako parihoasimo isiapo paroaka wakapuaka some karakanapo. Arirakano isiapo aina kotesane Kotimo aserakanapo. Asiamo repo soko, isiapo aina kotesane asekeasimo hemakapurakaripo.

Fairimone 1:6

Nómo Yasuaki himu hakásaraka hemakapukua rerasamo, isu kikinaraka risirasamo, isina suamo himu hakásaraka hemakapusua aeyaka Kotimo takekea hemakapurane neaki kakasimo hemakapurakaripo. Makata kotesa Yasu Keresomo isuaki akarane nómo makasimo nōmo kurikurirakanapo.