1 Yone 4:6 - Kotimo Kawe Someaka Masane Oyapo

⁶ Arirakano isuane Kotimo hokosapo. Isiapo some karakano, some ane, Kotimo some kakimara aporomo kairapo. Asiane Kotimo some kakimakanafonona aporomo isiapo somerakano kairafapo. Kaiyanafonorakano asekea isiapo takekea hemakapuraka, “Aporoaki kotafe somera hoane rekenareapo.” Aíyaka hemakapurakanapo. Arirakano isiapo someane aporomo kairakano asekea, “Aporoaki Kakaro Somera Hoane rekenareapo.” Aíyaka isiapo takekea hemakapurakanapo.

1 Yone 4:6 ပူးပေါင်းရင်းမြစ်များ

Ruki 10:22

Arirakano Yasumo someraka, “Makata suamo kepoane nōmo Atamo anoaki tarisiapo. Nōmo hemakapusuane soko, nōmo ainane soko nōmo Atamo ipi hakásamo asekea hemakapurapo. Arirakano nōmo Atamo hemakapusuane soko, epo ainane soko, nōmo nī hákasamo asekea hemakapurapo. Arirakano aporo hinamo metaki nōmo nī tariako hemakapukua, tarirakano, epo Atamo ipi ainane soko, hemakapurane soko, asekea hemakapukusapo.” Aisapo.

Yone 10:16

Arirakano saro sipi metakira ruru wo keanafonosane soko nōmenapo. Iane soko nōmo karikia peakosapo. Saro sipi nena yaoa risiamo soko, nōmo someane kakimarakano, karikia peakosapo. Yaoa risiane soko, ruru kakarua risiane soko, rurua hakāsa kekea su sarimaraka risikiakosapo. Asiamo asekea rera aporoane ano hákasapo.

Yone 10:27

Arirakano nōmo someane nōmo saro sipimo kakimaka kekemarape perakano, nōmo iane hemakapuraka kakaro yaiya risirane karápo. Karakano i hasaka koakosafapo. Iane aporo metamo wasekemaka hakimakosafapo. Saro sipiane nōmo Atamo anoaki kasapo.

Yone 10:3

Saro sipi asekea rera aporoane ruru kakarua peasimo, ikia koro asekea rea aporomo ikia koroane ropakamarapo. Ropakamarakano saro sipi asekea rera aporomo saro sipi yano taesane yano hokoa wáhoane, saro sipi su perakano namina asekea rera aporomo karikia yaoa purapo.

Yone 13:20

Nōmo kakaro somerakaripo. Nōmo someane some kakako pusiesa aporoane peraka some karakano, aporo metamo kakimaka, nōmo someane soko kakimarakanapo. Arirakano ano pusiesa Kotiamo someane soko kakimarakanapo.” Aíyaka Yasumo somesapo.

Yone 14:17

Ho Kotesane nena aporo hinamomo, ‘Isuyaki hakāsa reae,’ airafapo. Epo ainane ipu aserafapo. Arirakano eane ipu hemakapurafapo. Arirakano repo Ho Kotesane hemakapurapo. Yumo Ho Kotesa reyaki rekenapo. Keseke re himua hakása hakásaraka Ho Kotesane rekeakosapo.

Yone 15:26

Arirakano Ho Kotesa re ararehoko peakosane Ata rea aeyaka peakosapo. Kakaro someane aporo hinamomo hemakapusimo some kaka, arirakano tarikia, ayiakako peakosapo. Ano Ata rea yapura hinaka Ho Kotesamo re ararehoasimo nōmo Ataki someraka, Ho Kotesa pusiehoanie, aihokosapo. Airakano Atamo pusiehokosapo. Pusierakano peakosapo. Peraka anoane kakaro tarikia some kakakosapo.

Yone 16:13

Arirakano Ho Kotesa aperamo kakaro some kepoane repo hemakapusimo epo kakaro some susuane reaki some kakakosapo. Epo hemakapusua aeyaka somehokosafapo. Nōmo someane soko Atamo someane soko epo kaisiane reaki somehokosapo. Keseke ayiakakosane soko somehokosapo.

Yone 18:37

Airakano Pairatemo someraka, “Unihaeane tiki nerakanareapo.” Airakano Yasumo someraka, “Ano unihaeane nómo someraka ayapo. Nómo somerakane anoane somerakae. Kakaro some kakako ano hauaka wo pesapo. Kakaro some takua risia aporo hinamoamo nōmo someane kakimarakanapo.”

Yone 20:21

Seserakano Yasumo efera hunia someraka, “Seseraka auaraka risikianie. Atamo ano pusiesa ayiáka, nōmo reane pusie airakanapo.”

Yone 8:19

Airakano ipu someraka, “Ní Ata mayare?” Airakano Yasumo someraka, “Ano soko nōmo Ata soko repo himeteane. Repo ano hemakapusua satiki, nōmo Atane soko repo hemakapufunureapo.”

Yone 8:23

Airakano Yasumo someraka, “Re hauaka wo risikinapo. Ano yapunaka pesapo. Re kakaro hauaka aporopo. Hauaka one kakaro nōmo hauakafapo.

Rome 1:1

Rome aporo hinamo reaki ano Poremo sawi one poparaka makerakanapo. Yasu Keresomo makata rakira aporo ane anopo. Yasumo ano tarira aporohoasimo murikimarakasupo. Kotimo some kotesane nōmo aporo hinamoaki some kakasimo Yasumo ano pusierakasupo.

Rome 11:8

Arirakano Kotimo sawia popasane oyapo. “Isiraya aporomo himumo hemakapurane Kotimo mahimeteraka maresasamo, aporoane wasá kusua arisia ayiáka risiapo. Yaiya risina ipu hī ane soko makumikia, arirakano ipu senaki ane soko tiraka yaiya risikinapo. Asiamo ipu takekea hemakapunafonoraka risikinapo. Fana soko pipu maiya yumo soko ayiáka risikinapo.” Aíyaka Kotimo sawia popahoareapo. (Aisaia 29:10; Lo 29:4)

1 Korini 14:37

Arirakano aporomo hemakapuraka, “Kotimo somerakano kaira aporoane anopo. Ho Kotesamo wakapuane anoaki yaku kasápo.” Aíyaka hemakapura aporoamo nōmo sawi popana one asekea someraka, “Poremo Kotimo someaka maresane popahoareapo,” aihokosapo.

2 Korini 10:7

Arirakano aporo metakiramo someraka, “Poreane tarira aporohoasimo Kotimo murikimasafapo.” Airakano repo kairaka some ane koteaka takekea hemakapurakanafapo. Repo kepo hemakapunafonoraka makata kima susu aserakanapo. Arirakano aporo metamo someraka, “Yasu Keresomo makata rakisimo murikimasane anopo. Refapo.” Airakanone e soko Keresoa paoraka makata arakira ayiáka, isu soko Keresoa paoraka makata rakirapo. Aíyaka hemakapunie. Meraruhokopo.

2 Tesaronaeka 1:8

Yasu ira rufiyaki pariapera maiya amo aporo hinamomo Kotiane hemakapunafonosaki soko, isiapo Unihae Yasuane hemakapusimo some kotesane some karakano, kakipayasa aporo hinamoaki soko, ropo watikisane fanasiraka kakakosapo.

1 Timoti 4:1

Kotafe tisa aporo peakosapo aíyaka ho Kotesamo hufitaeraka somesane oyapo. Hauaka one fahoko ana maiya amo, aporo metakiramo Yasu Keresoaki hemakapusuane metakarikia, kotafe hora aporoaki patera aseakosapo. Patera asekea, kotafe hora hoamo someane soko kakimaka, Satanemo aporo raipa yakasa hope yatafu tetapō some akarane kakimaka rakiraka risikiakosapo.

2 Pita 3:2

Wate fana Kotimo porofete aporo kotesamo someraka, “Makata ayiakakosane oyapo.” Aisane repo merarunapaka nōmo poparakanapo. Mafasira aporo Unihae Yasumo somemaneane tarira aporomo reaki some karakano, repo kaisiapo. Kaisiane repo merarunapaka nōmo poparakanapo.

1 Yone 4:1

Hameo, maiya omo hauaka wo kotafe some kará porofete aporo yakai some kaka koraka tokenapo. Asiamo aporoamo reaki someraka, “Kotimo Ho Kotesamo anoaki some karakano, nōmo kaikia reaki some karakanapo.” Airakano someane foaka kaikia hemakapukupo. Fana uyáka hemakapunie. “Aporoaki Ho Kotesamo some kasare? Aporoaki kotafe somera homo some kasare?” Aíyaka hemakapukua reke, aporoamo somerakano repo koteaka takekea hemakapunie.

1 Yone 4:4

Hameo, repo Atane Kotipo. Kotimo Ho Kotesane re himua rekenapo. Asiamo hauaka wo kotafe somera ho reane, Ho Kotesamo marokesapo. Marokesasamo kotafe some kará porofete aporoane repo marokesapo.

1 Yone 4:8

Aporo hinamo metaki himu tumurumo hemakapunafonorakano, Kotiane soko ipu hemakapurakanafapo. Himu tumurumo hemakapuramo kepoane Koti ipipo.

1 Yone 5:19

Kotimo hokosane isupo. Asiane hauaka kara wo aporo hinamo Kotimo hokosa risikianafonosane Satanemo unihaeaka asekea rekenapo.

Yuti 1:17

Hameo, keseke makata ayiakakosane wate fana Unihae Yasu Keresomo tarira aporomo kakama somesapo. Ipu somesane repo hemakapunie.