1 Yone 3:17 - Kotimo Kawe Someaka Masane Oyapo

¹⁷ Arirakano aporo metamo ipi hauaka wo makata kára taesane makata kemo soko metao, mone soko metao makata nakosa soko metao, makata ane kára taesa aporoamo aseane, ipi Keresoa paosa aporo mae makata forokoa rekeno asekea arareraka makata kakanafonorakano, aporoane himua Kotimo ipi makata ainane rekenafapo.

1 Yone 3:17 ပူးပေါင်းရင်းမြစ်များ

Ruki 3:11

Airakano Yonemo someraka, “Repo aporo metamo pasu tetá toamo, pasu hakása meta maka, aporo meta pasu fasane kakanie. Arirakano repo aporo metamo makata nakosa tokeno, parakuraka, aporo makata nakosa fasane kakanie.” Aisapo.

2 Korini 8:9

Arirakano Unihae Yasu Keresomo isuane kára hemakapukua yaku ararenane repo hemakapunie. Makata su ipi mena nine makata suane ipi mahimurafaraka ipi isupoko hauaka wo peraka makata forokoa koraka reapo. E makata forokoa reke araresa aeyaka isu koteaka seseraka hemakapukua risikinapo.

Hipuru 13:16

Arirakano koteaka rakiraka, nómenane parakuraka, aporo meta arareraka karáne meraruhokopo. Yaku karáne Kotimo aseraka ipi sesenapo.

Yamese 2:15

Arirakano Keresoa paosa aporo mae soko metao, Keresoa paosa papā soko metao, pasu faraka inuraka reke, makata nakosa soko faraka meamoraka rekeno, nómo asekea

Yamese 2:16

eaki someraka, “Né koteaka rekeasimo hemakapurakaripo. Né inuraka reane soko meamoraka reane soko fahoasimo hemakapurakaripo.” Aíyaka someraka yia aporo metane arareraka pasu soko makata nakosa soko kakanafonoraka, nenakamaka akai susumo somerakanone, siahoasifareapo.

1 Yone 4:20

Arirakano Keresoa paosa aporo maeaki hisiraka rea aporoamo someraka, “Nōmo Kotiaki himu tumurumo hemakapurakanapo.” Aira aporoamo kotafe somerakanapo. Aporo hauaka wo isina himo aseraki himu tumurumo hemakapunafonoraka, Kotiane isiapo himo asekeanafononaki himu tumurumo hemakapurakanafapo.

1 Yone 5:1

“Yasuane isiapo Unihae Kotimo murikimasane ipi Keresopo.” Aira aporo hinamoane Kotimo hokosapo. Arirakano Koti Atamo hokosa risike, isiapo Ataki himu tumurumo hemakapura ayiáka, isiapo Atamo hokosa metakirane, isiapo mae papa parisa ayiáka, iaki himu tumurumo hemakapurakanapo.