1 Timoti 5:17 - Kotimo Kawe Someaka Masane Oyapo

¹⁷ Keresoa paosa aporo hinamo asekea rea aporomo ipi namo kakaro koteaka asekea rekeno, eaki makata ropo karáka, hakása karáka, hakása meta soko, yaiya yaku ripaka marekea kakanie. Tetá karáka, tetá meta soko, yaiya yaku ripaka marekea kakanie. Epo Kotimo someane koteaka some kaka, arirakano koteaka tisaraka tarikia, asiamo eaki makata ropo meta soko yaku paoraka kakanie.

1 Timoti 5:17 ပူးပေါင်းရင်းမြစ်များ

Matiu 24:25

Kaisie. Maiyane faserepeasiraka makata ayiakakosane nōmo reaki somerakanapo.

Ruki 10:7

Arirakano ape hakása á waka reke aseane, aporo meromo néaki makata nakosa soko, he soko, karakano asekea nanie. Makata rakira aporomo makata rakisiakipoko, ipi makata ropoane makata nakosa akara ayapo. Ape meta á soko, ape meta á soko, ayiáka mokome pukupo. Ape sumu meta á pukusakipoko né ní ape wasá aeyaka punie.

Ruki 12:42

Airakano Yasumo someraka, “Aporo raipa metamo ipi wafayaki himu hakásaraka hemakapukua reke, ipi wafayamo someane kaikia, koteaka hemakapukua rakira aporoaki nōmo somerakanapo.

Yone 4:38

Arirakano aporo metakiramo makata mano poteraka asekea nina, makata mano potesane taneheheraka hemoa wate pesane repo tumokoako nōmo pusierakanapo. Aporo metakiramo wafororaka rakisia nine wate pesane repo tumorakanapo.”

Tarira Aporo 11:30

Kaka marekea, Sorepe Pánapase tetāki ipu someraka, “Tetápo moneane mokoa pukua, Yutía hauaka Keresoa paosa aporo asekea risia aporoaki kakanie.” Airakano tetapō mokoa pusuapo.

Tarira Aporo 20:35

Arirakano aporo makata forosane ararehoko, maiya suamo makata rakira ane nōmo rakisiapo. Repo ayiáka arareraka rakisimo, nōmo reaki tariraka, nōmo rakirakasu ayapo. Unihae Yasumo someraka, ‘Makata mokoakosane, maiya suamo hemakapukua risikiakopo. Makata kakakosane, hemakapukua risikianie. Aíyaka risikinone, namo kakaro seseaka risikiakosapo.’ Aíyaka Yasumo somesane hemakapunie.”

Tarira Aporo 28:10

Mafarakano ipu isuaki makata yaku kára kasapo. Wakasema risina, keseke kasu sipia ripaka pukusaporakano, makata karasamo siahoanafonorakano, ipu makata sarikekea kasu sipia taesapo.

Rome 12:8

Arirakano aporo hinamo metakiraki ararena someane Kotimo neaki karakanone, nómo aporo hinamo metakirane arareraka makotehoasimo ararena someane some kakanie. Arirakano aporo hinamo metakira makata forokoa risiane, arareraka makata kemo parakuraka kará wakapuane Kotimo néaki karakanone, nómo kára kakanie. Arirakano aporo hinamo ane soko, makata rakirane soko, poseraka asekea rera wakapuane Kotimo néaki karakanone, nómo koteaka asekea rekeanie. Arirakano aporo hinamomo makata umisa masaki kamenakaraka ararena wakapuane Kotimo néaki karakanone, aporo hinamomo makata umisa masaki nómo himu seseaka kamenakaraka ararehoanie. Ayiáka rakira wakapuane Kotimo kekepo kasane repo kekemaraka rakinie.

Rome 15:27

Mone taesane ipu hemakapukua seseraka taesapo. Asiamo Yasu hemakapusimo some kotesane Yu aporo aeyaka some karaka, Koti menane Yu aporohoanafonosaki araresapo. Asiamo Yu aporohoanafonosamo Yu aporoane kaumo menane arareraka kakafunupo.

Rome 16:12

Arirakano Taraeféna Taraefósa tetápo Unihae Kotimo makata rakirane wakapuaka rakirasamo teto soko nōmo hemakapurakanapo. Pésese nómo Unihae Yasumo makata rakirane, wakapuaka rakirasamo né nōmo Keresoa paosa papāpo. Néane soko nōmo hemakapurakanapo.

1 Korini 15:10

Asiāne Kotimo ano yaku ararerakano, ano koteaka reke tarira aporo rekenapo. Kotimo ano yaku araresasamo ano nenakamaka rekenafapo. Nōmo kára wafororaka rakiraka rekenapo. Tarira aporo metakiramo wakapuaka rakiraka tiki rakirakao, asiāne nōmo namo kakaro kára wakapuaka rakirakanapo. Asiāne nōmo nī wakapumo ayiáka rakirakanafapo. Kotimo wakapumo ano ararerakano nōmo ayiáka rakirakanapo.

1 Korini 16:16

Asiamo hameo, nōmo reaki paroaka somerakanapo. Setéfanasemo makata rakira ayiáka eyaki hakāsa makata rakira aporomo soko, ayiáka rakirasamo ipu someane soko kaiyinie. Arirakano i suane ararehoanie.

1 Korini 3:9

Asiane Koti ipiane namo kakaro kárapo. Kotimo etoane murikimasasamo, etapo Kotiyaki hakāsa makata rakirakanapo. Kotimo hemo asíane répo. Hemo wafayane Kotipo. Taku me meta soko, Kotimo ape asíane répo.

2 Korini 6:1

Isiapo Kotiyaki hakāsa rakiraka risike, reaki paroaka somerakanapo. Kotimo re hemakapukua yaku ararenane, repo mosane hemakapuraka, “Makata ane nenakamaka makatareapo,” aíyaka hemakapukupo.

Karesia 6:6

Arirakano repo Kotimo someane koteaka enomakasimo, aporo metamo tisaraka tarirakano, aporoane repo arareraka, repo makata nenane soko metao, repo makata kotesane soko metao, repo moneane soko metao, parakuraka eaki yaku kakanie.

Firipai 2:29

Asiamo repo Keresoa paosa aporo mae Epafarotaétaseane perakano asekea, seseraka pasimakanie. Epo Yasumo makata rakiraka reane e makata takamaraka kusuahopo. Repo ano ararehoko peakosapoko asiāne, re su peane siahoasifareapo. Siahoasifasekeno repoko epo ano arareraka pesane, kusuahopo. Arirakano aporomo Unihaeane makama fanaraka hemakapukua, makata rakiraka risiane, i namina kukusane hemakapurafaraka, ayiáka risia aporoane makárahoanie.

Firipai 4:3

Aporo iti hakāsa makata rakirao, néaki nōmo makata one somerakanapo. Hinamo tetapō sapesane fahoasimo, nómo maroporaka ararehoanie. Hinamo tetā anoyaki hakāsa kikinaraka makata rakiraka aporo hinamomo Yasuane hemakapusimo some kotesane some kakasimo ano araresapo. Tetapō soko, ape Kerémenemo soko, aporo metakiramo soko, ipu suamo anoyaki hakāsa rakisiapo. Arirakano i namina su yano taesane Kotimo yaiya rera sawia Kotimo popasapo.

1 Timoti 3:5

Arirakano nómo hinamomo soko, nómo hokosamo soko, ipu nómo someane kakimakanafonorakano, iane nómo koteaka asekea rekenafapo. Nómo iane koteaka asekea rekeanafonorakano, Keresoa paosa aporo hinamoane soko, nómo mayiáka koteaka asekea rekeakosare? Nómo koteaka asekea rekeasifareapo.

1 Timoti 4:10

Isiapo Kotiane ipi wate fana reane, yumo soko yaiya rekenapo. Kotimo aporo hinamo suane mafasiakosakipoko hemakapusuane, epo someane kakimara aporo hinamoane hákasa mafasirapo. Asiamo Kotiaki isiapo himu hakásaraka hemakapuraka risikinapo. Isiapo epoko rakiane isu aporo metakiramo mokoatikirakano yia, isiapo wafororaka rakiraka risikinapo.

1 Timoti 4:14

Kotimo ipi wakapu yaku ararenane néaki karakano, nómo masane metakariakopo. Kotimo somerakano kaira aporomo néaki some kaka, arirakano Keresoa paosa aporo asekea risia aporoamo ipu hokonomo né sakaisa maiya amo, Kotimo ararena wakapuane néaki yaku kasapo. Kasane maka rakinie.

1 Timoti 4:16

Ipu nómo makata rakirane asekeasimo nómo koteaka rakiako hemakapukua rekeanie. Nómo tisaraka makata some akaramo nómo hasaka some karápaka asekeanie. Ayiáka koteaka hemakapukua rakiraka rekeno, né níane soko arirakano nómo someane kakimasa aporo hinamoane soko Kotimo mafasiakosapo.

1 Timoti 4:6

Arirakano nōmo some one neaki tarirakanapo. Keresoa paosa aporo maemo koteaka hemakapusimo nómo some karakano ane, né Yasu Keresomo aporo raipa kotesane népo. Arirakano né kau kárahokosakipoko, nómo asipa nenapo. Aina ayiáka nómo Yasu keresoaki himu hakásaraka hemakapusuane kárahokosakipoko, Kotimo kakaro someane yaiya kakimaka rekeanie.

1 Timoti 5:19

Aporo hakásamo Keresoa paosa aporo hinamo asekea rea aporoaki hukururakano kaiyakopo. Aporo tetámo soko metao, aporo isiamo soko metao, ayiáka ipu suamo hakāsa yine asekea hukururakano ane, kaiyinie.

1 Timoti 5:3

Hinamo yaroane aporo metamo ararehoanafonorakano, nómo ararehoanie.

2 Timoti 2:6

Aina ayiáka aporomo hemo wafororaka tokoraka, hemoa makata maposane tanehekea, parurakano, hemo wafayamo ipi fana mokoa nenapo.

2 Timoti 4:2

Aporo hinamomo Yasuane hemakapusimo Kotimo someane nómo uyáka some kakanie. Aporo hinamomo kaikia seserakano soko, hisirakano soko, nómo yaiya some kakanie. Arirakano watikiaka rakira aporoaki, “Ayiakakopo,” aihoanie. aporo hinamomo watikiaka rakirakano nómo maropohoanie. Arirakano aporo hinamo koteaka risikiasimo, nómo some kaka ararehoanie. Arirakano aporo hinamomo makata kotesane enomakasimo tau auaraka tisaraka some kakanie.

Hipuru 13:17

Keresoa paosa asekea risia aporoamo reaki some karakano kakimaka kekemahoanie. Repo koteaka hemakapukua risikiasimo ipu asekea risikinapo. Ipu rakisiane koteaka rakisiarihoamo Kotimo iaki kaiyakosapo. Ipu seseraka rakisimo koteaka kakimaka risikianie. Koteaka risikianafonorakano, umisane ipu moraka i himu mahisiraka risikino, repo soko umisane mokoakosapo.

Hipuru 13:24

Re asekea risia aporoaki ayaparakanapo. Kotimo aporo hinamo suaki ayaparakanapo. Itari hauaka aeyaka Keresoa paosa aporo pesa amo soko reaki ayaparakanapo.

Hipuru 13:7

Arirakano fana aporo metakiramo Kotimo someane reaki some kaka reane asekea risiapo. I risia maiya amo ipu Keresomo ainane kekemarape pukua, i kusua maiya amo rakikia rosaka taesapo. Ipu ainane repo hemakapukua meraruhokopo. Ipu Kotiaki himu hakásaraka hemakapusua ayiáka, repo soko Kotiaki himu hakásaraka hemakapukua kekemahoanie.