1 Korini 9:6 - Kotimo Kawe Someaka Masane Oyapo

⁶ Asiane Pánapase etapo hakasa makata nakosakipoko hokonomo rakiane siahoasireare? Wae, siahoasifareapo.

1 Korini 9:6 ပူးပေါင်းရင်းမြစ်များ

Tarira Aporo 11:22

Arirakano Yarusarame sitia Yasu Keresoa paosa aporomo kaikia Pánapaseaki someraka, “Né Anitioke taonea pusie.”

Tarira Aporo 13:50

Arirakano Kotiaki kekerena hinamo fanaraka toamo soko, aporo fanaraka risiamo soko, suamo Poreaki sapehoasimo Yu aporomo hokoreraka somesapo. Porepe Pánapase tetā mokoatikiraka someraka, “Teto isiapo hauaka wo risikiakopo. Metakarikia pusie.”

Tarira Aporo 14:12

Aíyaka Pánapaseaki ipu kotafe koti meta yano motosa Siusi yano yakosapo. Pore fanaraka some karaka reasamo, eane Hémisi yano motosapo.

Tarira Aporo 18:3

Tetapō makata rakirane farae ape irinapo. Arirakano Poremo soko makata rakirane farae ape iriraka rakirasamo, tetāyaki hakāsa rakiraka, tetapō apea e waka reapo.

Tarira Aporo 4:36

Arirakano aporo meta yano motosa Yosefe ipi Rífai aporo ira reapo. Yosefeane Saéparase hauaka aeyaka perakano, tarira aporomo e yano meta Pánapase yano motosapo. Namo meaka Pánapaseane Mawakapu Somera Aporo ayiáka yano motosapo.

1 Korini 11:16

Asiamo pasu makafirira ayiáka makafirirane, tafatafahoane siahoasifareapo. Tafatafana aporo hinamoaki isiapo tarira aporomo someraka, “Hinamo repo pasu makafirinie.” Aíyaka isiapo some meta kakenafapo. Pasu makafiriakopo, aisane soko kakenafapo. Kurikuri ape metakira á soko, Keresoa paosa aporo hinamomo some meta kakenafapo. Some hakása yiyapo.

2 Korini 11:8

Re yaku ararehoko, Keresoa paosa aporo hauaka metakira risiamo ano mone karakano, nōmo mosapo. Repo ano kakafunusa nine, repo ano kakanafonorakano, asekea aporo metakiramo ano karakasupo. Repoko nōmo rakiraka reke ipu menane nōmo yaku mosapo.

1 Tesaronaeka 2:9

Maeo, isiapo wafororaka rakisiane repo hemakapurakanapo. Isu perakasuamo Kotimo some kotesane some kaka, arirakano isiapo hokonomo wafororaka rakisiane soko, repo asesapo. Repo makata umisane marapaka, sere soko ereamo soko, isiapo wafororaka rakisiapo.