1 Korini 9:11 - Kotimo Kawe Someaka Masane Oyapo

¹¹ Aina ayiáka etapo witi hae potena ayiáka, Kotimo someane etapo reaki some kasapo. Etapo reaki some kasasamo aporomo witi hae anena ayiáka, repo makata nakosa etoaki karakano, etapo mokoa neane siahoasifareare? Ao, siahoasireapo.

1 Korini 9:11 ပူးပေါင်းရင်းမြစ်များ

Matiu 10:10

Re kimisi puraka aku soko, pasu meta soko, mokoa pukupo. Tamaka soko, tatia soko, makata suane mokoa pukupo. Asiamo repo makata rakirane rakisiakipoko repo araresa aporomo reaki makata nakosa kayane siahoasireapo.

Rome 15:27

Mone taesane ipu hemakapukua seseraka taesapo. Asiamo Yasu hemakapusimo some kotesane Yu aporo aeyaka some karaka, Koti menane Yu aporohoanafonosaki araresapo. Asiamo Yu aporohoanafonosamo Yu aporoane kaumo menane arareraka kakafunupo.

1 Korini 9:14

Pirisiti aporomo makata nakosa amora ayiáka, Kotimo some kará aporoamo Kotimo someane some karásasamo, makata ropo makasireapo. Some kará aporomo makata nakosa mokoasimo, Kotimo some kaisia aporoamo makata ropo kayane siahoasireapo. Aíyaka Unihae Yasumo maresapo.

2 Korini 11:15

Satane kotafe hepene aporo pariraka area ayiáka, eaki patera asesa aporoane soko, kotafe aporo ereketaesa pariraka risikino, aporo hinamomo kotafe aporo ereketaesa parisane aseraka someraka, “Aporoane ereketaehoareapo,” airapo. Kotafe aporo ereketaesa parisasamo keseke ipu namina makata rakisia yinaka makata ropo mokoakosapo.

Karesia 6:6

Arirakano repo Kotimo someane koteaka enomakasimo, aporo metamo tisaraka tarirakano, aporoane repo arareraka, repo makata nenane soko metao, repo makata kotesane soko metao, repo moneane soko metao, parakuraka eaki yaku kakanie.

Firipai 4:17

Repo mone nōmo makosakipoko somerakanafapo. Aíyaka nōmo hemakapurakanafapo. Nōmo reaki, ano mone kasie, aisafapo. Repo ano mone kasasamo, Kotimo reane asekea reke re makotehokosapo, aíyaka nōmo hemakapurakanapo.