1 Korini 5:7 - Kotimo Kawe Someaka Masane Oyapo

⁷ Arirakano Yu aporomo Ape Farimaresa Hemakapuko hokono keako ipu apea makata pirira rekeakohoamo, ipu kokoa mamakatenapo. Mamakateraka ipu farawa makata pirira fasekeno farawa kawe hitafe kotesa pairapo. Aina ayiáka re su koteaka risikiasimo, aporo watikisane reyaki hakāsa kikinahokopo. E makama yaoahoanie. Arirakano Ape Farimaresa Hemakapuko hokono kesa maiya amo, Yu aporomo saro sipi mano rusuapo. Asia ayiáka isiapo watikisane mafahokosakipoko, Yasu isupoko farimaka kusuapo. Kusuasamo isu kawe koteaka risikiasireapo.

1 Korini 5:7 ပူးပေါင်းရင်းမြစ်များ

Matiu 13:33

Yasumo takume meta someraka, “Aporo hinamo Kotimo unihaeaka asekea reane, farawa pirira asíapo. Hinamomo farawa paiyakosakipoko farawa tarámo hakása maka makata pirirayaki sarimaraka kekero kekerorakano, makata piriramo farawane hemakapukua pirirapo.” Aíyaka Yasumo somesapo.

Maka 14:12

Arirakano hokono keraka Farawa Pirianafonona Nená kepomaresa maiya amo, saro sipi mano rusuapo. Maiya amo aporo hakāsa puramo Yasuaki someraka, “Ape Farimaresa Hemakapuko Hokono Keraka makata nakosane isiapo ape ma sarimaraka taehokosare?”

Yone 1:29

Ere hakása waka, mituru Yonemo aseane Yasu perakano aseraka someraka, “Kotimo saro sipi manoane apere. Aporomo himua makata watikisane epo mafahokosakipoko saro sipi arura ayiáka e rukusapo.

Yone 1:36

Yasu purakano asekea wáraka someraka, “Asesie. Kotimo saro sipi mano e apure.”

Yone 19:14

Arirakano Ape Farimaresa Hemakapuko Hokono Keakosane rau ayiakakosasamo pipu aporo hinamo suamo makata su maroponapo. Asiamo maropoana maiya amo maiya tuaro (12) koroko paurakano Pairatemo Yu aporoaki someraka, “Repo unihaeane épo.”

Rome 3:25

Yasumo apí akara ayiáka, ipi kukusimo Kotimo e pusiesapo. Arirakano Kotimo ipi ereketae ainane wate fana reane, yumo soko, yaiya ereketaeraka reane, aporo hinamoaki tarisiapo. Wate fana aporo hinamomo watikiaka rakirakano Kotimo foaka fanasihoafareapo.

1 Korini 10:17

Asipa oro hakása asíane isupo. Asipa oro hakásane ruturaka feteraka nenakano, isu su Kereso ipia hakāsa paorakanapo. Asipa oro hakásane isiapo aporo hinamo yakaimo nenakanone, isu aporo kau hakása asíapo.

Efesase 4:22

Asiasamo pasu paté horomaka mamakatena ayiáka, fana risia maiya amo repo makata watikisa ainane metakarikia mamakatehoanie. Fana makata watikisa aina amo re himuane maseseraka ayiáka rakikia risiamo re himuane mokoatikisapo.

Some Faremaresa Tarisia 5:12

Kesáraka úyaka kesárakasapo. “Saro Sipi Mano né rusua kusuasamo néaki hákasa kekerehoane siahoasireapo. Nómo wakapuane kárapo. Nómo makata kemo kárapo. Nómo hemakapurane kotesa ereketaesapo. Nómo wakapuaka rakirapo. Né yano motosane kárapo. Né faesane kárapo. Isiapo néaki suseraka kekererakanapo.” Aíyaka kesárakasapo.