1 Korini 15:54 - Kotimo Kawe Someaka Masane Oyapo

⁵⁴ Torena kauane mamakateraka, torehoanafonona kau kotesa amora maiya amo, Kotimo sawia popasane ayiakakosapo. Aíyaka popasane oyapo. “Kurane mafaraka kakaro rukua mosaka tapisiapo.

1 Korini 15:54 ပူးပေါင်းရင်းမြစ်များ

Ruki 20:36

Namina hepene aporo arisia ayiáka risikiakosapo. Arirakano kurafapo. Aporo kusua maturikia taerakano i kakaro Kotimo hokosapo.

Rome 1:23

Kakaro kára hasakaraka risike, ipu Yaiya Rera Koti faesaki patera tarikia, yatafu yakasa hoaki kekereraka risiareapo. Aíyaka kekerehokosakipoko amano ayiáka murikimaka hokonomo rakikia, arirakano meta, mena ayiáka murikimaka rakikia, arirakano meta, saro ponomakau ayiáka murikimaka rakikia, arirakano meta, kuyare ayiáka murikimaka rakikia, ayiáka ipu hokonomo murikimaka rakisia makataki kekereraka risiareapo.

Rome 2:7

Aporo hinamomo maiya suamo namina koteaka susu rakiraka risike, faesa a risikiako seseaka hemakapukua, arirakano Kotimo sesehoasimo rakiako hemakapukua, arirakano Kotiyaki yaiya risikiako seseaka hemakapukua, ayiáka risira aporo hinamoaki Kotimo yaiya rerane kakakosapo.

Rome 6:12

Arirakano makata watikisamo repo kauane unihaeaka asekea rekeakohoamo makata watikisane metakarikia kikisiraka risikianie. Arirakano repo kauane hauaka wo wakasema risina kukusapo. Asiamo kaumo watikiaka hemakapusua amo reaki hokokarakano, some ane repo kakimakopo.

Rome 8:11

Yasu kusua maturikia taesane Koti ipipo. Ipi Ho Kotesane re himua risiasasamo Yasu maturikia taesa Koti amo repo kau kusuane soko maturikia taehokosapo. Ipi Ho Kotesa repo himua risikino asekea, Kotimo maturikia taehokosapo.

2 Korini 4:11

Maiya suamo isiapo Yasupoko rakirakano, asekea aporo metakiramo isu rusuapo. Rusua kusuahopo. Rusua kusuahonine isu fore risira kaua Yasumo wakapuane reasasamo, repo asekeasimo isu yaiya arisia yuyapo.

2 Korini 5:4

Hauaka wo farae ape asiane isu aporomano kau ayapo. Kau one arisia maiya amo makata umisa maka puraka, umirakano kanahiraka maka apura ayiáka, isu ayiáka puraka risikinapo. Arirakano isiapo pasu ososane horomorakanone isu patera yase risirapo. Isiapo ayiáka rakiane siahoasifareapo. Asiāne pasu kaweane kima yapura osoraka pasu paté fana ososane horomarapo. Aina ayiáka isiapo kau kawe haku yaiya risira kauane osoraka, hauaka omo kau patéane horotapiakosapo. Asiamo maiya suamo isu kau haku kotesayaki yaiya risikiakosapo.

2 Tesaronaeka 1:10

Yasu pariapera maiya amo Yasumo ereketaeaka koteaka susu risira aporo hinamoamo Yasumo yanoane makárahokosapo. Makáraraka Yasumo ipi faesane asekea, ipu someraka “Yao watikiane. Siarakarifapo.” Aihokosapo. Aihokosa aporoane kakimara aporopo. Arirakano isiapo some kasane repo kakimasasamo repo soko Yasumo yanoane mafaraka kekerehokosapo.

Some Faremaresa Tarisia 20:14

Asiamo aporo hinamomo yano motosane Kotimo sawia aporo hinamo Kotiyaki yaiya risikiakosane popahoanafonosekeno aporo hinamoane parakuraka, he kekea kaya asía saofa rufi wariwarisa tuiya asiakipoko arakarua mokoasurakasapo. Kurane soko Hétisi hauakane soko mokoa, he kekea kaya asía saofa rufi wariwarisa tuiya asia arakarua mokoasurakasapo. Yape teta akura ayiáka kurakasapo.

Some Faremaresa Tarisia 21:4

Aporo hinamo suamo hiripu heane Kotimo ipi hokeane. Hokeraka faraka amano kurakano hiripunane kakaro fane. Efera hunia i hiripuhokosafapo. Amano kurane soko kakaro fane. Faraka efera hunia kukusafapo. Kau teraka himu nenakarane soko fane. Faraka efera hunia kau tehokosafapo. Himu nakosafapo. Makata fana ainane su fane,” airakasapo.