1 Korini 10:12 - Kotimo Kawe Someaka Masane Oyapo

¹² Aporo metamo someraka, “Ano siaraka rekenapo.” Aíyaka someraka tiki somerakao, aíyaka né terafaka ruraka etenapaka asekeanie.

1 Korini 10:12 ပူးပေါင်းရင်းမြစ်များ

Ruki 8:18

Asiamo someane maíyaka kaikia kakimarakanare? Ayiáka hemakapukua risikianie. Repo someane kaikia kakimarakano, makata meta soko reaki somerakano, repo sia kakimakosapo. Arirakano someane repo kakimakanafonorakano, fana repo makata kaisiane soko meraruhokosapo,” aisapo.

Rome 11:20

Aíyaka re Yu aporohoanafonosamo kakaro somerakanapo. Wate fasekeno hemo wafayamo ira orofe eya pateketaena ayiáka, Isiraya aporo pateketaesapo. Ipu Kotimo hemakapusua aeyaka ereketaeraka risira ikia karane himu hakásaraka hemakapunafonorakano, Kotimo iane fore makamafeasapo. Asiane re Yu aporohoanafonosamo Kotimo hemakapusua aeyaka ereketaena ikia karane himu hakásaraka hemakapukua kekemarakano, reane Kotimo pasimosapo. Pasimorakano repo namina yia makáraraka rupiaka hemakapukupo. Asiamo reane Kotimo pateketaenapaka asekeanie.

1 Korini 8:2

Aporo metamo hemakapuraka, “Nōmo makata su hemakapukua faraka rekenapo.” Aíyaka hemakapura amo ipi yia makáraraka sikiraka, ane sia hemakapurakanafapo. Ane hasaka hemakapurakanapo.

Korosi 2:8

Aporo metakiramo kotafe someane somerakano repo kakimarapaka asekeanie. Hauaka omo makata hemakapurane soko, yatafu yakasa ho menane soko, makasa kauamo makata ainane soko, makata ane ipu máfaraka some karápo. Aporoamo Kereso menane some karáfapo. Asiamo someane repo kekemarakanone, re keresoa paosane hurupeakosapo. Anapaka asekeanie.

2 Pita 3:17

Hameo, Kotimo someraka, “Nōmo somemane koaretaena aporomo mokome hasaka some kakakosapo.” Aisane mahimeteraka risikiakopo. Koaretaena aporomo hasaka some karakano someane repo kakimakopo. Ira maposa horohororaka ruaka apura ayiáka, anapaka paroaka risikianie. Ipu kotafe somerakano repo kakimakopo.