Nikɔn ne kɛ Phaal 9:4 - ɛWee ne ìTsɛm iHywas

⁴ Ne yaak ᐩicobhol de wu hang ihywɛ ta idik, ne ivee, gbik nɛ nihon, wu te ihywɛ yang ku tabha ninyi na ne hame nibhɛ bok ɛlamba ɛTaanggbey ya ne itiri nibhɛ de.

Nikɔn ne kɛ Phaal 9:4 ပူးပေါင်းရင်းမြစ်များ

Nikɔn ne kɛ Phaal 14:1

Ne nyɛɛn ne n yaang ɛNgɔn ne Pharak kɛ kyinak daa ne ɛWarang ne iSihiyɔɔna, nɛ ninyi na ninom ikɔl idaan ne nzuwubɔ nwaas nɛ nibhɛ nwaas, (144,000) na ne kɛ haa irywɛɛk ɛbhɛ ne ihoo ɛKyɛɛ ɛbhɛ wo ne icwiri nibhɛ da.

Nikɔn ne kɛ Phaal 8:7

ɛMalɛka ɛyisɛ yɛ ne wuuti ɛntuntuung ɛbhɛ, nkpaaling ne igboo ne ifɛ kɛ byinket nɛ neyi ne wuru, ifɛ sirit te ndɔ ɛzay ya. iGboo yɛ ne re ihop idaan ndɔ iphɛ itwat ɛzay de, ne ihop idaan ndɔ ne iphɛ itwat nihon, ne idik gbik.

Nikɔn ne kɛ Phaal 6:6

Ne n ji kyi ta phok ɛdɛ ɛkɔn na kɛ boote te izɔlɔs ɛceree nikɔn niken nwaas sa ɛ bo, “Sɛ́ bo ijam ɛtomɛ ɛtuk ɛdaan ɛlɛbura, ne say ne ɛgyuuru ɛlikama ɛdaan, ne bo ijam ɛtomɛ ɛtuk ɛdaan ɛlɛbura ne say nɛ nigyuuru itwat ne ibɔrɔk ne ibaali. Sɔng ne bees Niphaa na nɛ nihon ne inɛn ɛnap ba nang.”

iFisus 4:30

Sɔng ˆɛ bees ɛn iKabyik ɛTaanggbey de irway nang. iKabyik ge ne iphɛ so ɛlamba gha daa ne mon no, ne iphɛ kɛ tɔɔrek wu ˆɛ so ɛn ninaa ɛTaanggbey ya ˆɛ hyep ɛtuk ka ne ɛTaanggbey ya sɛ phɔt nyini wo.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

Nikɔn ne kɛ Phaal 7:1

Ɛtsim nikɔn nɛnaa wo ne n ji yɛɛn, ne n yaang nimalɛka ɛTaanggbey nibhɛ nwaas nibhɛ kɛ kyinasek ne ibap naas ɛzay de, tɛ nibhɛ ring igbil lo ne ifɛ le ne ibap naas de ne tel ɛzay, nɛ niling gbik nɛ nihon.