Nikɔn ne kɛ Phaal 8:3 - ɛWee ne ìTsɛm iHywas

³ ɛDɛ ɛmalɛka gha ne ɛ bok ɛkpɛɛt ne izinariya ne i wɔɔ ne ɛturarɛ, ne yɛɛs ɛ kyinak ɛlɔ ɛraa ne hap itsanga gha. Ne nang ɛbhɛ ɛturarɛ gbom te ɛ byinki ne ɛroo ninyi ɛTaanggbey ya ne kɛ tul kang ngo, te ɛ wɔɔ nibhɛ ɛraa ne izinariya ne hap itsanga gha ne ɛ so ɛnu ɛyisɛ ɛcuruu ne igbɔm ma.

Nikɔn ne kɛ Phaal 8:3 ပူးပေါင်းရင်းမြစ်များ

ɛLuka 1:10

iDira ninyi de kaa ne ji kyinasek gɔɔ ne izay, ɛnu ne iDeng nga, nibhɛ roro ne ɛTaanggbey ya, nten de ne ɛ so ɛbung ne hap itsanga ne wɔɔ ɛturarɛ wo.

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

iBirani 9:4

Ndɔ ne izuk kɛwoo nggyɛ wo, ɛraa ne hap itsanga ne kɛ ryɔng ne izinariya kaa sonɛ, ɛKwaati ne Rop ìTsɛm ne sonɛ. Kaa ne yilɛm nikɔn ifaa yɛnaa wo ne izinariya. Ndɔ ne ɛKwaati yɛwoo nggyɛ wo, ɛkyee ne izinariya ne ɛ bok idɛ re de ne i bok iphɛ imana kaa ne sonɛ, ɛntsɛng ɛHaruna ne ɛbhɛ kaa yaa tuwusiy ne sonɛ, ikpɛɛ ibaghatak ne kɛ haa ne ibol ne ìtsɛm be ne sonɛ.

Nikɔn ne kɛ Phaal 10:1

Ne n da yaang ɛdɛ ɛgbaang ne ɛmalɛka gha ɛ le daa ne irywa ɛ tɔmɔs. Kɛ cwaal ɛbhɛ ndɔ ne inɔp, isheng-iroy so daa ne ito ɛbhɛ. ɛYisɛ ɛbhɛ gha ne so te iroy, ita ɛbhɛ de ne so te ngguk ɛhon ne igboo i re.

Nikɔn ne kɛ Phaal 14:18

ɛTsim mɛ ɛlɛy, ɛdɛ ɛmalɛka gha ne ɛbhɛ ɛ wɛɛ igboo ɛraa ne hap itsanga gha ne wuru ɛraa ne hap itsanga gha. Ne ɛ yel-le ne ɛhaa ne ɛ bok ɛluwujɛ wo ne ɛbhɛ re wo ne ɛgbaang ne izɔlɔs, ɛ yaak ɛbhɛ, “Bo ɛluwujɛ mo wo ne ɛbhɛ re wo te ɛ pha ne ikpam ne ɛnap ɛzay da, ikpam mɛ kɛ bel.”

Nikɔn ne kɛ Phaal 5:8

Ne sɛ ɛNgɔn ne Pharak ka kɛ say ɛwee ne ihuhu wo, nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa ne ji ho ɛnu ɛyisɛ ɛNgɔn ne Pharak ka. ɛRɔngɔ bok iguwu, ne ɛkpɛɛt ne izinariya i kɛ yɛk ne ɛturarɛ hyɔrɔ nɛ ne ndɔ yɛ. ɛTurarɛ yɛwo nggyɛ wo ɛbhɛ soye ɛroo ninyi ɛTaanggbey ya nɛ nibhɛ roro.

Nikɔn ne kɛ Phaal 6:9

Ne sɛ ɛNgɔn ne Pharak ka kɛ bala icwɛɛm ne iwii yɛ, ne n yaang ikpen ninyi da ne kaa phobho nibhɛ daa ɛli nɛ nibhɛ kɛ tɔng ibol ɛTaanggbey de, nibhɛ ta nang ishɛɛda yɛwo, so ndɔ ɛta ɛraa ne hap itsanga.

Nikɔn ne kɛ Phaal 7:2

Ne n da yaang ɛdɛ ɛmalɛka gha ɛ le ne iwap ɛdak, ɛ bok ɛlamba ɛTaanggbey ne iKen. Ne ɛ boote nɛ nimalɛka nwaas sɛnaa nggyɛ wo ne kɛ nang nibhɛ ito ne bees ɛzay ya nɛ niling nga, ne ɛgbaang ne izɔlɔs.

Nikɔn ne kɛ Phaal 8:4

Ngkoy ne ɛturarɛ da ne byinket ne ɛroo ninyi ɛTaanggbey ya mpɛ yilitsik ndɔ ne iwɔ ɛmalɛka wo, mpɛ wara daa ɛnu ɛyisɛ ɛTaanggbey ya.

Nikɔn ne kɛ Phaal 8:5

ɛMalɛka ɛTaanggbey ya ne bo ɛkpɛɛt ne izinariya wo, ɛ bone igboo ndɔ ɛraa ne hap itsanga gha hyɔrɔ. Ɛ ji sangare ifɛ ndɔ ɛzay ya. ɛLɔ yɛ ne yaa wunga, ɛɛ tɛɛ, gburung! Gburung! Ɛɛ tes derep, ivel runket.

Nikɔn ne kɛ Phaal 9:13

ɛMalɛka ne ɛtaraa yɛ ne wuuti ɛntuntuung ɛbhɛ wo, ne n phok ᐩizɔlɔs ihywɛ wuusi ne ibap nwaas ɛraa ne hap itsanga ne kɛ ryɔng izinariya ne ɛ so ɛnu ɛyisɛ ɛTaanggbey ya.